ନୂଆଦିଲ୍ଲୀ,୨୩।୫: କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଏକ ନିର୍ବାଚନ ସମାବେଶକୁ ସମ୍ବୋଧିତ କରୁଥିବାବେଳେ ବିରୋଧୀ ଦଳକୁ ଟାର୍ଗେଟ୍ କରିଛନ୍ତି। ଏଥର ନିର୍ବାଚନରେ କଂଗ୍ରେସ ଏବଂ ସମାଜବାଦୀ ପାର୍ଟି (ଏସ୍ପି) କେତେ ସିଟ ପାଇବେ ସେନେଇ ଶାହା ପୂର୍ବାନୁମାନ କରିଛନ୍ତି। ସେ କହିଛନ୍ତି, ୫ ପର୍ଯ୍ୟାୟ ଭୋଟ ସମାପ୍ତ ହୋଇଛି। ଏହି ୫ ପର୍ଯ୍ୟାୟରେ ମୋଦି ଜୀ ୩୧୦ ସିଟ ଅତିକ୍ରମ କରିସାରିଛନ୍ତି ଏବଂ ଇଣ୍ଡିଆ ମେଣ୍ଟ ବିଲୋପ ହୋଇଗଲାଣି।
ଶାହା କହିଛନ୍ତି, ଏହି ୫ ପର୍ଯ୍ୟାୟରେ ମୋଦି ଜୀ ୩୧୦ ସିଟ୍ ଅତିକ୍ରମ କରିସାରିଛନ୍ତି ଏବଂ ଇଣ୍ଡିଆ ମେଣ୍ଟ ବିଲୋପ ହୋଇଗଲାଣି। ଏଥର କଂଗ୍ରେସ ୪୦ ଟି ସିଟ୍ ମଧ୍ୟ ଅତିକ୍ରମ କରୁନାହିଁ ଏବଂ ଅଖିଳେଶ ଜୀ ମଧ୍ୟ ୪ ସିଟ୍ ପାଇବାକୁ ସକ୍ଷମ ନୁହଁନ୍ତି। ଏସସି, ଏସଟି ଏବଂ ଓବିସି ସଂରକ୍ଷଣକୁ ଲୁଣ୍ଠନ କରିବାକୁ ଇଣ୍ଡିଆ ମେଣ୍ଟ ଯୋଜନା କରିଛି।
