ପେଡାଲ ମାରି ଏହାକୁ ଚଳା ଯାଉଥିବାରୁ ଏହା ଏକ ସାଇକେଲ ବୋଲି କୁହାଯାଏ। କିନ୍ତୁ ଏହାକୁ ଦେଖିଲେ କେହି ବି କହିବେନି ସାଇକେଲ ବୋଲି। କାରଣ ଏହା ଆଦୌ ସାଧାରଣ ସାଇକେଲ ଭଳି ନୁହେଁ। ଏଥିରେ ସାତୋଟି ସିଟ୍ ଗୋଲାକାରରେ ରହିଥାଏ। ଅର୍ଥାତ୍ ଏଥିରେ ଏକାଥରେ ସାତ ଜଣ ବସି ଯାଇପାରିବେ। କିନ୍ତୁ ଗୋଟିଏ ଷ୍ଟିୟରିଂ ଥାଏ, ଯାହାକୁ ଜଣେ ବ୍ୟକ୍ତି କଣ୍ଟ୍ରୋଲ କରିବେ। ଆଉ ଅନ୍ୟ ସମସ୍ତେ ପେଡାଲ ମାରି ସାଇକେଲକୁ ଗତି ଶୀଳ କରାଇବେ। ଏହାକୁ ସାତ ଜଣ ମିଶି ଚଳାଇବାବେଳେ ଲାଗେ ସତେ ଯେମିତି କିଛି ଲୋକ ଗୋଲାକାରରେ ବସି ମିଟିଂ କରୁଛନ୍ତି। ତେଣୁ ଏହାର ନାଁ କନଫରେନ୍ସ ସାଇକେଲ ବା କନଫରେନ୍ସ ବାଇକ। ୧୮ଟି ଦେଶରେ ଏବେ ୩୦୦ଟି କନଫରେନ୍ସ ବାଇକ ଅଛି। ସାଧାରଣତଃ ଏହାକୁ ଟୁରିଜମ୍ ପାଇଁ ଓ ୟୁନିଭର୍ସିଟି କ୍ୟାମ୍ପସ୍ରେ ବ୍ୟବହାର କରାଯାଉଛି। ଏହାର ଲମ୍ବ ୮ ଫୁଟ ୨ ଇଞ୍ଚ ହୋଇଥିବାବେଳେ ଓସାର ୫ ଫୁଟ ୧୧ ଇଞ୍ଚ ଓ ଓଜନ ୨୨୦ କି.ଗ୍ରା.।
