ପୁରଷୋତ୍ତମପୁର,୧।୪(ସବିତା ମିଶ୍ର): ଗଞ୍ଜମ ଜିଲା ପୁରୁଷୋତ୍ତମପୁର ମା କନକେଶ୍ବରୀ ଘରୋଇ ବସମାଲିକ ସଂଘ ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଛି । ସଭାପତି ସନ୍ତୋଷକୁମାର ପତିଙ୍କ ପୌରହିତ୍ଯରେ ବୁଧବାର ତାରାତାରିଣୀରୋ ହୋଇଥିଲା । ଏଥିରେ ମୁଖ୍ୟକରି ବ୍ରହ୍ମପୁର ବସଷ୍ଟାଣ୍ଡ ଗତମାସ ୬ ତାରିଖରୁ ସ୍ଥାନାନ୍ତର ହୋଇଯାଇଥିବା ବେଳେ ଚଣ୍ଡିପଦର ରାସ୍ତାଦେଇ ଚଳାଚଳ କରୁଥିବା ବସଗୁଡିକର ସମସ୍ଯା ଗୁରୁତର ହୋଇପଡିଛି ।
ଏହି ବସଗୁଡିକ ସେହିରାସ୍ତାରେ ଦିର୍ଘ ଏକମାସ ହେଲା ଚଳାଚଳ କରିବା ସମ୍ପୁର୍ଣ୍ଣରୂପେ ଠପ୍ ହୋଇଯାଇଛି । ଯାହାଦ୍ବାରା ଏହି ରୁଟରେ ରହିଥିବା ବିଭିନ୍ନ ଗ୍ରାମଗୁଡିକର ଜନସାଧାରଣ ଯାତାୟତରେ ନାହିଁଥିବା ଅସୁବିଧାର ସମ୍ମୁଖିନ ହେବାରେ ଲାଗିଛନ୍ତି । ଅପରପକ୍ଷରେ ଏହିରାସ୍ତାରେ ଚଳାଚଳ କରୁଥିବା ବସ ମାଲିକମାନେ ମଧ୍ଯ ବସଚଳାଇ ନପାରି କ୍ଷତିଗ୍ରସ୍ତ ହେବାରେ ଲାଗିଛନ୍ତି । ବସ୍ ଗୁଡିକ ନରେନ୍ଦ୍ରପୁର ରାସ୍ତାରେ ଚଳାଚଳ କରିବାବେଳେ ସେହିରୁଟରେ ରହିଥିବା ବସଗୁଡକର ପରମିଟର ବ୍ଯବଧାନ ସ୍ବଳ୍ପ ସମୟରହିଥିବାରୁ ତାହାକୁ ବାଧକ ସାଜୁଛି । ଯାହାଦ୍ବାରା ସେହି ରୁଟରେ ରହିଥିବା ବସମାନଙ୍କର ସମସ୍ଯା ଜଟିଳ ହୋଇପଡିଛି ଓ ସେମାନେ ବସକୁ ଚଲାଇବାରେ ସମ୍ଭବପର ହେଉନାହିଁ ।
ଉଭୟ ବସମାଲିକ ସମ୍ପୁର୍ଣ୍ଣରୁପେ କ୍ଷତିଗ୍ରସ୍ତ ହେବା ସହ ଅଜଥା ବିଶ୍ରୁଙ୍ଖଳାମାନ ଦେଖାଦେବାରେ ଲାଗିଛି । ଏହାକୁ ନେଇ ସମସ୍ତ ବସମାଲିକମାନେ କ୍ଷୋଭ ପ୍ରକାଶ କରିଥିଲେ । ଏଣୁ ଚଣ୍ଡିପଦର ରୁଟର ଜନସାଧାରଣ ଓ ବସ ମାଲିକ ଉଭୟଙ୍କ ସମସ୍ଯା ପ୍ରତି ପଦକ୍ଷେପ ନେବାଲାଗି ପ୍ରଶାସନର ଦ୍ବାରସ୍ଥ ହୋଇ ଦୃଷ୍ଟି ଆକର୍ଷଣ କରିବାକୁ କରିବାକୁ ସଂଘ ପକ୍ଷରୁ ନିଷ୍ପତ୍ତି ନିଆଯାଇଥିଲା । ଏଥିରେ ସଂପାଦକ ଶରତଚନ୍ଦ୍ର ସାହୁ, କୋଷାଧକ୍ଷ ସୁୁଦର୍ଶନ ପ୍ରଧାନ, ପୋଲସରା ବସମାଲିକ ସଂଘ ସଭାପତି ନିଳାଞ୍ଚଳ ପଣ୍ଡା, ମୁନା ମହାନ୍ତିଙ୍କ ସମେତ ବ୍ରହ୍ମପୁର, ହିଞ୍ଜିଳି, ପୁରୁଷୋତ୍ତମପୁର, ବୁଗୁଡା, ପୋଲସରା, କୋଦଳା, କବିସୂର୍ଯ୍ଯନଗର ଖଲ୍ଲିକୋଟ, ବେଗୁନିଆପଡା ଅଞ୍ଚଳର ବହୁ ବସମାଲିକ ଉପସ୍ଥିତ ଥିଲେ ।
