ପାଟକୁରାର ସାମୂହିକ ବିକାଶ ମୁଖ୍ୟ ଲକ୍ଷ୍ୟ: ଅରବିନ୍ଦ

କେନ୍ଦ୍ରାପଡ଼ା ଜିଲା ପାଟକୁରା ବିଧାନସଭା ନିର୍ବାଚନମଣ୍ଡଳୀ ରାଜ୍ୟ ରାଜନୀତିରେ ଗୁରୁତ୍ୱ ବହନ କରିଆସିଛି। ଅତୀତରେ ଏଠାରୁ ରାଜ୍ୟର ବହୁ ପ୍ରମୁଖ ନେତା ନିର୍ବାଚିତ ହୋଇ ପାଟକୁରାକୁ ରାଜନୈତିକ କ୍ଷେତ୍ରରେ ଏକ ନୂତନ ଦିଗ୍‌ଦର୍ଶନ ଦେଇଛନ୍ତି। ତେବେ ଚଳିତ ନିର୍ବାଚନରେ ପାଟକୁରା ପାଇଁ ବିଜେଡି ନୂଆ ଯୁବ ଚେହେରା ଭାବେ ଅରବିନ୍ଦ ମହାପାତ୍ରଙ୍କୁ ପ୍ରାର୍ଥୀ କରିଛି। ଅରବିନ୍ଦ ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ବିଜୟ ମହାପାତ୍ରଙ୍କ ପୁତ୍ର। ନୂତନ ଚିନ୍ତାଧାରା ସାଧାରଣ ଲୋକଙ୍କ ନିକଟରେ ପହଞ୍ଚାଇବା ଲକ୍ଷ୍ୟରେ ସେ ପ୍ରଚାର ଅଭିଯାନକୁ ଜୋରଦାର କରିଛନ୍ତି। ଏହି ପରିପ୍ରେକ୍ଷୀରେ ‘ଧରିତ୍ରୀ’କୁ ଏକ ସାକ୍ଷାତ୍‌କାର ଦେଇ ପାଟକୁରାର ସାମୂହିକ ବିକାଶ ତାଙ୍କର ମୁଖ୍ୟ ଲକ୍ଷ୍ୟ ବୋଲି କହିଛନ୍ତି।

ପ୍ରଶ୍ନ: ପ୍ରାର୍ଥୀଙ୍କ ନିର୍ବାଚନୀ ପ୍ରସଙ୍ଗ କ’ଣ ରହିଛି ?
ଉତ୍ତର: ପାଟକୁରା ବିଧାନସଭା ନିର୍ବାଚନମଣ୍ଡଳୀରେ ଚାଷୀଙ୍କ ପାଇଁ ବହୁ ସମସ୍ୟା ଅଛି। ସେଥିମଧ୍ୟରୁ ଚାଷଜମିକୁ ଜଳସେଚନ ଗୁରୁତ୍ୱ ରଖୁଛି। ସେହିପରି ଯୁବବର୍ଗଙ୍କ ପାଇଁ ବେକାରି ସମସ୍ୟା ମୁଣ୍ଡ ଟେକିଛି। ଚଳିତ ନିର୍ବାଚନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚାଷୀ ଓ ଯୁବବର୍ଗଙ୍କ ପାଇଁ ଇସ୍ତାହାରରେ ଯେଉଁସବୁ ପ୍ରସଙ୍ଗ ଘୋଷଣା କରିଛନ୍ତି, ତାହାକୁ କାର୍ଯ୍ୟକାରୀ କରିବା ଉପରେ ପ୍ରାଥମିକତା ଦେବି। ଗ୍ରାମାଞ୍ଚଳରେ ବିଦ୍ୟୁତ୍‌ ସମସ୍ୟା ସାଧାରଣ ଲୋକଙ୍କ ପାଇଁ ଉତ୍କଟ ହେବାରେ ଲାଗିଛି। କମ୍‌ ଉପତ୍ାଦନ ଓ ଅଧିକ ବିଦ୍ୟୁତ୍‌ ଯୋଗାଣ ପାଇଁ ଏଭଳି ସମସ୍ୟା ଉପୁଜୁଥିବାରୁ ପାଟକୁରା ଅଞ୍ଚଳବାସୀଙ୍କ ପାଇଁ କିପରି ଏହି ସମସ୍ୟା ଦୂର ହେବ ସେ ଦିଗରେ ଉଦ୍ୟମ କରିବି।
ପ୍ରଶ୍ନ: ଭୋଟରଙ୍କୁ ନିଜ ସପକ୍ଷରେ କ’ଣ କହିବାକୁ ପ୍ରାର୍ଥୀ ଚାହୁଁଛନ୍ତି ?
ଉତ୍ତର: ଦୀର୍ଘବର୍ଷ ହେବ ଏହି ନିର୍ବାଚନମଣ୍ଡଳୀଟି ବିଜୁବାବୁଙ୍କ ଜନତା ଦଳ ଓ ପରେ ବିଜେଡିର ନିର୍ବାଚିତ ପ୍ରତିନିଧିମାନେ ପ୍ରତିନିଧିତ୍ୱ କରିଆସୁଛନ୍ତି। ପାଟକୁରା ବିଜୁବାବୁ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ପିତା ବିଜୟ ବାବୁଙ୍କ ଗଡ଼ ଭାବେ ପରିଚିତ। ବିଶେଷକରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦଳ ପକ୍ଷରୁ ତାଙ୍କୁ ପ୍ରାର୍ଥୀ କରି ନିର୍ବାଚନମଣ୍ଡଳୀର ସେବା କରିବା ପାଇଁ ସୁଯୋଗ ଦେଇଛନ୍ତି। ତେଣୁ ଷଷ୍ଠଥର ପାଇଁ ମୁଖ୍ୟମନ୍ତ୍ରୀ ଭାବେ ନବୀନବାବୁ ଶପଥ ନେବା ନିଶ୍ଚିତ ଥିବାରୁ ତାଙ୍କ ପ୍ରାର୍ଥତ୍ତ୍ୱ ସପକ୍ଷରେ ଜନମତ ଅଧିକ ରହିବ ଓ ଭୋଟର ତାଙ୍କୁ ଆଶୀର୍ବାଦ କରିବେ ବୋଲି ଭାବୁଛନ୍ତି।
ପ୍ରଶ୍ନ: ମତଦାତାଙ୍କୁ କ’ଣ ସବୁ ପ୍ରତିଶ୍ରୁତି ଦେବେ ?
ଉତ୍ତର: ପାଟକୁରାରେ ମହିଳା ସଶକ୍ତୀକରଣ ପାଇଁ ମିଶନ ଶକ୍ତିକୁ ଅଧିକ ସମୃଦ୍ଧ କରିବା ସହ ମହିଳାଙ୍କୁ ପେନ୍‌ସନ ଯୋଜନା କାର୍ଯ୍ୟକାରୀ କରାଯିବ। ମୁଖ୍ୟମନ୍ତ୍ରୀ ଛାତ୍ରମାନଙ୍କ ପାଇଁ ଛାତ୍ରବୃତ୍ତି ଯୋଜନା, ଯୁବକମାନଙ୍କ ପାଇଁ କରିଥିବା ସ୍ବତନ୍ତ୍ର ବଜେଟକୁ କାର୍ଯ୍ୟକାରୀ କରିବା ପାଇଁ ସେ ପ୍ରତିଶ୍ରୁତିବଦ୍ଧ।
ପ୍ରଶ୍ନ: ଭୋଟର କାହିଁକି ଆପଣଙ୍କୁ ସମର୍ଥନ କରିବେ ବୋଲି ଭାବୁଛନ୍ତି ?
ଉତ୍ତର: ଯେହେତୁ ମୁଖ୍ୟମନ୍ତ୍ରୀ ମୋତେ ପ୍ରାର୍ଥୀ କରିଛନ୍ତି, ମୁଁ ଜଣେ ଯୁବବର୍ଗର ହୋଇଥିବାରୁ ବହୁସଂଖ୍ୟାରେ ଯୁବପିଢ଼ି ସହ ସାଧାରଣ ଲୋକ ବିଶେଷକରି ମହିଳାଙ୍କ ବିକାଶ ପାଇଁ ଅଧିକ କାର୍ଯ୍ୟ କରିବାର ଲକ୍ଷ୍ୟ ରଖିଥିବାରୁ ଭୋଟରମାନେ ମୋ ଉପରେ ବିଶ୍ୱାସ ରଖିବେ।
ପ୍ରଶ୍ନ: ଆପଣଙ୍କ ସହିତ କାହାର ପ୍ରତିଦ୍ୱନ୍ଦ୍ୱିତା ହେବ ବୋଲି ଭାବୁଛନ୍ତି ?
ଉତ୍ତର: ଏହି ନିର୍ବାଚନମଣ୍ଡଳୀରେ ସମୁଦାୟ ୮ ଜଣ ପ୍ରାର୍ଥୀ ମଇଦାନକୁ ଓହ୍ଲାଇଛନ୍ତି। ବିଜେଡିରୁ ପ୍ରାର୍ଥୀ ହୋଇଥିବାରୁ ସମସ୍ତ ଦଳୀୟ କର୍ମୀ ସେମାନଙ୍କ ଅକୁଣ୍ଠଚିତ୍ତ ସମର୍ଥନ ଦେଉଛନ୍ତି। ଅତୀତରେ ତାଙ୍କ ପିତା ବିଜୟବାବୁ ଭାଜପା ଦଳରେ ବିଧାୟକ ପ୍ରାର୍ଥୀ ଭାବେ ଦୁଇଥର ନିର୍ବାଚନ ଲଢ଼ିଛନ୍ତି। ମୋତେ ପ୍ରାର୍ଥୀ କରାଯିବା ପରେ ତାଙ୍କର ସମର୍ଥକମାନେ ମୋତେ ସମର୍ଥନ କରୁଛନ୍ତି। ହେଲେ ଭାଜପା ଏକ ଜାତୀୟ ଦଳ ହୋଇଥିବାରୁ ତାଙ୍କ ଦଳ ପକ୍ଷରୁ କରାଯାଇଥିବା ପ୍ରାର୍ଥୀ ଓ କଂଗ୍ରେସ ମଧ୍ୟ ଏକ ଜାତୀୟ ଦଳ ଭାବେ ପରିଚିତ ଥିବାରୁ ସେହି ଦଳରୁ ହୋଇଥିବା ପ୍ରାର୍ଥୀ ମୋର ମୁଖ୍ୟ ପ୍ରତିଦ୍ୱନ୍ଦ୍ୱୀ ରହିବେ ବୋଲି ଭାବୁଛି।

ସାକ୍ଷାତ୍‌କାର: ଡେରାବିଶରୁ ବେବର୍ତ୍ତା ଅଜୟ ଦାସ, ପାଟକୁରାରୁ ରବୀନ୍ଦ୍ର ନାଥ ବାରିକ।


Enter your email to get our daily news in your inbox.

All Right Reserved By Dharitri.Com

ଖୋଲିବନି ରତ୍ନଭଣ୍ଡାର, ମନା କଲେ ମନ୍ତ୍ରୀ

ଭୁବନେଶ୍ୱର,୧୯ା୬: ରତ୍ନଭଣ୍ଡାର ଆସନ୍ତା ଜୁଲାଇ ୮ରେ ଖୋଲିବ ବୋଲି ଜଣେ ଏଏସ୍‌ଆଇ ଅଧିକାରୀ କହିଥିଲେ। ମାତ୍ର ଏହାକୁ ଖଣ୍ଡନ କରିଛନ୍ତି ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ।...

ଜିଲା ପ୍ରଶାସନର ନିଷ୍ପତ୍ତି; ଆଉ ଦୁଇଦିନ ସ୍କୁଲ, କଲେଜ ବନ୍ଦ

ବାଲେଶ୍ୱର, ୧୯।୬: ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ଘଟଣାକୁ ଦୃଷ୍ଟିରେ ରଖି ଜିଲା ପ୍ରଶାସନ ଆଉ ୨ ଦିନ ସ୍କୁଲ, କଲେଜ ବନ୍ଦ ନିଷ୍ପତ୍ତି...

ଓଲଟିଲା ଯାତ୍ରୀବାହୀ ଅଟୋ

ଦିଗପହଣ୍ଡି,୧୯ା୬(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ସହର ଉପକଣ୍ଠ ଅନଙ୍ଗପୁର ଗାଁ ନିକଟ ମୁଖ୍ୟରାସ୍ତାରେ ବୁଧବାର ଅପରାହ୍ନରେ ଏକ ଯାତ୍ରୀବାହୀ ଅଟୋ (ନଂ.ଓଡି ୦୭...

ବିରୋଧୀ ଦଳ ନେତା ହେଲେ ନବୀନ

ଭୁବନେଶ୍ୱର,୧୯ା୬: ବୁଧବାର ଅପରାହ୍ନରେ ଶଙ୍ଖ ଭବନରେ ବିଜେଡି ବିଧାୟକ ଦଳ ବୈଠକ ବସିଥିଲା। ଦଳର ସଭାପତି ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ ବିରୋଧୀ...

ବାଲେଶ୍ୱରରେ ଆସନ୍ତାକାଲି ୪ ଘଣ୍ଟା କର୍ଫ୍ୟୁ କୋହଳ

ବାଲେଶ୍ୱର, ୧୯।୬: ଦୁଇ ଗୋଷ୍ଠୀ ମଧ୍ୟରେ ବିବାଦରୁ ବାଲେଶ୍ୱର ମୁନିସିପାଲିଟି ଅଞ୍ଚଳରେ ଲାଗୁ ହୋଇଥିବା କର୍ଫ୍ୟୁ ଗୁରୁବାର ଚାରି ଘଣ୍ଟା ପାଇଁ କୋହଳ କରାଯାଇଛି। ସ୍ଥିତିକୁ...

ଆରମ୍ଭ ହେଲା ବିଜେଡି ବିଧାୟକ ଦଳ ବୈଠକ, ହୋଇପାରେ ବଡ଼ ଘୋଷଣା

ଭୁବନେଶ୍ୱର,୧୯ା୬: ବୁଧବାର ଅପରାହ୍ନରେ ଶଙ୍ଖ ଭବନରେ ବିଜେଡି ବିଧାୟକ ଦଳ ବୈଠକ ବସିଛି। ଦଳର ସଭାପତି ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ କିଏ...

ସାର୍ବଜନୀନ ହେବ ରତ୍ନଭଣ୍ଡାର ରିପୋର୍ଟ

ଭୁବନେଶ୍ୱର,୧୯ା୬: ରତ୍ନଭଣ୍ଡାରର ରହସ୍ୟ ଜାଣିବାକୁ ରାଜ୍ୟବାସୀଙ୍କ ମଧ୍ୟରେ ଖୁବ୍‌ ଉତ୍କଣ୍ଠା ରହିଥିବା ବେଳେ ଖୁବ୍‌ଶୀଘ୍ର ଏହା ଉପରୁ ପରଦା ହଟିବାକୁ ଯାଉଛି। ଆସନ୍ତା ଜୁଲାଇ ୮ରେ...

ରତ୍ନଭଣ୍ଡାର ଖୋଲିବା ନେଇ ଏମିତି କହିଲେ ଧର୍ମେନ୍ଦ୍ର ପ୍ରଧାନ

ଭୁବନେଶ୍ୱର,୧୯ା୬: ଆସନ୍ତା ଜୁଲାଇ ୮ରେ ଶ୍ରୀମନ୍ଦିର ରତ୍ନଭଣ୍ଡାର ଖୋଲାଯିବ। ଏନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କ ସୋସିଆଲ ମିଡିଆ ‘ଏକ୍ସ’ ହ୍ୟାଣ୍ଡେଲରେ ଏକ ପୋଷ୍ଟ କରିଛନ୍ତି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri