ପାରାଦୀପ,୧।୧୨(ଶରତ ରାଉତ): ପାରାଦୀପ ବନ୍ଦରରେ ଲାଗିଥିବା ଏକ ଜାହଜରୁ ଶୁକ୍ରବାର ବହୁପରିମାଣରେ କୋକେନ୍ ଜବତ କରାଯାଇଛି। ଅପରାହ୍ନ ୨ଟା ସୁଦ୍ଧା ୫୫ଟି ପ୍ୟାକେଟ ଜବତ ହୋଇଥିବା ଜଣାପଡିଛି। ଯାହାର ପରିମାଣ ୮୨ କେଜି। ଏହାର ଭାରତୀୟ ବଜାର ମୂଲ୍ୟ ୩୩୦ କୋଟି ଟଙ୍କାରୁ ଅଧିକ ହେବ ବୋଲି ଜଣାପଡିଛି। ଚଢାଉରେ କଷ୍ଟମ୍ସ, ସିଆଇଏସଏଫ, ମେରାଇନ ପୋଲିସ, ଆଇବିର ଅଧିକାରୀମାନେ ସାମିଲ ଅଛନ୍ତି। ଜାହାଜ କ୍ୟାପଟେନ ପାଓ୍ବାର ଅଫ କରି ଦେଇ ଥିବାରୁ ଭିତରେ ଯାଞ୍ଚ କରିବା ସମୟ ସାପେକ୍ଷ ହେଉଛି। ଏମ୍ଭି ଦେବୀ ନାମକ ଏହି ଜାହାଜ ଇଣ୍ଡୋନେସିଆ ପୋର୍ଟରୁ ଆସିଥିଲା। ପାରାଦୀପ ବନ୍ଦରରୁ ଷ୍ଟିଲ ବୋଝେଇ କରି ଡେନମାର୍କ ଯିବାର ଥିଲା। ଗତ ଗୁରୁବାର ୨ଟାରୁ ବୋଝେଇ ହେଉଥିଲା। ଦ୍ବିତୀୟ ସିଫ୍ଟରେ ଜଣେ ଅପରେଟର ବୋଝେଇ କରିବା ବେଳେ ଏହି ପ୍ୟାକେଟ ଦେଖି ପିଆଇସିଟି ଟର୍ମିନାଲ ମୁଖ୍ୟଙ୍କୁ ସୂଚନା ଦେଇଥିଲେ।
