ଚକୋଲେଟ୍‌ କପ୍‌ କେକ୍‌
11:52 amJanuary 5, 2021January 5, 2021 / 09

ଆବଶ୍ୟକ ସାମଗ୍ରୀ: ୧/୩ କପ୍‌ ବଟର, ୧/୨ କପ୍‌ କଣ୍ଡେନ୍ସଡ଼ ମିଲ୍କ, ଏକ ଟେବୁଲ୍‌ ସ୍ପୁନ୍‌ ଚିନି, ୧/୨ ଟି ସ୍ପୁନ୍‌ ଭାନିଲା ଏସେନ୍ସ, ୧ କପ୍‌ ମଇଦା, ୩ ଟେବୁଲ୍‌ ସ୍ପୁନ୍‌ କୋକୋ ପାଉଡ଼ର, ୧ ଟି ସ୍ପୁନ୍‌ ବେକିଂ ପାଉଡ଼ର, ୧/୨ ଟି ସ୍ପୁନ୍‌ ବେକିଂ ସୋଡ଼ା, ଚିମୁଟାଏ ଲୁଣ, ୨ ଟେବୁଲ୍‌ ସ୍ପୁନ୍‌ ଚକୋ ଚିପ୍ସ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଏକ ପାତ୍ରରେ ବଟର ନେଇ ସେଥିରେ ଚିନି ଏବଂ କଣ୍ଡେନ୍ସଡ଼ ମିଲ୍କ ନେଇ ଭଲ ଭାବେ ଫେଣ୍ଟନ୍ତୁ। ଚିନି ସମ୍ପୂର୍ଣ୍ଣ ମିଶି ଯିବା ପରେ ସେଥିରେ ଭାନିଲା ଏସେନ୍ସ ପକାଇ ପୁଣି ଫେଣ୍ଟନ୍ତୁ। ବର୍ତ୍ତମାନ ଅନ୍ୟ ଏକ ପାତ୍ରରେ ମଇଦା, କୋକୋ ପାଉଡ଼ର, ବେକିଂ ପାଉଡ଼ର ନେଇ ଛଣା ସାହାଯ୍ୟରେ ଚଲାଇ ଦିଅନ୍ତୁ। ଏହି ମିଶ୍ରଣକୁ ପୂର୍ବ ପ୍ରସ୍ତୁତ ମିଶ୍ରଣରେ ଧୀରେ ଧୀରେ ପକାଇ ଭଲ ଭାବେ ଗୋଳାନ୍ତୁ।
ବର୍ତ୍ତମାନ କପ୍‌ ଆକାରର କେକ୍‌ ପ୍ୟାନ୍‌ ନେଇ ତା’ ଭିତରେ ଭଲ ଭାବେ ବଟର, ଲଗାଇ ଦିଅନ୍ତୁ। ଏହା ଉପରେ ପୂର୍ବ ପ୍ରସ୍ତୁତ କେକ୍‌ ମିଶ୍ରଣକୁ ଢାଳନ୍ତୁ। ଏହାକୁ ମାଇକ୍ରୋଓ୍ବେଭ୍‌ରେ ରଖନ୍ତୁ। କେକ୍‌ ପ୍ରସ୍ତୁତ ହୋଇଗଲା ପରେ ଏହାକୁ ବାହାରକୁ କାଢି ନିଜେ ଖାଇବା ସହ ପରିବାର ଲୋକଙ୍କୁ ବି ସର୍ଭ କରନ୍ତୁ।