ସମସ୍ତ ଦେଶର ଗୁପ୍ତ ତଥ୍ୟ ଉପରେ ଚାଇନାର ନଜର, ଆମେରିକା କମ୍ପାନୀରୁ ଚୋରି କରୁଛି ଡାଟା…

ଓ୍ବାଶିଂଟନ/ବେଜିଂ, ୮।୯ : ଏକବିଂଶ ଶତାବ୍ଦୀରେ ଗୁପ୍ତ ତଥ୍ୟ କୁ ସବୁଠାରୁ ବଡ ସମ୍ପତ୍ତି ବୋଲି କୁହାଯାଉଛି। ଏପରିସ୍ଥଳେ ଡାଟା ଚୋରି ନେଇ ଚାଇନା ଏବଂ ଆମେରିକା ମଧ୍ୟରେ ସମ୍ପର୍କ ଆହୁରି ଖରାପ ହେବାରେ ଲାଗିଛି। ଆମେରିକାର ଅନେକ ବିଶ୍ୱବିଦ୍ୟାଳୟର ଜେନେଟିକ ଗବେଷକ ୱାଙ୍ଗ ଜିଆଙ୍ଗ ଆଜି ଚାଇନାରେ ଅବସ୍ଥିତ ବିଶ୍ୱର ସର୍ବବୃହତ ବାୟୋଟେକ କମ୍ପାନୀ ବିଜିଆଇ ର ଚେୟାରମ୍ୟାନ। ବିଜିଆଇ ଦଶନ୍ଧି ଧରି ଆମେରିକାର କେତେକ ଅଗ୍ରଣୀ ଜେନେଟିକ ସଂସ୍ଥା ସହ କାର୍ଯ୍ୟ କରିଆସୁଛି। କିନ୍ତୁ ଯେତେବେଳେ କରୋନା ମାମଲା ବୃଦ୍ଧି ପାଇଲା, ୱାଙ୍ଗ ପରୀକ୍ଷା ପାଇଁ ଆମେରିକାରେ ଏକ ବଡ଼ ଲ୍ୟାବ ନିର୍ମାଣ କରିବାକୁ ପ୍ରସ୍ତାବ ଦେଲେ। କିନ୍ତୁ ତଥ୍ୟ ଚୋରି ଭୟରେ ତାଙ୍କ ପ୍ରସ୍ତାବ ପ୍ରତ୍ୟାଖ୍ୟାନ କରାଯାଇଥିଲା।

ନ୍ୟାଶନାଲ କାଉଣ୍ଟର ଇଣ୍ଟେଲିଜେନ୍ସ ଏବଂ ସିକ୍ୟୁରିଟି ସେଣ୍ଟର ଚେତାବନୀ ଦେଇଛି ଯେ ବିଦେଶୀ ଶକ୍ତିମାନେ କୋଭିଡ ପରୀକ୍ଷା ମାଧ୍ୟମରେ ବାୟୋମେଟ୍ରିକ ତଥ୍ୟ ସଂଗ୍ରହ କରିପାରିବାର ଆଶଙ୍କା ରହିଛି। ତତ୍କାଳୀନ ଟ୍ରମ୍ପ ପ୍ରଶାସନର ଆମେରିକାର ସର୍ବୋଚ୍ଚ କାଉଣ୍ଟର ଗୁପ୍ତଚର ଅଧିକାରୀ ବିଲ ଇଭାନିନା କହିଥିଲେ ଯେ ଆଧୁନିକ ଯୁଗରେ ଲ୍ୟାବ ହେଉଛି ଟ୍ରୋଜାନ ଘୋଡା, ଅର୍ଥାତ୍‌ ଶତ୍ରୁମାନଙ୍କ ଦ୍ୱାରା ପରିପୂର୍ଣ୍ଣ କାଠ ଘୋଡା। ଏହା ମାଧ୍ୟମରେ ଚାଇନା ସରକାର ଡିଏନଏ ସଂଗ୍ରହ ଏବଂ ତଥ୍ୟ ଚୋରି କରିବା ଲାଗି ଷଡ଼ଯନ୍ତ୍ର ରଚିଥିବା ସେ କହିଥିଲେ।

ଫେସବୁକ ଏବଂ ଗୁଗୁଲ ପରି ଆମେରିକୀୟ କମ୍ପାନୀଗୁଡିକ ବିଶ୍ୱରେ ସେମାନଙ୍କ ୟୁଜରଙ୍କ ତଥ୍ୟ ବ୍ୟବହାର କରି ବିଜ୍ଞାପନରୁ ଟଙ୍କା ରୋଜଗାର କରନ୍ତି। କିନ୍ତୁ ଅନେକ ନୀତି ନିର୍ମାତା ବିଶ୍ୱାସ କରନ୍ତି ଯେ ଏହା ଜାତୀୟ ସୁରକ୍ଷା ପ୍ରସଙ୍ଗରେ ପରିଣତ ହେଉଛି। ଏହା ସହିତ ସମଗ୍ର ବିଶ୍ୱରେ ତଥ୍ୟ ମଧ୍ୟ ବିପଦରେ ଅଛି। ଭୟ ହେଉଛି ଆମେରିକୀୟ ଲୋକଙ୍କୁ ପ୍ରଭାବିତ କରିବା ପାଇଁ ଚାଇନା କର୍ପୋରେଟ ତଥ୍ୟ ଚୋରି କରୁଛି ଏବଂ ଏହାର ପ୍ରାଧାନ୍ୟ ଉପରେ ଟେକ୍ନୋଲୋଜିର ଭବିଷ୍ୟତ ପାଇଁ ଭିତ୍ତିପ୍ରସ୍ତର ସ୍ଥାପନ କରୁଛି। ଆମେରିକାର ଅନେକ ବିଶେଷଜ୍ଞ ଗତ ମାସରେ ଚେତାବନୀ ଦେଇଛନ୍ତି ଯେ ଚାଇନା କମ୍ୟୁନିଷ୍ଟ ପାର୍ଟି ଦେଶର ତଥ୍ୟକୁ ନିୟନ୍ତ୍ରଣ କରିବାକୁ ଚାହୁଁଛି।

ଡାଟା ଚୋରିର ଭୟ ନେଇ ଆମେରିକା ଏବଂ ଏହାର ଇଣ୍ଟରନେଟରେ କାର୍ଯ୍ୟ କରୁଥିବା ଚାଇନାର କମ୍ପାନୀଗୁଡିକର ବିସ୍ତୃତ ସମୀକ୍ଷା କରିବାକୁ ରାଷ୍ଟ୍ରପତି ଜୋ ବାଇଡେନ ପ୍ରଶାସନକୁ ବିଶେଷଜ୍ଞମାନେ ପରାମର୍ଶ ଦେଇଛନ୍ତି। ଚାଇନା ଆମେରିକାର ନାଗରିକଙ୍କ ଉପରେ ଗୁପ୍ତଚରୀ କରି ଅର୍ଥନୈତିକ, ସାମରିକ ଏବଂ ବ୍ୟବସାୟିକ ସ୍ବାର୍ଥକୁ ମଧ୍ୟ କ୍ଷତି ପହଞ୍ଚାଇବାର ଆଶଙ୍କା ରହିଥିବା ସେମାନେ କହିଛନ୍ତି। ଆସନ୍ତା କିଛି ଦିନ ମଧ୍ୟରେ ଏହି ପ୍ରସଙ୍ଗରେ କଂଗ୍ରେସର ଏକ ନୂତନ ଶୁଣାଣି ଆରମ୍ଭ ହେବ ବୋଲି ଆଶା କରାଯାଉଛି। ଏଥିସହ, ବାଇଡେନ ପ୍ରଶାସନ ଏକ ଆଦେଶ ଚୂଡାନ୍ତ କରୁଛନ୍ତି ଯାହା ନ୍ୟାୟ ବିଭାଗକୁ ଚାଇନା ଭଳି ବିଦେଶୀ ଦେଶକୁ ଆମେରିକାର ଲୋକଙ୍କ ତଥ୍ୟ ଚୋରି କରିବାକୁ ରୋକିବା ପାଇଁ ନୂତନ ଶକ୍ତି ଦେବ।


Enter your email to get our daily news in your inbox.

All Right Reserved By Dharitri.Com

‘ରୁଷିଆ-ୟୁକ୍ରେନ୍‌ ଉତ୍ତେଜନା ଯୁଦ୍ଧର ରୂପ ନେଲେ ବିଶ୍ୱ ପାଇଁ ବିପଦ’

ଜାତିସଂଘ,୧୯ା୨: ରୁଷିଆ ଓ ୟୁକ୍ରେନ୍‌ ମଧ୍ୟରେ ଲାଗିରହିଥିବା ଉତ୍ତେଜନା ଯୁଦ୍ଧର ରୂପ ନେଲେ ବିଶ୍ୱ ପାଇଁ ବିପତ୍ତି ଆସିବ ବୋଲି ଜାତିସଂଘ ମହାସଚିବ ଆଣ୍ଟୋନିଓ ଗୁଟେରେସ୍‌...

ଦୁର୍ଘଟଣା ପୂର୍ବରୁ ୩ ଥର ଝଟକା ଦେଇଥିଲା ବିମାନ

କରାଚୀ/ଇସ୍‌ଲାମାବାଦ, ୨୪।୫(ପି.ଟି.): ପାକିସ୍ତାନର କରାଚୀଠାରେ ଶୁକ୍ରବାର ଦୁର୍ଘଟଣାଗ୍ରସ୍ତ ହୋଇଥିବା ବିମାନର ୯୯ ଯାତ୍ରୀଙ୍କ ମଧ୍ୟରୁ ୯୭ ଜଣ ପ୍ରାଣ ହରାଇଥିବାବେଳେ ଆଶ୍ଚର୍ଯ୍ୟଜନକ ଭାବେ ୨ ଜଣ...

ବିନା ଚାକିରିରେ ୧୫ ବର୍ଷ ଧରି ଆକାଉଣ୍ଟକୁ ଆସୁଥିଲା ଟଙ୍କା, ଜଣା ପଡ଼ିବାରୁ…

ରୋମ,୨୬।୪: ଚାକିରି କରୁଥିବା ଲୋକ ସବୁବେଳେ ଭାବିଥାନ୍ତି ଯେତେ ପରିଶ୍ରମ କରୁଛନ୍ତି ସେହି ଅନୁଯାୟୀ ତାଙ୍କୁ ଦରମା ମିଳୁ। ମାତ୍ର କିଛି ଲୋକ ନିଜ ଦରମାକୁ...

ଲକ୍‌ଡାଉନ ନିୟମ ଭଙ୍ଗ କରିବା ପଡ଼ିଲା ମହଙ୍ଗା: ୩ଶହ ଥର ଉଠ୍‌-ବସ୍‌ ହେଲେ ବ୍ୟକ୍ତି

ମାନିଲା,୭।୪: ସାରା ବିଶ୍ୱରେ ପୁଣି ଥରେ କରୋନା ଆତଙ୍କ ଖେଳାଇଛି। ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ନୂଆ ଷ୍ଟ୍ରେନ୍‌ ଭୟଙ୍କର ରୂପ...

ଇରାକ ପାର୍ଲାମେଣ୍ଟରେ ସହମତି: ବିଦା ହେବେ ଆମେରିକା ସୈନ୍ୟ

ବେରୁଟ,୬ା୧(ଏପି): ଇରାକରୁ ଆମେରିକା ସୈନ୍ୟଙ୍କୁ ବିଦା କରାଯିବ। ଦେଶରୁ ଆମେରିକା ସେନାକୁ ବିତାଡ଼ିତ କରିବା ପାଇଁ ରବିବାର ଇରାକ ପାର୍ଲାମେଣ୍ଟରେ ସହମତି ପ୍ରକାଶ ପାଇଛି। ପାର୍ଲାମେଣ୍ଟ...

ସେନାଙ୍କ ସହ କଫି ପିଇଲେ ଜେଲେନ୍‌ସ୍କି: ଭିଡିଓ ଭାଇରାଲ

କ୍ୱିଭ,୨୮।୨: ରୁଷିଆ ଓ ୟୁକ୍ରେନ ମଧ୍ୟରେ ଜାରି ରହିଥିବା ଯୁଦ୍ଧର ଆଜି ହେଉଛି ପଞ୍ଚମ ଦିନ। ଶକ୍ତିଶାଳୀ ରୁଷିଆ ସୈନ୍ୟଙ୍କ ସମ୍ମୁଖରେ ୟୁକ୍ରେନ ସୈନ୍ୟ ଦୃଢ଼ତାର...

ନ୍ୟୁୟର୍କରୁ ଆସିଲା ଖୁସି ଖବର: କମିଲା କରୋନା ସଂକ୍ରମଣ

ନ୍ୟୁୟର୍କ,୨୯।୬: କରୋନା ଭାଇରସ ସଂକ୍ରମଣ ଯୋଗୁ ଅଣନିଶ୍ୱାସି ହୋଇ ପଡିଥିବା ଆମେରିକା ଏବେ ଧୀରେ ଧୀରେ ନିଶ୍ୱାସ ମାରିବାକୁ ପ୍ରସ୍ତୁତ ହେଉଛି। ଆମେରିକାର ନ୍ୟୁୟର୍କ ସହର...

ହକ୍କାନି ନେଟ୍‌ଓ୍ବାର୍କ କମାଣ୍ଡରଙ୍କୁ ହତ୍ୟା, ପାକିସ୍ତାନ-ତାଲିବାନ୍‌କୁ ଝଟ୍‌କା…

କାବୁଲ,୩।୧୧: ଆଫଗାନିସ୍ତାନରେ ତାଲିବାନ ଶାସନ କ୍ଷମତା ଦଖଲ କରିବା ପରେ ଏକ ବଡ ଅସୁବିଧାର ସମ୍ମୁଖୀନ ହୋଇଛି। ମଙ୍ଗଳବାର ଏକ ଭୟଙ୍କର ଆତ୍ମଘାତୀ ବିସ୍ଫୋରଣରେ ପାକିସ୍ତାନ...

Advertisement
Archives

Model This Week