ନବରଙ୍ଗପୁର,୭।୧୨(ସଦାଶିବ ପ୍ରହରାଜ): ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରବିବାର ନବରଙ୍ଗପୁର ଲୋକ ମହୋତ୍ସବ ମଣ୍ଡେଇ ଉଦ୍ଯାପନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଛି।
ମୁଖ୍ୟମନ୍ତ୍ରୀ ହେଲିକପ୍ଟର ଯୋଗେ ପୋଲିସ ରିଜର୍ଭ ପଡ଼ିଆସ୍ଥିତ ଅସ୍ଥାୟୀ ହେଲିପ୍ୟାଡ୍ରେ ଅପରାହ୍ନ ୩ଟା୨୫ରେ ପହଞ୍ଚିବେ। ସେଠାରୁ ସର୍କିଟ ହାଉସ୍ ଯାଇ ୩ଟା ୫୦ ମିନିଟ୍ରେ ମଣ୍ଡେଇ ପଡ଼ିଆ ଅଭିମୁଖେ ଯିବେ। ରାତି ୧୦ରେ ମଣ୍ଡେଇ ପଡ଼ିଆରୁ ବାହାରି ୧୦ଟା ୧୦ରେ ସର୍କିଟ ହାଉସ୍ରେ ପହଞ୍ଚିବେ। ସେଠାରେ ରାତ୍ରିଯାପନ ପରେ ୯ ତାରିଖ ପୂର୍ବାହ୍ନ ୧୦ଟା ୩୦ରେ ବାହାରି ରିଜର୍ଭ ପୋଲିସ ପଡ଼ିଆ ହେଲିପ୍ୟାଡ୍କୁ ଯିବେ। ୧୦ଟା ୪୫ରେ ହେଲିକପ୍ଟର ଯୋଗେ ଜୟପୁର ବିମାନବନ୍ଦରକୁ ଯାଇ ସେଠାରୁ ଭୁବନେଶ୍ୱର ଯାତ୍ରା କରିବେ ବୋଲି ସୂଚନା ମିଳିଛି।
