କର୍ଲାମୁଣ୍ଡା, ୧୭।୮ (ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ଆତ୍ମା ତଥା କଳାହାଣ୍ଡି ପିଡି ଆତ୍ମା ପକ୍ଷରୁ ୨୫ ଜଣ ଅଗ୍ରଣୀ ଚାଷୀଙ୍କୁ ନେଇ ସୋନପୁର ଜିଲାର କୃଷି ବିଜ୍ଞାନ କେନ୍ଦ୍ରରେ ଦୁଇଦିନିଆ କ୍ଷେତ୍ର ପରିଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ପ୍ରଥମ ଦିବସ ସୋମବାର ମୁଖ୍ୟ ଅତିଥି ଭାବେ ସୋନପୁର ଜିଲାପାଳ ଡ. ନୃପରାଜ ସାହୁ ଯୋଗଦେଇ ଚାଷୀମାନଙ୍କ ସହ ବିଭିନ୍ନ ଚାଷ ସମ୍ପର୍କରେ ଆଲୋଚନା କରିବା ସହ ପରିସ୍ଥିତିର ପରିବର୍ତ୍ତନ ଅନୁଯାୟୀ ଚାଷ ପଦ୍ଧତିରେ ଆବଶ୍ୟକ ପରିବର୍ତ୍ତନ କରିବାର ଆବଶ୍ୟକତା ରହିଛି ବୋଲି ମତ ପ୍ରକାଶ କରିଥିଲେ।
ଏଥିରେ ସୋନପୁର କୃଷି ବିଜ୍ଞାନ କେନ୍ଦ୍ରର ମୁଖ୍ୟ ବୈଜ୍ଞାନିକ ବିଶ୍ୱରଞ୍ଜନ ପଟ୍ଟନାୟକ, ବୈଜ୍ଞାନିକ (ଫସଲ ସଂରକ୍ଷଣ) ତ୍ରିନାଥ ଖଣ୍ଡାଇତରାୟ, ବୈଜ୍ଞାନିକ (କ୍ଷେତ୍ର ବିଜ୍ଞାନ) ସତ୍ୟବ୍ରତ ମଙ୍ଗରାଜ, ବୈଜ୍ଞାନିକ (କୃଷି ସମ୍ପ୍ରସାରଣ) ସୁପ୍ରଭା ସେଠ୍ ଓ ବୈଜ୍ଞାନିକ (ଗୃହ ବିଜ୍ଞାନ) ଲୋପାମୁଦ୍ରା ରାୟ ପ୍ରମୁଖ ଯୋଗଦେଇ ଚାଷୀମାନଙ୍କୁ ବିଭିନ୍ନ କୃଷି ସମ୍ପର୍କିତ ଜ୍ଞାନ ପ୍ରଦାନ କରିଥିଲେ।
ବିଶେଷକରି ଜୈବିକ ଖତ ପ୍ରସ୍ତୁତି ଓ ପ୍ରୟୋଗ, ଛତୁ ଚାଷ ପ୍ରଣାଳୀ, ଜିଆ ଖତ ପ୍ରସ୍ତୁତି, ବତକ ଚାଷ, ମାଛ ଚାଷ, ଘର ଅଗଣାରେ ପନିପରିବା ଚାଷ, ଖରଟିଆ ଚାଷ, ରୋଗପୋକ ନିୟନ୍ତ୍ରଣ, ବିଭିନ୍ନ କିସମର ଧାନ ବିହନ, ମାଟି ପରୀକ୍ଷାର ଆବଶ୍ୟକତା ତଥା ଉନ୍ନତମାନର ଜ୍ଞାନକୌଶଳ ବ୍ୟବହାର ପଦ୍ଧତି ସମ୍ପର୍କରେ ଚାଷୀମାନଙ୍କୁ ଅବଗତ କରାଯାଇଥିଲା।
କାର୍ଯ୍ୟକ୍ରମରେ କର୍ଲାମୁଣ୍ଡା ଆତ୍ମା ଅଧ୍ୟକ୍ଷ ଗୌରକିଶୋର ରଣା, ଆତ୍ମା କମିଟି ସଦସ୍ୟ ପ୍ରଦୀପ କୁମାର ସାହୁ, ଯୁବ ଚାଷୀ ମହେନ୍ଦ୍ର ରଣା, ନନ୍ଦକିଶୋର ଭୋଇ, ଦୟା ରଣା, ବନମାଳୀ ସାହୁ, ପ୍ରମୋଦ ସାହୁ, ଭୂପିନ୍ଦର ଚୌଧୁରୀ, ଟିକେଧର ରଣା, ଆନନ୍ଦ ସାହୁ, ରମେଶ ସାହୁ, କଳ୍ପ ସାହୁ, ପ୍ରକାଶ ରଣା, ଟୁକୁ ସାହୁ, କ୍ଷୀର ସାହୁ, ଓକିଲ ପ୍ରଧାନ, ବାହାଦୂର ଧରୁଆ, ଗିରିଧାରୀ ସାହୁ, ମହେନ୍ଦ୍ର ସାହୁ, ବରିଷ୍ଠ ଚାଷୀ ଦୀନବନ୍ଧୁ ସାହୁ, ଦୟାସାଗର ମାଝୀ, କୃଷକ ମୋର୍ଚ୍ଚା ବ୍ଲକ ସଂଯୋଜକ ଦୁର୍ଯୋଧନ ସାହୁ, ଜୈବିକ ଚାଷୀ ବଳଦେବ ଭୋଇ, ଏଟିଏମ୍ ଶ୍ୟାମପଦ ଭଞ୍ଜ, ମିଲନ କୁମାର ଗୋଚ୍ଛାୟତ, ଗ୍ରାମ୍ୟ କୃଷି କର୍ମୀ ଲୋକନାଥ ନାଗ ଓ ମୃତ୍ତିକା ସଂରକ୍ଷଣ ବିଭାଗ ସହାୟକ ବିଜୟ ମିଶ୍ରଙ୍କ ସମେତ ଅନ୍ୟମାନେ ଅଂଶଗ୍ରହଣ କରିଥିଲେ।
