ନୂଆଦିଲ୍ଲୀ,୨୯ ।୧୧: ରାଜଧାନୀ ଦିଲ୍ଲୀର ଚାନ୍ଦନି ଚୌକରେ ଥିବା ଭାଗିରଥ ପ୍ୟାଲେସ ବଜାରରେ ସୋମବାର ପର୍ଯ୍ୟନ୍ତ ବି ନିଆଁ ଲାଗିରହିଛି । ଏବେ ଜଳୁଥିବା ଦୋକାନ ଘରୁ କେବଳ ଧୂଆଁ ବାହରୁଛି । ଅଧିକାରୀମାନେ କହିଛନ୍ତି ନିଆଁ ଲାଗିବା ପରେ ଏହାକୁ ଆୟତ୍ତ କରିବାକୁ ୧୫୦ରୁ ଅଧିକ ଦମକଳ ଗାଡି କାମରେ ଲାଗିଛନ୍ତି । କନଫେଡେରେଶନ ଅଫ ଅଲ ଇଣ୍ଡିଆ ଟ୍ରେଡର୍ସ(ସିଏଆଇଟି) କେନ୍ଦ୍ର, ଦିଲ୍ଲୀ ସରକାର ଓ ବିମା କମ୍ପାନୀଙ୍କୁ ଭାଗିରଥି ପ୍ୟାଲେସ ବଜାରରେ ନିଆଁ ଯୋଗୁ ପ୍ରଭାବିତ ହୋଇଥିବା ବ୍ୟବସାୟୀଙ୍କ ପାଇଁ ବୁନର୍ବାସ କାର୍ଯ୍ୟ ଆରମ୍ଭ କରିବାକୁ ଅନୁରୋଧ କରାଯାଇଛି । ସେମାନେ କହିଛନ୍ତି ଯେ ଏହି ଅଗ୍ନିକାଣ୍ଡରେ ୨୫୦ରୁ ଅଧିକ ଦୋକାନ ଜଳି ଯାଇଛି ।
ସିଏଆଇଟି ମହାସଚିବ ପ୍ରବିଣ ଖଣ୍ଡେଲୱାଲ ଓ ଅନ୍ୟ ବ୍ୟବସାୟୀ ନେତାମାନେ କହିଛନ୍ତି, ଦିଲ୍ଲ ଇଲେକ୍ଟ୍ରିକାଲ ଟ୍ରେଡର୍ସ ଆସୋସିଏଶନ ସହ ପ୍ରଭାବିତ ବ୍ୟବସାୟୀଙ୍କ ବିମା ଦାବି ପ୍ରକ୍ରିୟାକୁ ଶୀଘ୍ର କରାଯିବାକୁ ଚେଷ୍ଟା କରାଯାଉଛି ।
ଜଣେ ବରିଷ୍ଠ ଅଧିକାରୀଙ୍କ ସୂଚନା ଅନୁଯାୟୀ, ଏହି ଅଗ୍ନିକାଣ୍ଡରେ ପ୍ରାୟ ୨୦୦ ଦୋକାନ ପ୍ରଭାବିତ ହୋଇଛି ଓ ୫ଟି ଘର ସମ୍ପୂର୍ଣ୍ଣ ଅବା ଆଂଶିକ ଭାବେ ଜଳି ଯାଇଛି । ଏହାସହ ୩ଟି ଘର ନିଆଁରେ ସମ୍ପୂର୍ଣ୍ଣ ଭାବେ ଜଳି ଯାଇଛି ।
