ଚମକ ଭରିଛି ଚାନ୍ଦିମେଢ଼

ଢେଙ୍କାନାଳ ଅଫିସ, ୧୧।୧୦ (ରତନ ନାୟାର): ଆରମ୍ଭ ହୋଇଛି ଢେଙ୍କାନାଳର ଗଣପର୍ବ ଲକ୍ଷ୍ମୀପୂଜା। ପବିତ୍ର କୁମାରପୂର୍ଣ୍ଣିମା ରାତିରେ ଧରାବତରଣ କରିଛନ୍ତି ଧନଦାତ୍ରୀ। ବେଦମନ୍ତ୍ର ଧ୍ୱନିରେ ମଣ୍ଡପରେ ପାରମ୍ପରିକ ନୀତିକାନ୍ତି ଅନୁଯାୟୀ ପୂଜାର୍ଚ୍ଚନା ଆରମ୍ଭ ହୋଇଥିବାବେଳେ ଆକର୍ଷଣ ସାଜିଛି ମା’ଙ୍କ ସୁବର୍ଣ୍ଣ ଆଭୂଷଣ। ସହରର ପ୍ରଥମ ମେଢ଼ ଶ୍ରୀଶ୍ରୀ ମଉଡ଼ମଣି ରାଜଲକ୍ଷ୍ମୀ ପୂଜା ପ୍ରତିଷ୍ଠାନ ମିନାବଜାର, ଗୁଡ଼ିଆନାଳୀ, କୈବଲ୍ୟ ବଜାର, ଗଣେଶ ବଜାର, ଲକ୍ଷ୍ମୀ ବଜାର ପକ୍ଷରୁ ଚିତ୍ତାକର୍ଷକ ତାରକସି ରୂପା ମେଢ଼ ଦେଖିବାକୁ ପ୍ରଥମ ଦିନରୁ ଶ୍ରଦ୍ଧାଳୁଙ୍କ ମଧ୍ୟରେ ଦେଖିବାକୁ ମିଳିଛି ବିପୁଳ ଉତ୍କଣ୍ଠା।
ଐତିହ୍ୟ, ପରମ୍ପରାକୁ ନେଇ ସମୃଦ୍ଧ ଢେଙ୍କାନାଳ ଲକ୍ଷ୍ମୀପୂଜାରେ ମା’ଙ୍କ ଅଳଙ୍କାର ବିନ୍ୟାସ ଶ୍ରଦ୍ଧାଳୁଙ୍କୁ ଆକର୍ଷିତ କରିଆସିଛି। ପ୍ରତିଯୋଗିତାମୂଳକ ପୂଜାରେ ପ୍ରାୟ ସମସ୍ତ ପୂଜା ପ୍ରତିଷ୍ଠାନ ଆକର୍ଷଣୀୟ ଢଙ୍ଗରେ ସାଜସଜ୍ଜା କରୁଥିବାବେଳେ ଦେବୀଙ୍କ ନିକଟରେ ଲାଗି ହେଉଥିବା ସୁନାରୁପା ଅଳଙ୍କାରର ଗୁରୁତ୍ୱ ମଧ୍ୟ ସମୟକ୍ରମେ ବଢ଼ିଛି। ମିନାବଜାର ପୂଜା ପ୍ରତିଷ୍ଠାନ ପକ୍ଷରୁ ସର୍ବପ୍ରଥମେ ଆରମ୍ଭ ହୋଇଥିଲା ଚାନ୍ଦିମେଢ଼ ପରମ୍ପରା। ତେବେ ଏକ ଅସ୍ବାଭାବିକ ଘଟଣାକ୍ରମେ ୧୯୭୫ରେ ସୂକ୍ଷ୍ମ କାରୁକାର୍ଯ୍ୟଯୁକ୍ତ ଉକ୍ତ ଚାନ୍ଦିମେଢ଼ ଚୋରି ହୋଇଯାଇଥିଲା। ଏହାର ଦୀର୍ଘଦିନ ପରେ ୨୦୦୪ରେ ପୁନର୍ବାର ୧୬୦ କେଜି ଚାନ୍ଦିରେ ପୁଣି ମେଢ଼ ପ୍ରସ୍ତୁତ କରାଯାଇଥିଲା। ସେତେବେଳେ ଚାନ୍ଦି କିଲୋଗ୍ରାମ୍‌ ପିଛା ୩୦ ହଜାର ଟଙ୍କା ଥିଲା। ତଦନୁଯାୟୀ ଉକ୍ତ ମେଢ଼ରେ ସେହି ସମୟରେ ଖର୍ଚ୍ଚ ହୋଇଥିଲା ପ୍ରାୟ ୫୦ ଲକ୍ଷ ଟଙ୍କା। ତେବେ ୨୦୧୦ରେ ପ୍ରତିଷ୍ଠାନ ଆଉ ଏକ ପାଦ ଆଗକୁ ଯାଇ ମା’ଙ୍କ ପାଇଁ ଦେଢ଼ କିଲୋଗ୍ରାମ ଓଜନର ସୁନା ମୁକୁଟ ତିଆରି କରିଥିଲା। ଚଳିତବର୍ଷ ୨ଟି ସୁନା ମୟୂର ମା’ଙ୍କ ଶୋଭା ବଢ଼ାଉଛନ୍ତି।
ସେହିପରି ୨୦୧୫ରେ ଚାନ୍ଦିମେଢ଼ କ୍ଲବରେ ସାମିଲ ହୋଇଥିଲା କୈବଲ୍ୟ ବଜାର। ମା’ ପଦ୍ମାଳୟାଙ୍କ ଲାଗି ୧୨୦ କିଲୋଗ୍ରାମ ଓଜନର ଚାନ୍ଦିମେଢ଼ ଏବଂ ୧ କିଲୋଗ୍ରାମ ଓଜନର ସୁନା ମୁକୁଟ ତିଆରି କରାଯାଇଥିଲା। ୨୦୧୮ରେ ଗୁଡ଼ିଆନାଳି ପୂଜା ପ୍ରତିଷ୍ଠାନ ପକ୍ଷରୁ ୧୨୦ କେଜି ଏବଂ ଗଣେଶ ବଜାର ପୂଜା ପ୍ରତିଷ୍ଠାନ ପକ୍ଷରୁ ୩ କୁଇଣ୍ଟାଲ ଚାନ୍ଦିରେ ମେଢ଼ ନିର୍ମାଣ କରାଯାଇଥିଲା। ଏଥିସହ ଉଭୟ ପୂଜା ମଣ୍ଡପରେ ସ୍ବତନ୍ତ୍ର ଭାବେ ସୁବର୍ଣ୍ଣ ଅଳଙ୍କାର ପ୍ରସ୍ତୁତ କରାଯାଇଛି। ଆଗାମୀ ବର୍ଷ ଗଣେଶ ବଜାର ୭୫ବର୍ଷ ପୂର୍ତ୍ତି ଉପଲକ୍ଷେ ପ୍ଲାଟିନମ୍‌ ଜୁବିଲି ଉତ୍ସବ ପାଳନ କରିବ। ଏଥିଲାଗି ଏବେଠାରୁ ପ୍ରସ୍ତୁତି ଆରମ୍ଭ ହୋଇଛି। ଅନୁରୂପ ଭାବେ ଚଳିତ ବର୍ଷ ୭୫ବର୍ଷ ପୂର୍ତ୍ତି ପାଳନ କରୁଥିବା ଲକ୍ଷ୍ମୀବଜାର ପ୍ରତିଷ୍ଠାନ ପକ୍ଷରୁ ପ୍ରାୟ ଦେଢ଼ କୁଇଣ୍ଟାଲ ଚାନ୍ଦିରେ ମେଢ଼ ପ୍ରସ୍ତୁତ କରାଯାଇଛି। ସୁବର୍ଣ୍ଣ ମୁକୁଟ, ନାନାଦି ଅଳଙ୍କାରରେ ମା’ ଝଟକୁଛନ୍ତି। ପୂଜା ପେଣ୍ଡାଲଗୁଡ଼ିକୁ ଲଗାଯାଇଥିବା ରଙ୍ଗିନ ଆଲୋକମାଳାରେ ଚମକି ଉଠୁଥିବା ଅଳଙ୍କାର ମନମୋହୁଛି। ବର୍ଷାପାଗ ସତ୍ତ୍ୱେ ସନ୍ଧ୍ୟା ଦର୍ଶନ କରିବା ଲାଗି ମଣ୍ଡପରେ ସୋମବାର ପ୍ରବଳ ଭିଡ଼ ହୋଇଥିଲା। ପୋଲିସ ପକ୍ଷରୁ ସୁରକ୍ଷା କଡ଼ାକଡ଼ି କରାଯିବା ସହ ଶୃଙ୍ଖଳିତ ଦର୍ଶନ ଲାଗି ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି।

ପ୍ରତିବର୍ଷ କିଛି ନୂଆ ଅଳଙ୍କାର ଲାଗି ହେଉଛି
୧୯୭୪ରେ ମିନାବଜାର ପୂଜା ପ୍ରତିଷ୍ଠାନ ଚାନ୍ଦିମେଢ଼ କରିଥିଲା। ତେବେ ୧୯୭୫ରେ ତାହା ଚୋରି ହୋଇଗଲା। ୨୦୦୪ରୁ ନିୟମିତ ମା’ ଚାନ୍ଦିମେଢ଼ରେ ଦର୍ଶନ ଦେଉଛନ୍ତି। ପ୍ରତିବର୍ଷ ମା’ ଲକ୍ଷ୍ମୀଙ୍କ ନିକଟରେ କିଛି ନା କିଛି ସୁନା ଅଳଙ୍କାର ଲାଗି ହୋଇଥାଏ।
-ନିରୋଦ କୁମାର ସାହୁ, କାର୍ଯ୍ୟକାରୀ ସଭାପତି, ମିନାବଜାର

ଚଳିତବର୍ଷ ଉଚ୍ଚମାନର ସାଜସଜ୍ଜା ହୋଇଛି
୨୦୧୮ରୁ ଗୁଡ଼ିଆନାଳୀ ପୂଜା ମଣ୍ଡପ ପକ୍ଷରୁ ଚାନ୍ଦିମେଢ଼ କରାଯାଉଛି। ରୁପାଖଚିତ ଆକର୍ଷଣୀୟ ମେଢ଼ ଦେଖିବାକୁ ଲୋକମାନେ ଆଗ୍ରହୀ ହେଉଛନ୍ତି। ସେଥିପାଇଁ ଚଳିତବର୍ଷ ଉଚ୍ଚମାନର ସାଜସଜ୍ଜା କରାଯାଇଛି।
-ପ୍ରଦୀପ କୁମାର ମହାନ୍ତି, ସଭାପତି, ଗୁଡ଼ିଆନାଳୀ ପୂଜା କମିଟି

ମା’ଙ୍କ ସୁନା ମୁକୁଟ ଆକର୍ଷଣୀୟ ହୋଇଛି
ଲକ୍ଷ୍ମୀବଜାର ପୂଜା ପ୍ରତିଷ୍ଠାନ ୭୫ ବର୍ଷ ପୂର୍ତ୍ତି ଉପଲକ୍ଷେ ପ୍ଲାଟିନମ୍‌ ଜୁବିଲି ପାଳନ କରୁଛି। ପୂଜା କମିଟି ପକ୍ଷରୁ ପ୍ରଥମ ଥର ମା’ଲକ୍ଷ୍ମୀଙ୍କ ଚାନ୍ଦି ମେଢ଼ କରାଯାଇଛି। ମା’ଙ୍କ ସୁବର୍ଣ୍ଣ ମୁକୁଟ, ଅଳଙ୍କାର ମଧ୍ୟ ବେଶ୍‌ ଆକର୍ଷଣୀୟ ହୋଇଛି।
-ରଙ୍ଗାଧର ପାତ୍ର, କାର୍ଯ୍ୟକାରୀ ସଭାପତି, ଲକ୍ଷ୍ମୀବଜାର


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?