କେସିଙ୍ଗା,୨୭।୪(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକ ଅଧୀନ କାଣ୍ଡେଲ ଗ୍ରାମସ୍ଥିତ ଲକ୍ଷ୍ମୀନୃସିଂହ ମନ୍ଦିର ପରିସରରେ ଚନ୍ଦନ ଯାତ୍ରା ଓ ଷୋହଳ ପ୍ରହର ନାମଯଜ୍ଞ ନିମନ୍ତେ ଏକ କଳସ ଯାତ୍ରା ସୋମବାର ମନ୍ଦିର ପରିଚାଳକ ବୈଦ୍ୟରାଜ ସଦାନନ୍ଦ ପୁଟେଲଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି। ପୂର୍ବାହ୍ନରେ ମହିଳାମାନେ ଲକ୍ଷ୍ମୀନୃସିଂହ ମନ୍ଦିରଠାରୁ ପ୍ରାୟ ଅଧ କିମିଦୂରସ୍ଥିତ ଦେହାଇରେନ ଜୋରକୁ ଯାଇ କଳସରେ ପାଣିଭରି ଉକ୍ତ ମନ୍ଦିରକୁ ଯାଇ କଳସ ସ୍ଥାପନ କରିଥିଲେ। ସୋମବାର ସାରେ ଅଧିବାସ ଓ ଅଂକୁର ରୋପଣ କାର୍ଯ୍ୟକ୍ରମ ରହିଛି। ଏଥିରେ କାଣ୍ଡେଲ ଗ୍ରାମର କର୍ତ୍ତା ଭାବେ ନୃସିଂହ ସାହୁ ଓ ତାଙ୍କର ଧର୍ମପତ୍ନୀ ଅନିତା ସାହୁ ଅଂଶଗ୍ରହଣ କରିଥିଲେ। ପ୍ରବଳ ଗ୍ରୀଷ୍ମପ୍ରବାହ ସତ୍ତ୍ୱେ ଗ୍ରାମର ମହିଳାମାନୋ ଖାଲି ପାଦରେ ଚାଲିଚାଲି ଯାଇ କଳସ ଯାତ୍ରା ସମ୍ପନ୍ନ କରିଥିଲେ। ଆସନ୍ତା ୧ତାରିଖରେ ପୁର୍ଣ୍ଣାହୁତି ହେବ ବୋଲି ମନ୍ଦିର ପରିଚାଳକ ବୈଦ୍ୟରାଜ ସଦାନନ୍ଦ ପୁଟେଲ ପ୍ରକାଶ କରିଛନ୍ତି।
