ଲଙ୍ଗଳେଶ୍ୱର,୧।୧୨(ଡି.ଏନ.ଏ.): ବାଲେଶ୍ୱର ଜିଲା ସଦର ବ୍ଲକ ଅଧୀନ ସାର୍ଥା ଗ୍ରାମର ହଜାର ହଜାର ହେକ୍ଟର ଚାଷଜମିରେ ଚକଡ଼ା ପୋକ ଲାଗିବା ଯୋଗୁ ଚାଷୀମାନଙ୍କ ମୁଣ୍ଡରେ ଚଡ଼କ ପଡ଼ିଛ। ଧାନ ଗଛ ଆହାର ନେବା ସମୟରେ ବର୍ଷା ଅଭାବ ଏବଂ ଅମଳ ସମୟରେ ଚକଡ଼ା ପୋକ ଲାଗିବା ଯୋଗୁ ଧାନ ସବୁ ଅଗାଡ଼ି ହୋଇଯାଇଛି। ଏନେଇ ବାରମ୍ବାର କୃଷି ଅଧିକାରୀଙ୍କୁ ଅବଗତ କରାଯାଇଥିଲେ ମଧ୍ୟ କେହି କର୍ଣ୍ଣପାତ କରୁ ନ ଥିବା ଚାଷୀମାନେ ଅଭିଯୋଗ କରିଛନ୍ତି। ବ୍ୟାଙ୍କରୁ ଋଣ ଆଣି ଚାଷ କରିଥିବା ଚାଷୀମାନେ ଏବେ କେମିତି ଋ଼ଣ ପରିଶୋଧ କରିବେ ସେନେଇ ଚିନ୍ତାରେ ପଡ଼ିଛନ୍ତି। ଗତ ୟାସ୍ ବାତ୍ୟାରେ ସାର୍ଥା ଗ୍ରାମରେ ୧୨ ହଜାର ଏକରରୁ ଊଦ୍ଧର୍ବ ଚାଷଜମିରେ ଲୁଣାପାଣି ମାଡିବା ଯୋଗୁ ଚାଷ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା। ଚଳିତବର୍ଷ ଧାନ ଅମଳ କରି କିଛି ଋ଼ଣ ପରିଶୋଧ କରିବେ ବୋଲି ଚାଷୀମାନେ ଆଶା ରଖିଥିଲେ। ମାତ୍ର ଅମଳ ସମୟରେ ଚକଡ଼ା ପୋକ ଚାଷୀଙ୍କ ସ୍ବପ୍ନକୁ ସାରିଦେଲା। ପରିବାର ମୁହଁରେ ଦାନା ଦେବା ପାଇଁ ମଧ୍ୟ ବିଲରେ ଧାନ ନାହିଁ। କ୍ଷତିଗ୍ରସ୍ତ ଚାଷୀଙ୍କୁ ଆର୍ଥତ୍କ ସହାୟତା ସହ ଋଣଛାଡ଼ କରିବାକୁ ଚାଷୀ କମଳାକାନ୍ତ ମଲ୍ଲିକ, ରଘୁନାଥ ଗିରି, କାର୍ତ୍ତିକ ଜେନା, ଅନନ୍ତ ଜେନା, ବିଜୟ ଜେନା, ମନୋଜ ମଲ୍ଲିକ, ଶିବପ୍ରସାଦ ମାଳିକ, ନିତ୍ୟାନନ୍ଦ ଜେନା, ଅମୁଲ୍ୟ ମଣ୍ଡଳ, ସୁଦର୍ଶନ ବେହେରା, ଅମୂଲ୍ୟ ରଣା, ଚକ୍ରଧର ପଣ୍ଡା, ମୃତ୍ୟୁଞ୍ଜୟ ପାଢୀ, ସାଦୁ ବାଗ୍ ସିଂ, ଘୁଣ୍ଟୁରା ବାଗ୍ ସିଂ, ଶ୍ରୀଧର ଦଳାଇ, ଭଗିରଥ ପାତ୍ର, ନିରଞ୍ଜନ ବେହେରା, ପଦୁ ମଲିକ, ରମାନାଥ ମଲିକ, ସରକାର ଦଳାଇ, ସୁତୁରା ବେହେରା ପ୍ରମୁଖ ଦାବି କରିଛନ୍ତି।
