କୋରାପୁଟ,୧୧ା୨(ସ୍ବ.ପ୍ର.): କୋରାପୁଟ ଜିଲାର ସୁନାବେଡ଼ାସ୍ଥିତ ହିନ୍ଦୁସ୍ଥାନ ଏରୋନେଟିକ୍ସ ଲିମିଟେଡ୍ (ହାଲ)ରେ ଶନିବାର ଅପରାହ୍ନରେ କେନ୍ଦ୍ରୀୟ ତଦନ୍ତ ସଂସ୍ଥା ( ସିବିଆଇ) ପକ୍ଷରୁ ଚଢ଼ାଉ କରାଯାଇ ହାଲରେ କାର୍ଯ୍ୟରତ ଦୁଇ କର୍ମଚାରୀଙ୍କୁ ଉଠାଇ ନେଇଛି। ଉଠାଇ ନେଇଥିବା କର୍ମଚାରୀ ସତ୍ୟଜିତ୍ ଖାଡ଼ଙ୍ଗା, ଦେବାଶିଷ କୁମାର ନାୟକ ବୋଲି ଜଣାପଡ଼ିଛିା ଏହି ସିବିଆଇ ଟିମ୍ ମହାରାଷ୍ଟ୍ରର ନାସିକରୁ ଆସିଥିବା ଜଣାପଡ଼ିଛି। ଉଠାଇ ନେଇଥିବା ଦୁହିଁଙ୍କ ମଧ୍ୟରେ ହାଲର ପଦସ୍ଥ ଅଧିକାରୀ ଦେବାଶିଷ କୁମାର ନାୟକ ରହିଛନ୍ତି। ତାଙ୍କଠାରୁ ସିବିଆଇ ଟିମ୍ ଏକ ଲାପଟପ ସହ ହାଡ୍ଡିସ୍କ ଜବତ କରିଥିବା ବିଶ୍ୱସ୍ତ ସୂତ୍ରରୁ ଜଣାପଡ଼ିଛି। ଏହି ଘଟଣା ପରେ ହାଲ୍ରେ କର୍ମଚାରୀଙ୍କ ମଧ୍ୟରେ ଏକପ୍ରକାର ଅଜଣା ଭୟ ଦେଖାଦେଇଛି। ଏହି ଦୁଇ କର୍ମଚାରୀଙ୍କୁ ଏକ ଅଜଣା ସ୍ଥାନରେ ନେଇ ଜେରା ଚାଲିଥିବା ବିଶ୍ୱସ୍ତ ସୂତ୍ରରୁ ପ୍ରକାଶ।
