ଜଗତ୍ସିଂହପୁର ଅଫିସ, ୨୨ା୧: ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଅନ୍ତିମ ଦିନରେ ସ୍ଥାନୀୟ ଉପଜିଲାପାଳଙ୍କ କାର୍ଯ୍ୟାଳୟରେ ଜିଲାର ମୋଟ ୨୬ ଜିଲା ପରିଷଦ ଆସନ ପାଇଁ ୧୦୬ ଜଣ ପ୍ରାର୍ଥତ୍ପତ୍ର ଦାଖଲ କରିଛନ୍ତି। ସେମାନଙ୍କ ମଧ୍ୟରେ ଶୁକ୍ରବାର ୭୯ ଜଣ ନାମାଙ୍କନ ଭରିଛନ୍ତି। ଏହି ପଦବୀ ପାଇଁ ୧୨୧ ପ୍ରାର୍ଥତ୍ପତ୍ର କାଗଜ କିଣାଯାଇଥିବା ବେଳେ ସେଥିମଧ୍ୟରୁ ୧୫ଟି କୌଣସି କାରଣରୁ ଦାଖଲ ହୋଇପାରି ନାହିଁ। ନାମାଙ୍କନପତ୍ର ଦାଖଲ ସମୟରେ ଜିଲାପାଳଙ୍କ କାର୍ଯ୍ୟାଳୟ ପରିସର ପଡିଆରେ ଭିଡ ଦେଖିବାକୁ ମିଳିଥିଲା। ଯେହେତୁ ବିଜେଡି ପ୍ରାର୍ଥୀ ତାଲିକା ଗୁରୁବାର ରାତି ୧୧ଟା ପର୍ଯ୍ୟନ୍ତ ଚୂଡାନ୍ତ ହୋଇପାରି ନ ଥିଲା ତେଣୁ ଦଳରେ ନିଆରା ପରିବେଶ ସୃଷ୍ଟି ହୋଇଥିଲା। ବିଳମ୍ବିତ ରାତିରେ ପ୍ରାର୍ଥୀ ତାଲିକା ଚୂଡାନ୍ତ ହୋଇଥିଲା। ଫଳରେ ନିରାଶ ଆଶାୟୀମାନେ ସ୍ବାଧୀନ ଭାବେ ପ୍ରାର୍ଥତ୍ପତ୍ର ଦାଖଲ କରିବାକୁ ସୁଯୋଗ ପାଇଲେନି ବୋଲି କେତେଜଣ କହିଛନ୍ତି। ଏଭଳି ପରିସ୍ଥିତି ଉପୁଜିବା ଆଶଙ୍କା କରି ଦଳ ପକ୍ଷରୁ ବିଳମ୍ବିତ ରାତି ପର୍ଯ୍ୟନ୍ତ ପ୍ରାର୍ଥୀଙ୍କ ନାମ ଘୋଷଣା କରାଯାଇ ନ ଥିବା କୁହାଯାଇଛି। କିନ୍ତୁ ଭାଜପା ଓ କଂଗ୍ରେସ କ୍ଷେତ୍ରରେ ସେଭଳି ସମସ୍ୟା ଦେଖାଯାଇ ନ ଥିଲା। ତେବେ ଅନ୍ତିମ ଦିନରେ ଜିଲାର ସମସ୍ତ ଜୋନରୁ ଦଳୀୟ ନେତାମାନେ ପ୍ରାର୍ଥତ୍ପତ୍ର ଦାଖଲ କରିବାକୁ ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚତ୍ ଯିବାରୁ ପରିସ୍ଥିତି ଜଟିଳ ହୋଇଥିଲା। କୋଭିଡ୍ ନିୟମ ପାଳନରେ ବାଧା ଉପୁଜିଥିଲା। ଶେଷ ଦିନରେ ନାମାଙ୍କନପତ୍ର ଦାଖଲ କରିଥିବା ବ୍ୟକ୍ତିମାନଙ୍କ ମଧ୍ୟରୁ ଏରସମା ୧ ନଂ. ଜୋନରୁ ୪ ଜଣ, ଏରସମା ୨ରୁ ୩, ଏରସମା ୩ରୁ ୩ , ଏରସମା ୪ ରୁ ୨ ଜଣ ଲେଖାଏ ପ୍ରାର୍ଥତ୍ପତ୍ର ଦାଖଲ କରିଛନ୍ତି। ସେହିପରି କୁଜଙ୍ଗ୧ରୁ ୪, କୁଜଙ୍ଗ ୨ରୁ ୩, କୁଜଙ୍ଗ ୩ ରୁ ୨, କୁଜଙ୍ଗ ୪ରୁ ୨, ଜଗତ୍ସିଂହପୁର ୧ରୁ ୩, ଜଗତ୍ସିଂହପୁର ୨ରୁ ୪, ଜଗତ୍ସିଂହପୁର ୩ରୁ ୪, ଜଗତ୍ସିଂହପୁର ୪ରୁ ୫, ତିର୍ତ୍ତୋଲ ୧ରୁ ୨, ତିର୍ତ୍ତୋଲ ୨ରୁ ୪, ତିର୍ତ୍ତୋଲ ୩ରୁ ୩ ଓ ତିର୍ତ୍ତୋଲ ୪ରୁ ୨ ଜଣ ପ୍ରାର୍ଥୀ ହୋଇଛନ୍ତି। ସେହିପରି ନାଉଗାଁ ୧ରୁ ୨, ନାଉଗାଁ ୨ରୁ ୩, ବାଲିକୁଦା ୧ରୁ ୨, ବାଲିକୁଦା ୨ରୁ ୫, ବାଲିକୁଦା ୩ରୁ ୪, ବାଲିକୁଦା ୪ରୁ ୪, ବିରିଡ଼ି ୧ରୁ ୨, ବିରିଡ଼ି ୨ରୁ ୩, ରଘୁନାଥପୁର ୧ରୁ ୨ ଓ ରଘୁନାଥପୁର ୨ରୁ ୩ ଜଣ ଲେଖାଏ ପ୍ରାର୍ଥତ୍ପତ୍ର ଦାଖଲ କରିଥିବା ଜିଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ସୂତ୍ରରୁ ପ୍ରକାଶ।
