ରିଷିଡା,୫।୮(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା ଉତେଇ ଜଳସେଚନ ବିଭାଗ ପକ୍ଷରୁ କର୍ଲାମୁଣ୍ଡା ବ୍ଲକ ରାଜପୁର ଗ୍ରାମର ଭୋରପଡା( ଆର ୧) ସବମାଇନର କେନାଲ ବିଭିନ୍ନ ସ୍ଥାନରେ ନୂତନ ଭାବେ କଂକ୍ରିଟକରଣ କରାଯାଇଛି। ପ୍ରକଳ୍ପ କାର୍ଯ୍ୟ ବିନା ସୂଚନା ଫଳକରେ କିଛି ସ୍ଥାନରେ କରାଯାଇଛି। ଯାହା ଫଳରେ ଯେଉଁ ଯାଗାରେ ଅତ୍ୟନ୍ତ ଜରୁରୀ ପୁରୁଣା ଫାଟ ଏବଂ ଭାଙ୍ଗି ଯାଇଥିବା କେନାଲ ସେହି ଯାଗା ସ୍ଥାନରେ ମରାମତି କି ନୂତନ କାମ ନ କରି ସାଧାରଣ ଲୋକଙ୍କୁ ଅନ୍ଧାରରେ ରଖି ଯନ୍ତ୍ରୀଙ୍କ ମଧୁଚନ୍ଦ୍ରିକାରେ ଠିକାସଂସ୍ଥା କିଭଳି କାମ କରିଛି। ଏହି କାର୍ଯ୍ୟକୁ ନେଇ ସନ୍ଦେହ ସୃଷ୍ଟି ହେଉଛି । ଏହା ସହ ପ୍ରକଳ୍ପ କାର୍ଯ୍ୟର ସ୍ବଚ୍ଛତା ଓ ସ୍ଥାୟୀତ୍ୱ ଉପରେ ପ୍ରଶ୍ନବାଚୀ ସୃଷ୍ଟି କରିଛି।
ପ୍ରକାଶ ଯେ, ତଳି ଅଞ୍ଚଳ ଥିବାରୁ ପାଣି ଯିବାର ଅସୁବିଧା ହେତୁ ପୁରୁଣା ଫାଟ ସୃଷ୍ଟି ହୋଇଥିବା କିଛି ମାସ ତଳେ ଅଞ୍ଚଳର ଉଗ୍ରସେନ ସାହୁ, ସୁଭଳୟା ସାହୁ, ପ୍ରେମାନନ୍ଦ ସାହୁ, ସମେତ ବହୁ ଚାଷୀମାନେ ବିଭାଗୀୟ ଯନ୍ତ୍ରୀଙ୍କୁ ଜଣାଇଥିବାବେଳେ କିଛି ପଦକ୍ଷେପ ନ ନେଇ ଅଣଦେଖାରୁ ଆଜି ରାଜପୁର ଗ୍ରାମର (ଆର ୧) ସବ ମାଇନର କେନାଲ ସଂପୂର୍ଣ୍ଣ ଭାବେ ଭୁଶୁଡି ଯାଇଛି। ଯାହା ଫଳରେ ଶତାଧିକ ଚାଷୀଙ୍କ ଚାଷ ଉପରେ ପାଣି ମାଡ଼ି ଯାଇ ବହୁ କ୍ଷତିଗ୍ରସ୍ତ ହୋଇଥିବା ଜଣାପଡିଛି। ଏସମ୍ପର୍କରେ ଦାୟିତ୍ୱରେ ଥିବା ଉତେଇଜଳ ସେଚନ ବିଭାଗୀୟ କନିଷ୍ଠଯନ୍ତ୍ରୀ ସୁଶାନ୍ତ ଖୁରାଙ୍କୁ ଯୋଗାଯୋଗ କରିଥିଲେ ହେଁ କୌଣସି କାରଣରୁ ଯୋଗାଯୋଗ ବିଚ୍ଛିନ୍ନ ହୋଇଛି। ଏପଟେ ଚାଷୀମାନେ ଫୋନ ଲଗାଇ ଜଣାଇବାକୁ ଚେଷ୍ଟା କରିଥିଲେ ମଧ୍ୟ ଫୋନ ଉଠାଉ ନାହାନ୍ତି। ଏହି କ୍ଷୟକ୍ଷତି ପାଇଁ ବିଭାଗୀୟ ଯନ୍ତ୍ରୀ ସୁଶାନ୍ତ ଖୁରା ହିଁ ଦାୟୀ ବୋଲି ଅଞ୍ଚଳର ଶତାଧିକ ଚାଷୀ ଅଭିଯୋଗ କରିଛନ୍ତି।
ପ୍ରକାଶଥାଉ କି,ଶ୍ରୀ ଖୁରା ୧୦ବର୍ଷରୁ ଉଦ୍ଧର୍ବ ରହି ଥିବାରୁ ତାଙ୍କର ଛତ୍ରଛାୟା ତଳେ ବହୁ ହାତ ଥିବାରୁ ତାଙ୍କ ବଦଳି ଅଦ୍ୟାବଧି ହୋଇନାହିଁ । ତୁରନ୍ତ ଏଥିପ୍ରତି ଜିଲା ପ୍ରଶାସନ ଦୃଷ୍ଟିଦେଇ ଅନ୍ୟତ୍ର ବଦଳି କରିବାକୁ ଚାଷୀମାନେ ଦାବି କରିଛନ୍ତି ।
Dharitri – Odisha’s No.1 Odia Daily
