ଓଟାୱା,୨୮ ।୨: କାନାଡା ସରକାର ସର୍ଟ-ଫର୍ମ ଭିଡିଓ ଆପ ଟିକଟକକୁ ବ୍ୟାନ କରିଦେଇଛନ୍ତି । ମିଡିଆ ରିପୋର୍ଟ ଅନୁଯାୟୀ, ସାଇବର ସୁରକ୍ଷାକୁ ଦୃଷ୍ଟିରେ ରଖି ସରକାର ଏହି ନିଷ୍ପତ୍ତି ନେଇଛନ୍ତି । କାନାଡା ସରକାର ଏକ ବୟାନରେ କହିଛନ୍ତି, ମଙ୍ଗଳବାରଠାରୁ ମୋବାଇଲ ଉପକରଣରୁ ଟିକଟକ ଆପ୍ଲିକେଶନକୁ ହଟାଇ ଦିଆଯିବ । ଭବିଷ୍ୟତରେ ଏହି ଆପର ବ୍ୟବହାରକାରୀଙ୍କୁ ଆପ୍ଲିକେଶନ ଡାଉନଲୋଡ କରିବାକୁ ରୋକି ଦିଆଯିବ । ଆମେରିକା ପରେ କାନାଡା ସରକାର ଡାଟା ସମ୍ବନ୍ଧିୟ ଚିନ୍ତାକୁ ନେଇ ସରକାରୀ ଉପକରଣରେ ଟିକଟିକ ଉପରେ ପ୍ରତିବନ୍ଧକ ଲଗାଇ ଦେଇଛନ୍ତି ।
କାନାଡା ସଚିବାଳୟର ଏକ ଟ୍ରେଜେରି ବୋର୍ଡର ବୟାନ ଅନୁଯାୟୀ, ସରକାରଙ୍କ ଦ୍ୱାରା ଜାରି କରାଯାଇଥିବା ଉକରଣକୁ ଟିକଟକ ଡାଉନଲୋଡ କରିବାରୁ ରୋକି ଦିଆଯିବ ଓ ଆପରେ ଥିବା ଏବେକାର ଇନଷ୍ଟଲେଶନକୁ ହଟାଇ ଦିଆଯିବ । ବୟାନରେ କୁହାଯାଇଛି, ଟିକଟକର ସମିକ୍ଷା ପରେ କାନାଡାର ମୁଖ୍ୟ ସୂଚନା ଅଧିକାରୀ କହିଛନ୍ତି ଏହା ଗୋପନୀୟତା ଓ ସୁରକ୍ଷା ଦୃଷ୍ଟିରୁ ଚିନ୍ତାଜନକ । ଟ୍ରେଜେରି ବୋର୍ଡର ଅଧ୍ୟକ୍ଷ ମୋନା ଫୋର୍ଟିୟରଙ୍କ ବୟାନରେ କୁହାଯାଇଛି, ଏହି ନିଷ୍ପତ୍ତି ଆମ ଅନ୍ତରାଷ୍ଟ୍ରୀୟ ଭାଗିଦାରୀର ଅନୁରୂପ । ଆମେରିକା ସଂଘିୟ ସରକାର ଓ ୟୁରୋପୀୟ ଆୟୋଗ ସହ ସମସ୍ତେ ଅଫିସିୟାଲ ନେଟୱର୍କରେ ପ୍ରତିବନ୍ଧକ ଅବା ଅନୁମତି ଦେବା ଉପକରଣ ଉପରେ ସମାନ ଟିକଟକ ପ୍ରତିବନ୍ଧକର ଘୋଷଣା କରିଛି ।
