ନୋନି,୨୮ ।୨: ମଣିପୁରର ନୋନିରେ ମଙ୍ଗଳବାର ଭୋର ସମୟରେ ଏକ ଭୂକମ୍ପ ଅନୁଭୁତ ହୋଇଛି । ନ୍ୟାଶନାଲ ସେଣ୍ଟର ଫର ସିସ୍ମୋଲୋଜି(ଏନସିଏସ) ଅନୁଯାୟୀ, ଭୂକମ୍ପର ଝଟକା ପ୍ରାୟ ୨ଟା ୪୬ ମିନିଟରେ ଅନୁଭୁତ ହୋଇଥିଲା । ଏହା ଭୂପୃଷ୍ଠରୁ ୨୫ କିଲୋମିଟର ଗଭିରତାରେ ଥିଲା । ସିକ୍ଟର ସ୍କେଲରେ ଏହାର ତୀବ୍ରତା ୩.୨ ମପାଯାଇଛି । ଏଥିରେ କୌଣସି ପ୍ରକାର କ୍ଷୟକ୍ଷତିର ସୂଚନା ମିଳିନାହିଁ ।
ସୂଚନାଯୋଗ୍ୟ, ଏହା ପୂର୍ବରୁ ୧୯ ଫେବୃୟାରୀରେ ଆନ୍ଧ୍ର ପ୍ରଦେଶର ଏନଟିଆର ଜିଲାର ନନ୍ଦିଗାମା ସହରରେ ଭୂକମ୍ପ ଆସିଥିଲା । ଭୂକମ୍ପର ଝଟକା ରବିବାର ସକାଳ ପ୍ରାୟ ୭ଟା ୧୩ ମିନିଟରେ ଅନୁଭୁତ ହୋଇଥିଲା । ସିକ୍ଟର ସ୍କେଲରେ ଏହାର ତୀବ୍ରତା ଥିଲା ୩.୦ । ସେହିଦିନ ମଧ୍ୟ ପ୍ରଦେଶରେ ବି ଏକ ଭୂକମ୍ପ ଆସିଥିଲା ।
