ବାଲିଆପାଳ,୨୫।୪(ସ୍ବ.ପ୍ର)-ବାଲିଆପାଳ ପଞ୍ଚାୟତର କଚୁଆପଡ଼ା ମସଜିଦ ଦାନବାକ୍ସ ଚୋରି ମାମଲାରେ ଜଡ଼ିତ କରି ଜଣେ ଯୁବକଙ୍କୁ ଘରୁ ଡାକିନେଇ ତାଙ୍କ ବେକରେ ଦଉଡ଼ି ବାନ୍ଧି ଟାଙ୍ଗି ଦିଆଯାଇଥିବା ଅଭିଯୋଗ ହୋଇଛି। ଦଉଡ଼ି ଛିଣ୍ଡି ଯିବାରୁ ଯୁବକ ଜଣକ ନିଜ ଘରକୁ ଦଉଡ଼ି ପଳାଇଯାଇଥିଲେ। ପରେ ତାଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ କଟକ ବଡ ଡ଼ାକ୍ତରଖାନାରେ ଭର୍ତ୍ତି କରାଯାଇଛି। ଅନୁଯାୟୀ, ବାଲିଆପାଳ ଥାନା ଅଧୀନ କଚୁଆପଡ଼ା ମୁସଲମାନ ବସ୍ତିରେ ଥିବା ମସଜିଦ୍ ଦାନ ବାକ୍ସରୁ ଟଙ୍କା ଚୋରି ହୋଇଥିଲା। ଏହି ଅଭିଯୋଗରେ ଗତ ୨୨ ତାରିଖ ଅପରାହ୍ନ ୨ଟା ସମୟରେ କଚୁଆପଡ଼ା ଗ୍ରାମର ମସଜିଦ ରକ୍ଷଣା ବେକ୍ଷଣ ଦାୟିତ୍ୱରେ ଥିବା ଜଣେ ବ୍ୟକ୍ତି ଗ୍ରାମର ସେକ୍ ସଇକତଙ୍କ ପୁଅ ସେକ ରାଜତୁଲ୍ଲା (୨୮)ଙ୍କୁ ଘରୁ ଡାକିନେଇ ନିସ୍ତୁକ ମାଡ଼ ମାରି ବେକରେ ଦଉଡ଼ି ବାନ୍ଧି ଫାଶୀ ଟାଙ୍ଗି ଦେଇଥିଲେ। ଭାଗ୍ୟ ବଶତଃ ଦଉଡ଼ି ଛିଡ଼ି ଯିବାରୁ ସେ ବର୍ତ୍ତି ଯାଇଥିଲେ। ଏ ସମ୍ପର୍କରେ ସେହିଦିନ ରାଜତୁଲ୍ଲାଙ୍କ ବଡ଼ ଭାଇ ସେକ ମୁସ୍ତାକ ବାଲିଆପାଳ ଥାନାରେ ଏତଲା ଦେଇଛନ୍ତି। ପୋଲିସ ଘଟଣାର ତଦନ୍ତ ଜାରି ରଖିଛି।
