ବେପାର ଚିନ୍ତାରେ ବ୍ୟବସାୟୀ

ବଇଣ୍ଡା,୨୦।୪ ଲକ୍‌ଡାଉନ୍‌ ଯୋଗୁ ବନ୍ଦ ହୋଇଯାଇଥିବା ବଜାର ମାତ୍ର କେଇମାସ ହେଲା ଖୋଲିଥିଲା। ବ୍ୟବସାୟ ହରାଇ ଦୁର୍ଦ୍ଦିନରେ ଥିବା ବ୍ୟବସାୟୀମାନେ ନୂଆ ଉତ୍ସାହର ସହ ଆରମ୍ଭ କରିଥିଲେ କାରବାର। ଜୀବନରେ ଏପରି ଦୁଃସମୟର ସମ୍ମୁଖୀନ ଆଉ ହେବେ ବୋଲି ସେମାନେ ଭାବି ନ ଥିଲେ ମଧ୍ୟ କୋଭିଡ୍‌ର ଦ୍ୱିତୀୟ ଲହର ହଠାତ୍‌ ସବୁକିଛି ଓଲଟପାଲଟ କରିଦେଇଛି। ଗତ ଶନିବାରଠାରୁ ଆରମ୍ଭ ହୋଇଥିବା ନାଇଟ୍‌ କର୍ଫୁ ବ୍ୟବସାୟରେ ବାଧା ପହଞ୍ଚାଇଥିବା ବେଳେ ଆସନ୍ତା ୨୪ ତାରିଖରୁ ହେବାକୁ ଥିବା ସପ୍ତାହାନ୍ତ ୨ ଦିନିଆ ଶଟ୍‌ଡାଉନ୍‌ ବଜାର ସମୟକୁ ଆହୁରି ହ୍ରାସ କରିଦେଇଛି। ଫଳରେ ବେପାରକୁ ନେଇ ଅନୁଗୋଳ ଜିଲା ବଇଣ୍ଡା ଅଞ୍ଚଳର ବ୍ୟବସାୟୀଙ୍କ ଚିନ୍ତା ବଢ଼ିଯାଇଛି।
୫୫ନଂ. ଜାତୀୟ ରାଜପଥ ପାର୍ଶ୍ୱରେ ଥିବା ବଇଣ୍ଡା ବଜାର କେବଳ କିଶୋରନଗର ବ୍ଲକ ନୁହେଁ, ବରଂ ଆଠମଲ୍ଲିକ ଉପଖଣ୍ଡର ଏକ ବୃହତ୍‌ ବ୍ୟବସାୟିକ ପେଣ୍ଠସ୍ଥଳୀ। ଏହା ଉପରେ କିଶୋରନଗର, ଆଠମଲ୍ଲିକ ଓ ଛେଣ୍ଡିପଦାର ୨୩ଟି ପଞ୍ଚାୟତର ଲୋକେ ନିର୍ଭର କରନ୍ତି। କିନ୍ତୁ ରାଜପଥ ସମ୍ପ୍ରସାରଣ ନିମନ୍ତେ ୨୦୧୮ ମେ ୧୭ରେ ବଜାରରୁ ବହୁ ଦୋକାନ ଉଚ୍ଛେଦ କରାଯାଇଥିଲା। ପ୍ରଶାସନ କୌଣସି କ୍ଷତିପୂରଣ ଦେଇ ନ ଥିବାବେଳେ ପରବର୍ତ୍ତୀ ସମୟରେ କୋଭିଡ୍‌-୧୯ ଜନିତ ଲକ୍‌ଡାଉନ୍‌ ସମ୍ପୃକ୍ତ ବ୍ୟବସାୟୀଙ୍କ ପାଇଁ ଆଉ ଏକ ଶକ୍ତ ଆଘାତ ଥିଲା। ତେବେ ଦୀର୍ଘଦିନର ଲକ୍‌ଡାଉନ୍‌ ହଟିବା ପରେ ବେପାର ଫେରି ପାଇବାକୁ ବଇଣ୍ଡାର ବ୍ୟବସାୟୀମାନେ ଉଦ୍ୟମ ଚଳାଇଥିଲେ। ମାତ୍ର କୋଭିଡ୍‌ର ଦ୍ୱିତୀୟ ଲହର ଏବେ ସେମାନଙ୍କୁ ଚିନ୍ତାରେ ପକାଇ ଦେଇଛି। ଦ୍ରୂତ ଗତିରେ ବଢ଼ୁଥିବା ସଂକ୍ରମଣ ରୋକିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ପ୍ରଥମେ ନାଇଟ୍‌ କର୍ଫ୍ୟୁ ଲଗାଯାଇଥିଲା। ଏହାକୁ ୩ ଦିନ ନ ପୂରୁଣୁ ଆସନ୍ତା ୨୪ ତାରିଖଠାରୁ ପ୍ରତ୍ୟକ ସପ୍ତାହର ଶନିବାର ଓ ରବିବାର ଶଟ୍‌ଡାଉନ୍‌ କରାଯିବ ବୋଲି ଘୋଷଣା କରାଯାଇଛି। ଗ୍ରୀଷ୍ମ ପ୍ରବାହ ଓ ଭୂତାଣୁ ଭୟ ଯୋଗୁ ଲୋକେ ବଜାର ଆସିବାକୁ ଭୟ କରୁଥିବାବେଳେ ଏହି ନୂଆ କଟକଣା ବେପାର ସମୟକୁ ଆହୁରି କମାଇ ଦେଇଛି। ସେହିପରି ବଇଣ୍ଡା ଅଞ୍ଚଳରେ ହେଉଥିବା ସାପ୍ତାହିକ ହାଟକୁ ବଇଣ୍ଡା ଫାଣ୍ଡି ପୋଲିସ ବନ୍ଦ କରି ଦେଇଛି। ଫଳରେ ପରିବା ବ୍ୟବସାୟୀ, ଚାଷୀଙ୍କ ସହ ବଇଣ୍ଡାର ବିଭିନ୍ନ ବ୍ୟବସାୟୀଙ୍କ ପାଇଁ ଏହା ବେଡି ଉପରେ କୋରଡା ମାଡ଼ ପରି ହୋଇଛି।

ପରିବାର କେମିତି ଚଳାଇବୁ
ଗତବର୍ଷ ଦୀର୍ଘ ଲକ୍‌ଡାଉନ୍‌ ଯୋଗୁ ଦୋକାନ ବନ୍ଦ ରହିଥିଲା। ଏବେ ନାଇଟ୍‌ କର୍ଫ୍ୟୁ ଲାଗୁ ହୋଇଛି। ଭୂତାଣୁ ଭୟରେ ଲୋକେ ପୂର୍ବପରି ବଜାର ଆସୁ ନ ଥିବାବେଳେ ରାତି ୮ରୁ ଦୋକାନ ବନ୍ଦ କରି ୯ଟା ସୁଦ୍ଧା ଘରେ ପହଞ୍ଚିବାକୁ ପଡ଼ୁଛି। ଏପରି ହେଲେ ପରିବାର କେମିତି ଚଳାଇବୁ।
-ମିଟୁ ଚରଣ ସାହୁ, ବ୍ୟବସାୟୀ, ବଇଣ୍ଡା
ବ୍ୟବସାୟ ସମ୍ପୂର୍ଣ୍ଣ କ୍ଷତିଗ୍ରସ୍ତ
କରୋନା କାରଣରୁ ବ୍ୟବସାୟୀମାନେ ବଡ଼ ସଙ୍କଟ ଦେଇ ଗତି କରୁଛନ୍ତି। ପୂର୍ବରୁ ମାସ ମାସ ଧରି କାରବାର ବନ୍ଦ ରହିଥିଲା। ଗତ ଶନିବାର ରାତିରୁ ନାଇଟ୍‌ କର୍ଫ୍ୟୁ ଲାଗୁ ହୋଇଥିବା ବେଳେ ଆଗାମୀ ୨୪ ତାରିଖଠାରୁ ସପ୍ତାହାନ୍ତ ଶଟ୍‌ଡାଉନ୍‌ ନେଇ ଘୋଷଣା ବ୍ୟବସାୟଙ୍କୁ ଅଧିକ କ୍ଷତିଗ୍ରସ୍ତ କରିବ।
-ଅକ୍ଷୟ ନାୟକ, ବ୍ୟବସାୟୀ, ବଇଣ୍ଡା
ବାଧକ ସାଜିଛି କରୋନା ନିୟମ
୫୫ନଂ. ଜାତୀୟ ରାଜପଥ ପାର୍ଶ୍ୱରେ ବଇଣ୍ଡା ବଜାର ରହିଛି। ଦୀର୍ଘଦିନ ହେଲା ରାଜପଥ ସମ୍ପ୍ରସାରଣ କାର୍ଯ୍ୟ ଚାଲିଥିବାରୁ ବହୁ ଦୋକାନ ଉଚ୍ଛେଦ କରାଯାଇଛି। ବ୍ୟବସାୟୀମାନେ ଏବେ ପୁଣି ଦୋକାନ ଦେବାକୁ ଉଦ୍ୟମ କରୁଥିବାବେଳେ କରୋନା କଟକଣା ସେମାନଙ୍କ ପାଇଁ ବାଧକ ସାଜିଛି।
-ସନାତନ ସାହୁ, ବ୍ୟବସାୟୀ, ବଇଣ୍ଡା
ବେପାର ବନ୍ଦ ହୋଇଯିବ
କରୋନା ଭୟ ସହ ଚଳିତବର୍ଷ ପ୍ରବଳ ଗ୍ରୀଷ୍ମ ପ୍ରବାହ ଯୋଗୁ ଦୀର୍ଘଦିନ ହେଲା ଦିନବେଳା ବଜାରକୁ ଗ୍ରାହକ ଆସୁନାହାନ୍ତି। ଅପରାହ୍ନରେ ଲୋକେ ଘରୁ ବାହାରୁଥିବାରୁ ରାତିରେ ଯାହା ଯେମିତି ବ୍ୟବସାୟ ହେଉଥିଲା। କିନ୍ତୁ ରାତି କର୍ଫ୍ୟୁ ଯୋଗୁ ସେତକ ମଧ୍ୟ ହୋଇପାରୁ ନାହିଁ। ଏହାକୁ ନେଇ ଚିନ୍ତାରେ ପଡ଼ିଛୁ।
-ପାପୁନା ମହାପାତ୍ର, ବ୍ୟବସାୟୀ, ବଇଣ୍ଡା
କଟକଣା ମାନିଲେ ମୁକ୍ତି ସହଜ
କରୋନାର ଦ୍ୱିତୀୟ ଲହରରୁ ବର୍ତ୍ତିବା ପାଇଁ ମାସ୍କ ଓ ସାମାଜିକ ଦୂରତ୍ୱ ରକ୍ଷା ନିୟମ ସମସ୍ତଙ୍କୁ ମାନିବାକୁ ପଡ଼ିବ। ଏହା ବ୍ୟବସାୟୀ ଓ ଗ୍ରାହକମାନେ କରିପାରିଲେ କରୋନାରୁ ମୁକ୍ତି ମିଳିବା ସହଜ ହୋଇଯିବ। ନିୟମ ପାଳନ କରା ନ ଗଲେ ଆଇନ ଅନୁଯାୟୀ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
– ଡ. ଲକ୍ଷ୍ମୀପ୍ରସାଦ ସାହୁ, ତହସିଲଦାର, କିଶୋରନଗର


Enter your email to get our daily news in your inbox.

All Right Reserved By Dharitri.Com

ଗାଡ଼ି ଜବତ କରିବାକୁ ଗୁଣ୍ଡା ବ୍ୟବହାର କରିପାରିବେନି ଫାଇନାନ୍ସ କମ୍ପାନୀ: ହାଇକୋର୍ଟ

ପ୍ରୟାଗରାଜ,୧୬ା୧୧(ପି.ଟି.): ଋଣ ପରିଶୋଧ କରୁ ନ ଥିବା କାରଣରୁ ଗାଡ଼ି ଜବତ କରିବା ପାଇଁ ଫାଇନାନ୍ସ କମ୍ପାନୀ ଗୁଣ୍ଡାଙ୍କୁ ବ୍ୟବହାର କରିପାରିବେ ନାହିଁ ଏବଂ ଚାପ ପକାଇବାକୁ…

ଭାଜପାର ପଞ୍ଜାବ ନିର୍ବାଚନ ଇସ୍ତାହାର କମିଟିରେ ରାଘବ, ହରଭଜନ

ଚଣ୍ଡିଗଡ଼,୧୬ା୧୧: ଆସନ୍ତା ବର୍ଷ ପଞ୍ଜାବ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଥିବାବେଳେ ଭାଜପା ଏହାର ଇସ୍ତାହାର କମିଟିରେ ରାଜ୍ୟ ସଭା ସଦସ୍ୟ ରାଘବ ଚଢ଼ା ଏବଂ ହରଭଜନ…

ଆଜି ମୁମ୍ବାଇ ଆସିବେ ବ୍ରିଟିଶ ଯୁବରାଜ ଓ୍ବିଲିୟମ୍‌

ଲଣ୍ଡନ,୧୬ା୧୧(ପି.ଟି.): ବ୍ରିଟିଶ ଯୁବରାଜ ଓ୍ବିଲିୟମ ୨୦୨୬ ଆର୍ଥଶଟ୍‌ ପ୍ରାଇଜ୍‌ ପାଇଁ ଯୁବରାଣୀ କେଟ୍‌ ମିଡିଲଟନ୍‌ଙ୍କ ସହ ସୋମବାର ମୁମ୍ବାଇ ଆସିବେ। ମଙ୍ଗଳବାର ସେମାନେ ନୂଆଦିଲ୍ଲୀ ଯାଇ ବୁଧବାର…

ପାକ୍‌ ଲିଙ୍କ୍‌ ଥିବା ୨ ଅଭିଯୁକ୍ତ ପଞ୍ଜାବରୁ ଗିରଫ

ଚଣ୍ଡିଗଡ଼,୧୬ା୧୧: ରାଜସ୍ଥାନର ଶ୍ରୀଗଙ୍ଗାନଗର ରେଳଲାଇନରେ ବିସ୍ଫୋରଣ ସହ ସମ୍ପୃକ୍ତି ନେଇ ଜଣେ ମହିଳାଙ୍କ ସହ ୨ ଜଣଙ୍କୁ ପଞ୍ଜାବରୁ ଗିରଫ କରାଯାଇଛି। ରାଜସ୍ଥାନ ଆତଙ୍କବାଦ ନିରୋଧୀ ସ୍କ୍ବାଡ୍‌…

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?