ଭୁବନେଶ୍ୱର,୧୮ା୩(ବ୍ୟୁରୋ): ଧରିତ୍ରୀ ଏବଂ ଓଡ଼ିଶାପୋଷ୍ଟ ଆନୁକୂଲ୍ୟରେ ଆୟୋଜିତ ‘ବିଜନେସ୍ ଏମିନେନ୍ସ ଆଓ୍ବାର୍ଡସ୍’ର ୩ୟ ସଂସ୍କରଣ ଶେଷ ହୋଇଛି। ଶନିବାର ହୋଟେଲ ସ୍ବସ୍ତି ପ୍ରିମିୟମରେ ଆୟୋଜିତ ଏହି କାର୍ଯ୍ୟକ୍ରମ ପ୍ରାରମ୍ଭରେ ଧରିତ୍ରୀ ଏବଂ ଓଡ଼ିଶାପୋଷ୍ଟ ସମ୍ପାଦକ ତଥାଗତ ସତପଥୀ ଅତିଥିମାନଙ୍କ ପରିଚୟ ପ୍ରଦାନ କରିବା ସହ ସ୍ବାଗତ ଅଭିଭାଷଣ ରଖିଥିଲେ। ଏହି ପରିପ୍ରେକ୍ଷୀରେ ମୁଖ୍ୟ ଅତିଥି ଭାବେ ଶିଳ୍ପମନ୍ତ୍ରୀ ପ୍ରତାପ କେଶରୀ ଦେବ ଓଡ଼ିଶାର ଶିଳ୍ପନୀତି ଏବଂ ଶିଳ୍ପକୁ ନେଇ ସରକାରଙ୍କ ଆଭିମୁଖ୍ୟ ଉପରେ ଆଲୋକପାତ କରିଥିଲେ।
ସେହିପରିି ମୁଖ୍ୟବକ୍ତା ଭାବେ ଫିକି ସଭାପତି ତଥା ଇମ୍ଫାର ଏମ୍ଡି ଶୁଭ୍ରକାନ୍ତ ପଣ୍ଡା ଯୋଗଦେଇ ରାଜ୍ୟର ବିକାଶ, ପ୍ରାକୃତିକ ସମ୍ପଦ, ଷ୍ଟାର୍ଟଅପ୍ ଓ ଯୁବ ଶିଳ୍ପୋଦ୍ୟୋଗୀଙ୍କ ଉଦ୍ଦେଶ୍ୟରେ ଅନେକ କିଛି ଶିଳ୍ପ ଅନୁପଯୋଗୀ ମତ ଉପସ୍ଥାପନ କରିଥିଲେ। ଏହି ପରିପ୍ରେକ୍ଷୀରେ ରାଜ୍ୟର ବିଭିନ୍ନ କ୍ଷେତ୍ରରେ ପାରିଦର୍ଶିତା ଲାଭ କରିଥିବା ୨୧ଜଣ ବିଶିଷ୍ଟ ଉଦ୍ୟୋଗପତିଙ୍କୁ ସମ୍ମାନିତ କରାଯାଇଥିଲା। ସେମାନେ ହେଲେ ଫିକି ସଭାପତି ତଥା ଇମ୍ଫାର ଏମ୍ଡି ଶୁଭ୍ରକାନ୍ତ ପଣ୍ଡା, ଓଡ଼ିଶୀ ମୋଟର୍ସର ରୁଚି ଜଲାନ୍, ନେକ୍ସସ୍ ଇଞ୍ଜିନିୟରିଂର ପୀୟୂଷ ମହାନ୍ତି, ଅଜନ୍ତା ଆଡ୍ଭର୍ଟାଇଜର୍ସର ମନୀଷ ଅଗରଓ୍ବାଲ, ଯମୁନା ବଜାଜ୍ର ଗିରିଜା ଶଙ୍କର ଅଗରଓ୍ବାଲ, ନ୍ୟୁଟନ୍ ସାଇନ୍ସ କଲେଜର ଡ. ତେଜରାଜ ପାତ୍ର, ଭାରତ ପ୍ଲାଏଉଡ୍ସର ବ୍ରଜେନ୍ଦ୍ର କୁମାର ରୟ, କୋଶଲ ଅଟୋମୋବାଇଲ୍ସର ଡ. ପଦ୍ମିନୀ ପାଣିଗ୍ରାହୀ, ଏକ୍ସପୋ ଆଡ୍ଭର୍ଟାଇଜିଂର ସଞ୍ଜୀବ ମହାନ୍ତି, ସମ୍ ଅଟୋର ହର୍ଷ ବର୍ଦ୍ଧନ ସିଂହଦେଓ, ଜୟଦୁର୍ଗା କେମିକାଲ୍ସର ବାବୁରାମ ସ୍ବାଇଁ, ମର୍ଡନ ଏଗ୍ରୋ ମୋଟର୍ସ ଆଣ୍ଟ ଟ୍ରାକ୍ଟର୍ସ ପ୍ରା.ଲିଃର ପ୍ରଦୀପ୍ତ ବଡ଼ଜେନା, ସ୍ପ୍ରିଙ୍ଗ୍ ଭିଲେ ଗ୍ରୀନ୍ସ ଏଲ୍ଏଲ୍ପିର ସୁରେଶ କୁମାର ସୁରେକା, ସିଧି ଲକ୍ଷ୍ମୀ ମୋଟର୍ସର ରାଜକୁମାର ଅଗରଓ୍ବାଲ, ବାଗରିଆସ୍ ପ୍ରାଇଭେଟ ଲିମିଟେଡ୍ (ଟାଇଟନ୍ ଓ୍ବାର୍ଲ୍ଡ)ର ରମନ ବାଗରିଆ, ୟୁନିକ୍ ରିସୋର୍ସ ପ୍ରାଇଭେଟ୍ ଲିମିଟେଡ୍ର ଜ୍ୟୋତି ସ୍ବରୂପ ନାୟାର, ଓଡ଼ିଶା ଆୟୁର୍ବେଦ ଭବନର ମନୋଜ କୁମାର ଦାସ, ଏସ୍ଜିବିଏଲ୍ ଅଟୋ ମୋବାଇଲ୍ସର ସୁନୀଲ ଗୁପ୍ତା, ଏମ୍ଏସ୍ ଟିପି ମାଇନିଂର ତାରିଣୀ ପ୍ରସାଦ ମହାନ୍ତି, ଆକାଶ ମୋଟର୍ସର ଆକାଶ ଅଗରଓ୍ବାଲ, ଟାଇମ୍ସ ସ୍କଲାର୍ସ ଗୁରୁକୁଳର ଡ. ଶାରଦା ପ୍ରସାଦ ମିଶ୍ର। ଶେଷରେ ଧରିତ୍ରୀ ଏବଂ ଓଡ଼ିଶାପୋଷ୍ଟ ମୁଖ୍ୟ କାର୍ଯ୍ୟନିର୍ବାହୀ ଆଦ୍ୟାଶା ସତପଥୀ ଧନ୍ୟବାଦ ଜ୍ଞାପନ କରି ଅଭିଭାଷଣ ପ୍ରଦାନ କରିଥିଲେ।
