ଓ୍ବାଶିଂଟନ, ୩୧।୮: କ୍ଷୁଦ୍ରଗ୍ରହ ୨୦୧୧ ଇଏସ୍-୪ ପୃଥିବୀ ମୁହାଁ ହୋଇଛି। ଏହା ସେପ୍ଟେମ୍ବର ୧ରେ ପୃଥିବୀ ଏବଂ ଚନ୍ଦ୍ର ମଧ୍ୟ ଦେଇ ନିଜ କକ୍ଷ ପକ୍ଷରେ ଗତି କରିବ। ଏହାର ଲମ୍ବ ୪୦ ମିଟର ଥିବାବେଳେ ପ୍ରସ୍ଥ ୨୦ ମିଟର ରହିଛି। ଏହି ଜଳନ୍ତା ଗ୍ରହ ପୃଥିବୀଠାରୁ ଲକ୍ଷେ ୨୦ ହଜାର କିମି ଦୂରରେ ଏହା ଗତି କରିବ ବୋଲି ନାସା ପକ୍ଷରୁ କୁହାଯାଇଛି। ତେବେ ଏହା ପୃଥିବୀ ସହିତ ଧକ୍କା ହେବାର ଆଶଙ୍କା ନାହିଁ। ଏହା ଘଣ୍ଟା ପ୍ରତି ୨୯ ହଜାର ୩୭୬ କିମି ବେଗରେ ପୃଥିବୀ ମୁହାଁ ହେବାରେ ଲାଗିଛି। ଆସନ୍ତା ୧୦ ବର୍ଷ ପର୍ଯ୍ୟନ୍ତ ଏଭଳି ମହାଜାଗତିକ ଦୃଶ୍ୟ ଆଉ ଘଟିବ ନାହିଁ ବୋଲି ନାସା କହିଛି। ୨୦୧୧ରେ ଏହି କ୍ଷୁଦ୍ରଗ୍ରହକୁ ଚିହ୍ନଟ କରାଯାଇଥିଲା। ନିଜ କକ୍ଷ ପଥରେ ଘୂରିବା ପାଇଁ ଏହା ୧.୧୪ ବର୍ଷ ସମୟ ନେଇଥାଏ। ନାସାର ଜେଟ୍ ଲାବୋରେଟୋରୀ ଅନୁସାରେ ଏହି କ୍ଷୁଦ୍ରଗ୍ରହ ୧୯୮୭ଠାରୁ ୮ ଥର ପୃଥିବୀର ନିକଟବର୍ତ୍ତୀ ହୋଇଛି। ଏହା ପୂର୍ବରୁ ୨୦୧୧ ମାର୍ଚ୍ଚ ୧୩ରେ ଏହା ପୃଥିବୀଠାରୁ ୪୨ ଲକ୍ଷ ୬୮ ହଜାର ୬୪୩ କିମି ଦୂରରେ ଅତିକ୍ରମ କରିଥିଲା। ୨୦୩୨ଡିବି କ୍ଷୁଦ୍ରଗ୍ରହ ୨୦୩୨ରେ ପୃଥିବୀ ନିକଟ ଦେଇ ଅତିକ୍ରମ କରିବ।
