ଲଣ୍ଡନ,୩ ।୧୨: ସାରା ବିଶ୍ୱରେ ଏବେ କରୋନା ଭାଇରସର ନୂଆ ଭାରିଏଣ୍ଟକୁ ନେଇ ଚିନ୍ତା ପ୍ରକଟ କରାଯାଇଥିବା ବେଳେ ବ୍ରିଟେନ ପ୍ରଧାନମନ୍ତ୍ରୀ ବୋରିଶ ଜନସନ କରୋନା ଭ୍ୟାକ୍ସିନର ବୁଷ୍ଟର ଡୋଜ ନେଇଛନ୍ତି । ଏହି ସୂଚନା ସେ ନିଜେ ତାଙ୍କ ଟୁଇଟର ଆକାଉଣ୍ଟ ମାଧ୍ୟମରେ ଜଣାଇଛନ୍ତି । ଟୁଇଟରରେ ସେ ଏକ ଭିଡିଓ ଶେୟାର କରିଛନ୍ତି ଯେଉଁଥିରେ ସେ ବୁଷ୍ଟର ଡୋଜ ଲଗାଉଥିବା ଦେଖାଯାଇଛି । ଭିଡିଓ ଶେୟାର କରି ସେ ଲେଖିଛନ୍ତି ମୁଁ କରୋନା ଭ୍ୟାକ୍ସିନର ବୁଷ୍ଟର ଡୋଜ ନେଇଯାଇଛି । ଆପଣମାନେ ବି ଶୀଘ୍ର ଭ୍ୟାକ୍ସିନ ନେବା ପରେ ବୁଷ୍ଟର ଡୋଜ ନେଇଯାଆନ୍ତୁ । ବୁଷ୍ଟର ଡୋଜ ଆମକୁ କରୋନାଠାରୁ ଦୂରେଇ ରଖିବାରେ ସାହାଯ୍ୟ କରିବ । ଓମିକ୍ରନ ଭାରିଏଣ୍ଟକୁ ନେଇ ସେ କହିଛନ୍ତି ନୂଆ ଭାରିଏଣ୍ଟ ଆସୁ ବା ନ ଆସୁ ଆମକୁ ବୁଷ୍ଟର ଡୋଜ ନେବା ମହତ୍ୱପୂର୍ଣ୍ଣ । ତେଣୁ ଆପଣମାନଙ୍କୁ ଅନୁରୋଧ ଆପଣମାନେ ଶୀଘ୍ର ବୁଷ୍ଟର ଡୋଜ ନେଇଯାଆନ୍ତୁ ।
I’ve just got my booster jab from the brilliant @GSTTnhs team.
When your turn comes, get your booster and ask your friends and family to do the same. Let’s not give the virus a second chance. pic.twitter.com/1rCx4PAzgR
— Boris Johnson (@BorisJohnson) December 2, 2021
