ମୟୁର ପରରେ ଘର ସଜେଇବାକୁ ଅନେକ ପସନ୍ଦ କରନ୍ତି। ତେବେ ଏହା କେବଳ ଦେଖିବାକୁ ସୁନ୍ଦର ନୁହେଁ ବାସ୍ତୁ ଅନୁଯାୟୀ ଏଥିରେ ଘର ସଜାଇଲେ ଘରେ ସକାରାତ୍ମକ ପ୍ରଭାବ ପଡ଼ିଥାଏ…
ନକାରାମତ୍କ ଶକ୍ତିରୁ ରକ୍ଷା କରେ :
କାର୍ତ୍ତିକେଶ୍ୱରଙ୍କର ବାହନ ହେଉଛି ମୟୂର । ସେଥିପାଇଁ ମୟୂର ପର ଘରେ ରଖିଲେ ଏହା ଭୟ ଦୂର କରିଥାଏ ଏବଂ ନକାରାମତ୍କ ପ୍ରଭାବରୁ ଘରକୁ ରକ୍ଷା କରିଥାଏ ।
ଧନ ବୃଦ୍ଧି କରେ : ବାଣିଜ୍ୟ ବ୍ୟବସାୟରେ ବାରମ୍ବାର କ୍ଷତି ହେଉଥିଲେ, ବାସ୍ତୁ ଅନୁଯାୟୀ ଟଙ୍କା ରହୁଥିବା ବାକ୍ସ ବା ଘରର ଦକ୍ଷିଣ ଦିଗରେ ସାତଟି ମୟୂର ପର ରଖିଲେ ବ୍ୟବସାୟରେ ଉନ୍ନତି ହୋଇଥାଏ ଓ ଧନ ବୃଦ୍ଧି ହୋଇଥାଏ ।
ପାଠପଢ଼ାରେ ଆଗ୍ରହ ବଢ଼େ : ପିଲାଙ୍କ ପଢା ଟେବୁଲ ବା ପିଲାଙ୍କ ରୁମ୍ରେ ଗୋଟିଏ ବା ଦୁଇଟି ମୟୂର ପର ରଖନ୍ତୁ । ଏହା ଦ୍ୱାରା ପିଲାଙ୍କର ପାଠ ପଢାରେ ଆଗ୍ରହ ବଢିବା ସହ ଅନ୍ୟ କାଯର୍ୟ ଯଥା- ନାଚ, ଗୀତ, ଚିତ୍ରକଳାରେ ମଧ୍ୟ ରୁଚି ବଢିଥାଏ ।
ସରୀସୃପଙ୍କଠାରୁ ରକ୍ଷା କରେ: ଝିଟିପିଟି, ଅସରପା, ସାପ ଆଦି ସରୀସୃପ ପ୍ରାଣୀ ଘର ଭିତରେ ରହି ବା ପଶି ଅପରିଷ୍କାର ଓ ଅସ୍ବାସ୍ଥ୍ୟକର ପରିସ୍ଥିତି ସୃଷ୍ଟି କରନ୍ତି । ତେଣୁ ଶୋଇବା ଘରର କବାଟ ପାଖରେ ୨-୩ଟି ମୟୂର ପର ରଖିଲେ ଏହା ସରୀସୃପଙ୍କୁ ଦୂରେଇ ରଖେ ।
ପରିବାର ଶାନ୍ତି ଆସେ : ପରିବାର ମଧ୍ୟରେ ଶାନ୍ତିରେ ରହିବା ପାଇଁ ସାତଟି ମୟୂର ପରକୁ ବାସଗୃହର ପୂର୍ବ କୋଣରେ ଟଙ୍ଗାଇଲେ ପରିବାର ମଧ୍ୟରେ କଳହ ହ୍ରାସ ପାଏ ।
ସମ୍ପର୍କ ଦୃଢ କରେ : ଶୋଇବା ଘରେ ଖଟ ପାଖ କାନ୍ଥରେ ୨ଟି ମୟୂର ପର ଟଙ୍ଗାଇଲେ ସ୍ବାମୀ-ସ୍ତ୍ରୀ ମଧ୍ୟରେ ଥିବା ସମ୍ପର୍କ ଦୃଢ ହୋଇଥାଏ ।
