ନୂଆଦିଲ୍ଲୀ,୧୪।୩: ବିଜୟ ହଜାରେ ଟ୍ରଫି ଟୁର୍ନାମେଣ୍ଟ ୨୦୨୧ରେ ମୁମ୍ବାଇ ଅଧିନାୟକ ତଥା ଓପନର୍ ବ୍ୟାଟ୍ସମ୍ୟାନ ପୃଥ୍ବୀ ଶ’ଙ୍କ ଦ୍ୱାରା କି ଚମତ୍କାର ପ୍ରଦର୍ଶନ। ଏହି ସିଜିନ୍ରେ ସେ ଅନେକ ରେକର୍ଡ ଅର୍ଜନ କରିଛି ଯାହା ପୂର୍ବରୁ କେହି କରିନାହାଁନ୍ତି। ବିଜୟ ହଜାରେ ଟ୍ରଫି ଟୁର୍ନାମେଣ୍ଟର ଗୋଟିଏ ସିଜନରେ ୮୦୦ କିମ୍ବା ଅଧିକ ରନ ସ୍କୋର କରିଥିବା ପୃଥ୍ବୀ ଶ’ ପ୍ରଥମ ବ୍ୟାଟ୍ସମ୍ୟାନ ହୋଇ ଇତିହାସ ସୃଷ୍ଟି କରିଥିଲେ। ପୃଥ୍ବୀ ଶ’ଙ୍କ ପୂର୍ବରୁ ଏହି ଟୁର୍ନାମେଣ୍ଟର ଗୋଟିଏ ସିଜନରେ କୌଣସି ବ୍ୟାଟ୍ସମ୍ୟାନ ୮୦୦ ରନ ମାର୍କ ଛୁଇଁ ନଥିଲେ। ପୃଥ୍ବୀ ଶ’ ବିଜୟ ହଜାରେ ଟ୍ରଫି ଟୁର୍ନାମେଣ୍ଟ ୨୦୨୧ ସିଜନରେ ମୋଟ ୮ଟି ମ୍ୟାଚ ଖେଳି ୮ ଇନିଂସରେ ୮୨୭ ରନ ସ୍କୋର କରି ତିନିଥର ଅପରାଜିତ ରହିଥିଲେ। ଚଳିତ ସିଜନରେ ତାଙ୍କର ସର୍ବୋତ୍ତମ ଇନିଂସ ଅପରାଜିତ ୨୨୭ ରନ ହୋଇଥିବାବେଳେ ତାଙ୍କର ହାରାହାରି ୧୬୫.୪୦ ଥିଲା। ସେ ଏହି ସିଜିନରେ ୪ ଶତକ ଏବଂ ଗୋଟିଏ ଅର୍ଦ୍ଧ ଶତକ ସହିତ ୧୩୮.୨୯ ର ଷ୍ଟ୍ରାଇକରେ ରନ୍ କରିଥିଲେ।
୮୨୭ ରନ – ପୃଥ୍ବୀ ଶ’- ୨୦୨୧
୭୩୭ ରନ – ଦେବଦତ୍ତ ପାଡିକଲ – ୨୦୨୧
୭୨୩ ରନ -ମୟଙ୍କ ଅଗ୍ରୱାଲ -୨୦୧୮
୬୦୯ରନ – ଦେବଦତ୍ତ ପାଡିକଲ – ୨୦୧୯
୬୦୭ ରନ – ଦୀନେଶ କାର୍ତ୍ତିକ – ୨୦୧୭
