ଜିଦ୍‌ରେ ଅଟଳ ଉଭୟ ନିଯୋଗ

ପୁରୀ ଅଫିସ,୧।୨: ପୌଷ ପୂର୍ଣ୍ଣିମାରେ ଗୁରୁବାର ମହାପ୍ରଭୁଙ୍କ ସୁନାବେଶ ବା ରାଜରାଜେଶ୍ୱର ବେଶ ନୀତି ୫ଘଣ୍ଟା ବିଳମ୍ବ ହୋଇଥିଲା। ଏହାର କାରଣ ଖୋଜିବା ସହ ସମାଧାନ ଲାଗି ରବିବାର ଦ୍ୱିତୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଶନିବାର ପ୍ରଥମ ପର୍ଯ୍ୟାୟରେ ପୁଷ୍ପାଳକ ସେବାୟତଙ୍କ ସହ ବୈଠକ ସରିଥିବାବେଳେ ରବିବାର ଦ୍ୱିତୀୟ ପର୍ଯ୍ୟାୟରେ ଭଣ୍ଡାର ମେକାପ ନିଯୋଗ ସହ ଆଲୋଚନା ହୋଇଛି। ସେବାୟତମାନଙ୍କ ସହ ଜିଲାପାଳ ସମର୍ଥ ବର୍ମା ଏବଂ ଶ୍ରୀମନ୍ଦିର ନୀତି ପ୍ରଶାସକ ଜିତେନ୍ଦ୍ର କୁମାର ସାହୁ ଆଲୋଚନା କରିଛନ୍ତି। ତେବେ ଦୁଇ ନିଯୋଗ ନିଜ ନିଜ ଜିଦ୍‌ରେ ଅଟଳ ରହିବାରୁ ସମାଧାନର ବାଟ ବାହାରି ପାରିନାହିଁ। ବୈଠକ ପରେ ଭଣ୍ଡାର ମେକାପ ନାରାୟଣ ମେକାପ ଗଣମାଧ୍ୟମକୁ କହିଛନ୍ତି, ଶ୍ରୀମନ୍ଦିର ସ୍ବତ୍ୱଲିପି ଅନୁଯାୟୀ ୩ଜଣ ପାଳିଆ ପୁଷ୍ପାଳକଙ୍କୁ ହିଁ ଅଳଙ୍କାର ପ୍ରଦାନ କରାଯାଇଥାଏ। କେବଳ ଯଜମାନ ବେଶ ଦିନ ୫ ଜଣ ପାଳିଆ ପୁଷ୍ପାଳକ ରତ୍ନବେଦିରେ ଶ୍ରୀଜୀଉଙ୍କ ସେବା କରିବେ। ମାତ୍ର ଅନ୍ୟ ଦିନରେ କେବଳ ୩ ଜଣଙ୍କୁ ହିଁ ଅନୁମତି ରହିଛି। ଏଣୁ ସ୍ବତ୍ୱଲିପି ଆଧାରରେ ଆମେ ନିର୍ଦ୍ଧାରିତ ପାଳିଆଙ୍କୁ ଅଳଙ୍କାର ପ୍ରଦାନ କରିବୁ। ଗତ ଗୁରୁବାର ପୌଷ ପୂର୍ଣ୍ଣିମାରେ ଅନୁଷ୍ଠିତ ସୁନାବେଶ ଦୈନିକ ଦିନର ସେବା ହୋଇଥିବାରୁ ଆମେ ୩ରୁ ଊର୍ଦ୍ଧ୍ୱ ପାଳିଆ ପୁଷ୍ପାଳକଙ୍କୁ ଅଳଙ୍କାର ଦେଇ ନ ଥିଲୁ। ଏହା ପ୍ରଶାସନକୁ ସ୍ପଷ୍ଟ ଭାବେ ଜଣାଇଛୁ।
ଇତିମଧ୍ୟରେ ଦୁଇ ନିଯୋଗର ସେବାୟତଙ୍କ ସହ ପ୍ରଶାସନର ପୃଥକ ପୃଥକ ଆଲୋଚନା ସରିଥିଲେ ମଧ୍ୟ କୌଣସି ନିଷ୍କର୍ଷ ବାହାରିପାରି ନାହିଁ। ପୁଷ୍ପାଳକ ସେବାୟତଙ୍କ କହିବା ଅନୁଯାୟୀ, ସେମାନେ ଗୋଷ୍ଠୀ ସେବା କରିବେ। ଶ୍ରୀଜୀଉଙ୍କ ଅଳଙ୍କାରର ଓଜନ ଅଧିକ ହୋଇଥିବାରୁ ୨୫ ଫୁଟ ଉପରକୁ ଏହାକୁ ଉଠାଇବା ସହଜ ହେଉନାହିଁ। ତେଣୁ ଗୋଷ୍ଠୀ ସେବା ଏକାନ୍ତ ଆବଶ୍ୟକ। ଅନ୍ୟପକ୍ଷରେ ମେକାପ ନିଯୋଗ କହିଛି, କେବଳ ଯଜମାନ ସେବାରେ ହିଁ ୫ ଜଣ ପାଳିଆଙ୍କୁ ଅଳଙ୍କାର ହସ୍ତାନ୍ତର କରିବୁ। ଅନ୍ୟ ଦିନରେ ୩ ପାଳିଆଙ୍କୁ ଅଳଙ୍କାର ଦେବୁ। ତେବେ ଜିଲାପାଳ ସମର୍ଥ ବର୍ମା ଏହି ପ୍ରସଙ୍ଗରେ ମତ ରଖି କହିଛନ୍ତି, ଉଭୟ ପକ୍ଷର ଯୁକ୍ତି ଶୁଣି ସାରିବା ପରେ ଆମେ ସମାଧାନର ରାସ୍ତା ଖୋଜୁଛୁ। କିଭଳି ଭାବେ ଏକ ମଝିରାସ୍ତା ଖୋଜାଯାଇ ସମସ୍ୟାର ସମାଧାନ କରାଯିବ ସେନେଇ ଆଲୋଚନା ଚାଲିଛି ବୋଲି ଜିଲାପାଳ ପ୍ରକାଶ କରିଛନ୍ତି। ତେବେ ଏଠାରେ ପ୍ରଶ୍ନ ଉଠୁଛି ଯେ, ଉଭୟ ଗୋଷ୍ଠୀ ନିଜ ନିଜ ଜିଦ୍‌ରେ ଅଟଳ ରହିଥିବା ବେଳେ ପ୍ରଶାସନ ସମାଧାନର ରାସ୍ତା କିପରି ପାଇବ। ସ୍ବତ୍ୱଲିପି ଆଧାରରେ ନିଷ୍ପତ୍ତି ହେବ ନା ପ୍ରଶାସନ ସ୍ବତ୍ୱଲିପିରେ ପରିବର୍ତ୍ତନ କରି ସମସ୍ୟାର ସମାଧାନ ରାସ୍ତା ବାଛିବ। ତେବେ ସମାଧାନ ଯାହା ହେଉନା କାହିଁକି ଗୋଟିଏ କଥା ସ୍ପଷ୍ଟ ଯେ, ଶ୍ରୀମନ୍ଦିର ସ୍ବତ୍ୱଲିପି ଅନୁଯାୟୀ ପୌଷପୂର୍ଣ୍ଣିମାରେ ସୁନାବେଶ ପାଇଁ ୩ଜଣ ପୁଷ୍ପାଳକ ସେବାୟତଙ୍କୁ ଅନୁମତି ଥିଲା। ସେଥିପାଇଁ ଭଣ୍ଡାର ମେକାପଙ୍କ ଅଭିଯୋଗ ପରେ ଶ୍ରୀମନ୍ଦିର ପ୍ରଶାସନ ତୁରନ୍ତ ବେଶ ପାଇଁ କେବଳ ଅନୁମୋଦିତ ୩ ପାଳିଆଙ୍କୁ ସେବା କରିବା ଲାଗି କହିଥିଲା। ଉଲ୍ଲେଖଯୋଗ୍ୟ, ସେବାୟତଙ୍କ ମଧ୍ୟରେ ବିବାଦ ଯୋଗୁ ବହୁ ଶ୍ରଦ୍ଧାଳୁ ମହାପ୍ରଭୁଙ୍କ ସୁନାବେଶ ଦର୍ଶନ ଓ ମହାପ୍ରସାଦ ସେବନରୁ ବଞ୍ଚିତ ହୋଇଥିଲେ। ଫଳରେ ସେମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲା।


Enter your email to get our daily news in your inbox.

All Right Reserved By Dharitri.Com

ବୁଲା ଗୋରୁ, କୁକୁରଙ୍କ ଖାଦ୍ୟ ପାଇଁ ୬୦ ଲକ୍ଷ ଟଙ୍କା ସହାୟତା

ଭୁବନେଶ୍ୱର,୯।୫(ବ୍ୟୁରୋ): କରୋନା ମହାମାରୀ ନିୟନ୍ତ୍ରଣ ପାଇଁ ବର୍ତ୍ତମାନ ସାରା ରାଜ୍ୟରେ ଲକ୍‌ଡାଉନ୍‌ ଜାରି ରହିଛି। ଏହି ପରିପ୍ରେକ୍ଷୀରେ ବୁଲା ଗୋରୁଗାଈ ଏବଂ ଅନ୍ୟ ପ୍ରାଣୀମାନେ ଖାଦ୍ୟ...

୩ଦିନିଆ ଟ୍ରାଞ୍ଜିଟ୍‌ ରିମାଣ୍ଡରେ ସୁରେନ୍ଦ୍ର

ଭୁବନେଶ୍ୱର(ବ୍ୟୁରୋ)/ଢେଙ୍କାନାଳ ଅଫିସ୍‌, ୧୮।୧୧: ମୋବାଇଲରୁ ମୋବାଇଲ୍‌କୁ ଘୂରି ବୁଲୁଥିଲା କଅଁଳ ଶିଶୁଙ୍କ ନଗ୍ନ ଭିଡିଓ। ଏଭଳି ଅଶ୍ଳୀଳତାରେ ଭରା ଫଟୋ ଏବଂ ଭିଡିଓ ସାଜିଥିଲା ରୋଜଗାରର...

ଗିରଫ ହେଲେ ଅମାପ ସମ୍ପତ୍ତିର ଅଧିକାରୀ ଜଳେଶ୍ୱର ବିଡିଓ

ଭୁବନେଶ୍ୱର,୧୯।୬(ବ୍ୟୁରୋ): ଜଳେଶ୍ୱରର ଅମାପ ସମ୍ପତ୍ତିର ଅଧିକାରୀ ବିଡିଓ ଅଶ୍ୱିନୀ ଦାସ ଗିରଫ ହୋଇଛନ୍ତିି। ତାଙ୍କ ଠାରୁ ଏଯାବତ୍‌ ମୋଟ ୫ କୋଟି ୭ ଲକ୍ଷ ଟଙ୍କାର...

ତୋଟାକୁ ଆମ୍ବ ପାଇଁ ଯାଇଥିବା ବେଳେ ଦଳିଦେଲା ଦନ୍ତା

ଲୋଇସିଂହା,୨୧।୪(ଡି.ଏନ୍‌.ଏ.): ବଲାଙ୍ଗୀର ଜିଲା ଲୋଇସିଂହା ରେଞ୍ଜ ଅନ୍ତର୍ଗତ ଦରଲ୍ଲୀପାଲି ଗାଁରେ ଦନ୍ତାହାତୀ ଆକ୍ରମଣରେ ଜଣଙ୍କ ମୃତ୍ୟୁ ଘଟିଛି। ମୃତକ ହେଲେ ବିରଞ୍ଚି ସାହୁ। ସୂଚନାଯୋଗ୍ୟ, ଆଗଲପୁର...

ନନ୍ଦନକାନନ ଗଲା ବଜ୍ରକାପ୍ତା

ବାରିପଦା ଅଫିସ, ୮ା୧୧- ମୟୂରଭଞ୍ଜ ଜିଲା ବାରିପଦା ସହର ଉପକଣ୍ଠସ୍ଥିତ ଆସନଯୋଡ଼ା ନିକଟସ୍ଥ ଏକ ଢାବାରୁ ଗତ ସେପ୍ଟେମ୍ବର ୨୯ରେ ବନ ବିଭାଗ ପକ୍ଷରୁ ଜବତ...

ବିଦ୍ୟାଳୟ ଗୃହ ନିର୍ମାଣ ବନ୍ଦ ନିର୍ଦ୍ଦେଶ

ବଇଣ୍ଡା,୧୨।୧(ଡି.ଏନ.ଏ.) – କିଶୋରନଗର ବ୍ଲକ ବଇଣ୍ଡା ରାମଦେଓ ଉଚ୍ଚ ବିଦ୍ୟାଳୟ ଠାରେ ନିର୍ମାଣାଧୀନ ୯ଟି ନୂତନ ଶ୍ରେଣୀଗୃହ କାର୍ଯ୍ୟ ନିମ୍ନମାନର ହେଉଥିବା ସୋମବାର ଅନୁଗୋଳ ଜିଲାପାଳଙ୍କ...

ଫେରାର ରାଜାଙ୍କୁ ଧରିଲା ଏସ୍‌ଟିଏଫ୍‌

ଭୁବନେଶ୍ୱର,୨୩।୨(ବ୍ୟୁରୋ): ନୟାଗଡ଼ ଜିଲା ଟାଉନ୍‌ ଥାନା ଅନ୍ତର୍ଗତ ଉଦୟପଥ ଲେନ୍‌ର ଏକ ଭଡ଼ାଘରୁ ୩ କୋଟିରୁ ଊର୍ଦ୍ଧ୍ୱ ଟଙ୍କାର ବ୍ରାଉନସୁଗାର ଜବତ ମାମଲାରେ ଫେରାର ଥିବା...

ପୋଖରୀ ବିଷାକ୍ତ କରୁଛି ଠିକାସଂସ୍ଥା

ବଇଣ୍ଡା,୨୨।୩(ଡି.ଏନ.ଏ.) – କିଶୋରନଗର ବ୍ଲକ ବଇଣ୍ଡା ଚନ୍ଦନ ପୋଖରୀର କିଛି ଅଂଶ ପୋତିବା ପାଇଁ ଏକ ଠିକାସଂସ୍ଥା ବିଷାକ୍ତ ସାମଗ୍ରୀ ମିଶା ମାଟି ମୋରମ ଆଦି...

Advertisement
Archives

Model This Week