ଥିରୁଭାନନ୍ତପୁରମ୍,୧୨।୭: କେରଳର କନ୍ନୁର ଜିଲାର ପାୟାନ୍ନୁରରେ ଥିବା ଆରଏସଏସ କାର୍ଯ୍ୟାଳୟରେ ଉପରେ ବୋମା ମାଡ଼ କରାଯାଇଛି। ମଙ୍ଗଳବାର ସକାଳେ ଏହି ଘଟଣା ଘଟିଥିବା ପାୟାନ୍ନୁର ପୋଲିସ ପକ୍ଷରୁ ସୂଚନା ଦିଆଯାଇଛି। ବୋମା ମାଡ଼ରେ ବିଲ୍ଡିଂର ଝରକା କାଚ ଭାଙ୍ଗି ଯାଇଛି। କିଏ ଏହି ଆକ୍ରମଣ କରିଛି ସେନେଇ କୌଣସି ସୂଚନା ପ୍ରକାଶ କରାଯାଇ ନାହିଁ। ପୋଲିସ ସବୁ ସ୍ତରରୁ ତଦନ୍ତ କରୁଛି।
ଏହି ଘଟଣାକୁ ନିନ୍ଦା କରିଛନ୍ତି ଭାଜପା ନେତା ଟମ ଭାଡକ୍କାନ। ଏହା ଆଶ୍ଚର୍ଯ୍ୟଜନକ ଏବଂ ଦୁର୍ଭାଗ୍ୟଜନକ ଘଟଣା। ନାଗରିକ ସମାଜରେ ଏହା ଗ୍ରହଣୀୟ ନୁହେଁ। ଅତୀତରେ ଆରଏସଏସ କର୍ମଚାରୀଙ୍କୁ ମଧ୍ୟ ଆକ୍ରମଣ କରାଯାଇଛି। ଏହି ପ୍ରକାର ଆଇନ ଶୃଙ୍ଖଳା ପରିସ୍ଥିତିକୁ ଶୀଘ୍ର ମୁକାବିଲା କରିବାକୁ ପଡିବ। ଏଥିପାଇଁ ପୋଲିସ ଏବଂ ରାଜ୍ୟ ପ୍ରଶାସନ ଉତ୍ତରଦାୟୀ ରହିବେ ବୋଲି ସେ କହିଛନ୍ତି।
