ବଲାଙ୍ଗୀର,୩୦।୪(ସୁନିଲ କୁମାର ମହାନ୍ତି): ବଲାଙ୍ଗୀର ଜିଲା ମୁରିବାହାଲ ରେଞ୍ଜ ଚାନୁଟମାଲ ଗାଁର ଏକ କାଜୁ ବଗିଚାରେ ଗୋଟିଏ ଦନ୍ତାହାତୀର ମୃତଦେହ ପଡିଥିବାର ଦେଖିବାକୁ ମିଳିଛି। ବନ ବିଭାଗ ହାତୀ ମୃତ୍ୟୁ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଗୁରୁବାର ସକାଳୁ ହାତୀ ମୃତଦେହ ପଡିଥିବା ଦେଖି କାଜୁ ବଗିଚା ଜମି ମାଲିକ ବନ ବିଭାଗକୁ ଖବର ଦେଇଥିଲେ। ଖବର ପାଇ ବନ ବିଭାଗ କର୍ମଚାରୀ ଘଟଣସ୍ଥଳରେରେ ପହଞ୍ଚିଥିଲେ l
ବର୍ଷେ ଦେଢ଼ବର୍ଷ ହେବ ଏହି ଅଞ୍ଚଳରେ ହାତୀ ପଲ ଚଳପ୍ରଚଳ କରୁଥିଲେ ଓ ଅନେକ ଲୋକଙ୍କ ଚାଷ ନଷ୍ଟ କରି ବ୍ୟାପକ କ୍ଷତି କରୁଥିବା ଗ୍ରାମବାସୀମାନେ କହିଛନ୍ତି। ବାରମ୍ବାର ଏହି ଅଞ୍ଚଳରେ ହାତୀ ପଲ ଉତ୍ପାତ କରୁଥଲେ ମଧ୍ୟ ବନ ବିଭାଗ ପକ୍ଷରୁ ଏହି ଅଞ୍ଚଳରୁ ହାତୀକୁ ଘଉଡାଇବା ବିଫଳ ହେଉଥିବା ଲୋକେ କହିଛନ୍ତି l ଏହି ଅଞ୍ଚଳରେ କିଛି ମାସ ପୂର୍ବରୁ ଏକ ଦନ୍ତା ହାତୀର ମୃତ୍ୟୁ ହେଇଥିଲା। ଏବେ ପୁଣି ଏକ ୧୦ରୁ ୧୨ବର୍ଷ ଦନ୍ତା ହାତୀର ମୃତ୍ୟୁ ହୋଇଛି l ବଲାଙ୍ଗୀର ବନଖଣ୍ଡ ଅଧିକାରୀ ଏସିଏଫ ମୁରାରୀ ପଣ୍ଡା ଓ ଡିଏଫଓ ଅଜିତ୍ ବିଶି ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି l ହାତୀର ମୃତ୍ୟୁ କାରଣ ସ୍ପଷ୍ଟ ହୋଇ ନ ଥିବା ବେଳେ ବିଦ୍ୟତ୍ ସଂସ୍ପର୍ଶରେ ଆସି ହାତୀର ମୃତ୍ୟୁ ହୋଇଥିବା ସନ୍ଦେହ କରାଯାଉଛି l ଅନ୍ୟ ପଟେ ଜଏଣ୍ଟ ଟ୍ୟାକ୍ସ ଫୋର୍ସ (JTF) ଟିମ ଆସି ପହଞ୍ଚିଲା ପରେ ହାତୀର ପୋଷ୍ମର୍ଟମ କରାଯିବ ବୋଲି କୁହାଯାଇଅଛି l ରିପୋର୍ଟ ଆସିବା ପରେ ହାତୀର ମୃତ୍ୟୁ ରହସ୍ୟ ଜଣାପଡ଼ିବ ବୋଲି ବନ ବିଭାଗ ପକ୍ଷରୁ କୁହାଯାଇଛି l
Dharitri – Odisha’s No.1 Odia Daily
