ଦାରିଙ୍ଗବାଡ଼ି,୧୩ା୮ (ଅରୁଣ ସାହୁ): ଦାରିଙ୍ଗବାଡ଼ି ସ୍ବାଧୀନତା ଦିବସ ପାଳନ ପାଇଁ ଜୋରଦାର ପ୍ରସ୍ତୁତି ଚାଲିଛି। ଏଥିପାଇଁ ସାମୂହିକ ପ୍ୟାରେଡ ସମେତ ବିଭିନ୍ନ ବିଦ୍ୟାଳୟ, ଉଚ୍ଚ ବିଦ୍ୟାଳୟ, ଉଚ୍ଚ ମାଧ୍ୟମିକ ବିଦ୍ୟାଳୟ ଏବଂ ମହାବିଦ୍ୟାଳୟର ଛାତ୍ରୀଛାତ୍ରଙ୍କୁ ନେଇ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହେଉଛି। ତେବେ ଏହି ପ୍ରତିଯୋଗିତାରେ ଯେଉଁମାନେ ପରିଚାଳନା ଦାୟିତ୍ୱରେ ରହିଛନ୍ତି ସେମାନଙ୍କ ତ୍ରୁଟି ପୂର୍ଣ୍ଣ ନିଷ୍ପତ୍ତି ହେଉ କିମ୍ବା ଚଞ୍ଚକତା ଏଥିରେ କୃତି ଛାତ୍ରୀଛାତ୍ର ମାନେ ନିରାଶ ହେଉଛନ୍ତି। ଚୟନରେ ଚଞ୍ଚକତା କରାଯାଇ କୃତି ଛାତ୍ରୀଛାତ୍ରଙ୍କୁ ଚୟନ ବଦଳରେ ଅନ୍ୟଙ୍କୁ କୃତିତ୍ୱ ଘୋଷଣା କରିବା ପାଇଁ ବିଭିନ୍ନ ଚଞ୍ଚକତା ଉପାୟ କରାଯାଉଥିବା ଦାରିଙ୍ଗବାଡିର ଓଡ଼ିଶା ଷ୍ଟେଟ ବ୍ରିଗେଡ ସ୍କୁଲ ପକ୍ଷରୁ ଜାତୀୟ ଦିବସ ପାଳନ କମିଟିର ସମ୍ପାଦକ ତଥା ବିଡ଼ିଓ ପ୍ରୀତିରଞ୍ଜନ ରଥଙ୍କୁ ଲିଖିତ ଅଭିଯୋଗ କରିଛନ୍ତି। ସେ ଅଭିଯୋଗ କରିଛନ୍ତି ଯେ, ପ୍ରଥମେ କ୍ଲଷ୍ଟରସ୍ତରରେ ଛାତ୍ରୀଛାତ୍ରଙ୍କୁ ପ୍ରତିଯୋଗିତାରେ ଅଂଶ ଗ୍ରହଣ କରିବାକୁ ପଡୁଛି। ସେଠି କୃତିତ୍ୱ ଅର୍ଜନ ପରେ ବ୍ଲକ୍ସ୍ତରରେ ପୁଣି ପ୍ରତିଯୋଗିତା ଜାତୀୟ ଦିବସ ପାଳନ କମିଟି ପକ୍ଷରୁ ପରିଚାଳନା କରାଯାଉଛି। କିନ୍ତୁ ଯେଉଁମାନେ କ୍ଲଷ୍ଟରସ୍ତରରେ ଅଂଶ ଗ୍ରହଣ କରିନାହାନ୍ତି। ସେଭଳି କିଛି ଛାତ୍ରୀଛାତ୍ରଙ୍କୁ ଜାତୀୟ ଦିବସ ପାଳନ କମିଟିର ପରିଚାଳନା କମିଟି ସିଧା ବ୍ଲକ୍ସ୍ତରୀୟ ପ୍ରତିଯୋଗିତାରେ ସୁଯୋଗ ଦେଇଥିବା ଅଭିଯୋଗ ହୋଇଛି। ଏଭଳି ଏକାଧିକ ଅଭିଯୋଗ ବିଗତ ବର୍ଷ ଗୁଡିକରେ ମଧ୍ୟ ଚଞ୍ଚକତା କରାଯାଇଥିବା ଅଭିଯୋଗ ହୋଇଥିଲେ ମଧ୍ୟ ପ୍ରକୃତ କୃତି ଛାତ୍ରୀଛାତ୍ରଙ୍କୁ ବ୍ଲକ୍ସ୍ତରୀୟ ପ୍ରତିଯୋଗିତାରେ ଚଞ୍ଚକତା ଓ ପରିଚୟ ଚିହ୍ନାମୁହଁକୁ ଏଥିରେ କୃତିତ୍ୱ କରାଯାଇ ସ୍ବାଧୀନତା ଦିବସରେ ପୁରସ୍କାର ଓ ମାନପତ୍ର ଦିଆଯିବା ବ୍ୟବସ୍ଥାକୁ ବ୍ରିଗେଡ ସ୍କୁଲ ପକ୍ଷରୁ ଅଭିଯୋଗ ହୋଇଛି। ଏହି ଅଭିଯୋଗ ପାଇବା ପରେ ପ୍ରଶାସନ ତଦନ୍ତ ନିର୍ଦ୍ଦେଶ ଦେଇଥିବା ଜଣାପଡିଛି।
