ଦାରିଙ୍ଗବାଡ଼ି,୨୬ା୧୨(ଅରୁଣ ସାହୁ): ଜି. ଉଦୟଗିରି ନିର୍ବାଚନ ମଣ୍ଡଳୀ ପକ୍ଷରୁ ଗୁରୁବାର ବିଜେଡିର ୨୮ତମ ପ୍ରତିଷ୍ଠା ଦିବସ ପାଳନ କରାଯାଇଛି। ଏହି ଅବସରରେ ୧୦ ନଂ ଜୋନ୍ର ଜିଲାପରିଷଦ ସଦସ୍ୟ ରଞ୍ଜନ କୁମାର ପ୍ରଧାନ ଅତିଥି ପରିଚୟ ପ୍ରଦାନ ଓ ସ୍ବାଗତ ଭାଷଣ ଦେଇଥିଲେ ପରେ ଦଳର ଦାରିଙ୍ଗବାଡ଼ି ବ୍ଲକ କାର୍ଯ୍ୟକାରୀ ସଭାପତି ଦିଲୀପ କୁମାର ପ୍ରଧାନଙ୍କ ମଞ୍ଚ ପରିଚାଳନା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ତଥା ତତ୍କାଳ ଉପବାଚସ୍ପତି ସାଲୁଗା ପ୍ରଧାନ ଯୋଗଦେଇଥିବା ବେଳେ ଅନ୍ୟତମ ମଞ୍ଚାସୀନ ଅତିଥି ଜିଲାପରିଷଦ ଉପାଧ୍ୟାକ୍ଷ ସାଧବାଣୀ ନାୟକ, ରାଇକିଆ ବ୍ଲକ ଅଧ୍ୟକ୍ଷ ପ୍ରୀତମ ପ୍ରଧାନ, ଟିକାବାଲି ବ୍ଲକ ଅଧ୍ୟକ୍ଷ ଦିଲୀପ କହଁର, ଦାରିଙ୍ଗବାଡ଼ି ବ୍ଲକ ଅଧ୍ୟକ୍ଷ ସୁଶାନ୍ତ କୁମାର ପ୍ରଧାନ, ଜି. ଉଦୟଗିରି ଏନ୍ଏସିର ଉପାଧ୍ୟକ୍ଷ ସନ୍ତୋଷ ବାଗ୍, ସଭାପତି ସଞ୍ଜୀବ ପାତ୍ର, ଦାରିଙ୍ଗବାଡ଼ି ବ୍ଲକ ସଭାପତି ଜ୍ୟୋତିରାଜ ପ୍ରଧାନ, ରାଇକିଆ ବ୍ଲକ ସଭାପତି ରାଜମୋହନ ଦିଗାଲ,ଜି. ଉଦୟଗିରିର ଲିଙ୍ଗତାଜ କହଁର, ଜି. ଉଦୟଗିରି ଜିଲାପରିଷଦ ସଦସ୍ୟା ଲିଳିମା ପ୍ରଧାନ, ଛାତ୍ର ସଭାପତି ରୂପକ କୁମାର ସାହୁ,ଦଳର ଜିଲା ସମ୍ପାଦକ ଦୀପକ କୁମାର ସାହୁ, ଯୁବଛାତ୍ର ସମ୍ପାଦକ ବାବୁନି ପଣ୍ଡା ପ୍ରମୁଖ ଯୋଗଦେଇ ଥିଲେ। ଏହି ଅବସରରେ ପ୍ରଥମେ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଫଟୋଚିତ୍ରରେ ପୁଷମାଲ୍ୟ ଓ ପ୍ରଦୀପ ପ୍ରଜ୍ଜ୍ୱଳନ କରି ଭକ୍ତିପୂତ ସମ୍ମାନ ଜଣାଇଥିଲେ। ପରେ ଦଳର ସଂଗଠନ ସମ୍ପର୍କରେ ଆଲୋଚନା କରାଯାଇଥିଲା।
୧୯୯୭ରେ ଏହି ଦିନରେ ଦଳ ଗଠନ ହୋଇଥିବା ବେଳେ ବିଜେଡିର ମୁଖ୍ୟ ରାଜ୍ୟ ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୀର୍ଘ ବର୍ଷ ଧରି ଲୋକଙ୍କ ସେବା କରି ଗରିବ ଲୋକଙ୍କ ପାଇଁ ବିଭିନ୍ନ ଯୋଜନା କରି ସ୍ବାବଲମ୍ବୀ କରିପାରିଛନନ୍ତି। ବିଭିନ୍ନ ଯୋଜନା ଯୋଗୁ ଓଡ଼ିଶାବାସୀଙ୍କୁ ସରକାରଙ୍କ ଯୋଜନା ଯୋଗୁ ଅନେକ ଫାଇଦା ମିଳିଥିଲା କିନ୍ତୁ ଭାଜପା ଲୋକଙ୍କୁ ମିଥ୍ୟା ପ୍ରତିଶ୍ରୁତି ତଥା ଭତ୍ତା ୩ ହଜାର, ବିଦ୍ୟୁତ ୩ ଶହ ୟୁନିଟ୍ ମାଗଣା ଭଳି ଅନେଇ ମିଥ୍ୟା ପ୍ରଚାର କରି ଲୋକଙ୍କୁ ଠକି ଦେଇଛନ୍ତି। ଏହାର ଜବାବ ନିଶ୍ଚିତ ଲୋକ ଦେବେ ବୋଲି କୁହାଯାଇଛି। ତେଣୁ କର୍ମୀମାନେ କେହି ମନ ଦୁଃଖ ନ କରି ଲୋକଙ୍କ ସେବା କରିବା ଓ ଆଗାମୀ ଦିନରେ ପୁଣି ବିଜୟୀ ହୋଇ ରାଜ୍ୟକୁ ଶାସନ କରିବା ଲକ୍ଷରେ କାମ କରିବାକୁ କୁହାଯାଇଥିଲା। ସେହିପରି ଆମ କନ୍ଧମାଳ ଜିଲାରେ ଦଳକୁ ମଜଭୁତ କରିବା ପାଇଁ ଜିଲା ବାହାରୁ ନେତୃତ୍ୱ ଅପେକ୍ଷା ଆମ ଜିଲାର ନେତାଙ୍କୁ ଜିଲାର ନେତୃତ୍ୱ ଦିଆଗଲେ ଦଳ ଆହୁରି ମଜଭୁତ କରିବାକୁ ମତ ପ୍ରକାଶ ପାଇଛି।
