ନୂଆଦିଲ୍ଲୀ,୯ା୩: ଆନ୍ଧ୍ର ପ୍ରଦେଶରେ ପୂର୍ବତନ ମୁଖ୍ୟମନ୍ତ୍ରୀ ଏନ୍. ଚନ୍ଦ୍ରାବାବୁ ନାଇଡୁଙ୍କ ତେଲୁଗୁ ଦେଶମ୍ ପାର୍ଟି (ଟିଡିପି) ଏବଂ ଅଭିନେତାରୁ ରାଜନେତା ସାଜିଥିବା ପବନ କଲ୍ୟାଣଙ୍କ ଜନସେନା ସହ ଭାଜପା ମେଣ୍ଟ କରିବ। ଏନେଇ ଶୁକ୍ରବାର ଆସନ ବୁଝାମଣା ଚୂଡ଼ାନ୍ତ ହୋଇଥିବା ଜଣାପଡ଼ିଛି। ଲୋକ ସଭା ନିର୍ବାଚନ ସହ ହେବାକୁ ଥିବା ଆନ୍ଧ୍ର ବିଧାନସଭା ନିର୍ବାଚନ ପାଇଁ ଏହି ବୁଝାମଣା ହୋଇଥିବା କୁହାଯାଉଛି। ତଦନୁଯାୟୀ ରାଜ୍ୟର ୬ରୁ ୮ ଲୋକ ସଭା ଏବଂ ୧୦ରୁ ୧୨ ବିଧାନସଭା ଆସନରେ ଭାଜପା ଲଢ଼ିବ। ସେହିପରି ଭାଜପା ନେତୃତ୍ୱାଧୀନ ଏନ୍ଡିଏରେ ଥିବା ଜନସେନା ୩ ଲୋକ ସଭା ଓ ୨୪ ବିଧାନସଭା ଆସନରେ ଲଢ଼ିବାକୁ ଥିବାବେଳେ ଅବଶିଷ୍ଟ ଆସନରେ ଟିଡିପି ପ୍ରାର୍ଥୀ ଦେବ। ଶୁକ୍ରବାର ନୂଆଦିଲ୍ଲୀରେ ଭାଜପା ଓ ଟିଡିପି ମଧ୍ୟରେ ଆଲୋଚନାରୁ ଏହା ଜଣାପଡିଛି।
