ବରଗଡ଼ ଅଫିସ,୨୬ା୨: ବରଗଡ଼ ଜିଲା ସୋହେଲା(ଜିଲା ପରିଷଦ ଜୋନ-୩୨) ଏବଂ ଅମ୍ବାଭୋନା(ଜିଲା ପରିଷଦ ଜୋନ-୫)ର ଭୋଟ ଗଣତି ସରିଛି। ଉଭୟ ଜୋନରେ ବିଜେଡି ବାଜିମାତ୍ କରିଛି । ସୋହେଲାରେ ଦଳୀୟ ପ୍ରାର୍ଥିନୀ ଜାଇଫୁଲ ସିଂ ବରିହା ତାଙ୍କ ନିକଟତମ ପ୍ରାର୍ଥିନୀ ଭାଜପାର ଭୂମିସୁତା ସାବତଙ୍କୁ ହରାଇଛନ୍ତି। ଜାଇଫୁଲଙ୍କୁ ୧୯,୯୩୧ ଭୋଟ୍ ମିଳିଥିବାବେଳେ ଭୂମିସୁତାଙ୍କ ସପକ୍ଷରେ ୭୩୯୬ ଭୋଟ୍ ଯାଇଛି। ସେହିପରି ଅମ୍ବାଭୋନାରେ ବିଜେଡି ପ୍ରାର୍ଥିନୀ ନୀଲକୁମାରୀ ନାଏକ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଭାଜପାର ପ୍ରଫୁଲ୍ଲ ପ୍ରଧାନଙ୍କୁ ୬୪୪୬ ଭୋଟରେ ହରାଇଛନ୍ତି। ନୀଲକୁମାରୀଙ୍କୁ ୧୩ ହଜାର ୬୮୭ ଭୋଟ୍ ମିଳିଥିବାବେଳେ ପ୍ରଫୁଲ୍ଲଙ୍କ ସପକ୍ଷରେ ୭୨୪୧ଖଣ୍ଡ ଭୋଟ୍ ଯାଇଛି।
