କେନ୍ଦ୍ରମନ୍ତ୍ରୀଙ୍କୁ ଭୁଲ୍‌ ପ୍ରମାଣ କରିବାକୁ ବିଜେଡି, ଭାଜପାର ଉଦ୍ୟମ

ଭୁବନେଶ୍ବର, ୨୪।୮(ବ୍ୟୁରୋ): କେନ୍ଦ୍ରମନ୍ତ୍ରୀ ରାମଦାସ ଅଠଓ୍ବାଲେଙ୍କ ମନ୍ତବ୍ୟକୁ ନେଇ ଉଭୟ ବିଜେଡି ଏବଂ ଭାଜପାକୁ ବିରୋଧୀ କଡ଼ା ଭାଷାରେ ସମାଲୋଚନା କରିଛନ୍ତି। ଅନ୍ୟପଟେ ଭାଜପା କେନ୍ଦ୍ରମନ୍ତ୍ରୀ ତାଙ୍କ ଦଳର ନୁହନ୍ତି ବୋଲି କହି କଥାର ଗୁରୁତ୍ୱକୁ ହ୍ରାସ କରିବାକୁ ଚେଷ୍ଟା କରୁଛି। ସେହିପରି ବିଜେଡି ମଧ୍ୟ ଏହି କଥାକୁ ଭୁଲ୍‌ ବୋଲି ପ୍ରମାଣ କରିବାକୁ ଚେଷ୍ଟା କରିଛି। କିନ୍ତୁ ଆମ୍‌ ଆଦ୍‌ମୀ ପାର୍ଟି(ଏଏପି), କଂଗ୍ରେସ ସମେତ ଅନ୍ୟ କେତେକ ରାଜନୈତିକ ଦଳ ଅଠଓ୍ବାଲେଙ୍କ ମନ୍ତବ୍ୟକୁ ନେଇ ବିଜେଡି, ଭାଜପା ଉପରେ ବର୍ଷିଛନ୍ତି। ଅଠଓ୍ବାଲେଙ୍କ ମନ୍ତବ୍ୟ କିନ୍ତୁ ଭାଜପାକୁ ଅଧିକ ମାତ୍ରାରେ କ୍ଷତି ପହଞ୍ଚାଇଥିବା ରାଜନୈତିକ ମହଲରେ ଚର୍ଚ୍ଚା ଚାଲିଛି। ବିରୋଧୀ ଦଳ ନେତା ଜୟନାରାୟଣ ମିଶ୍ର ଏହା ଉପରେ ମଙ୍ଗଳବାର ରଖିଥିବା ମନ୍ତବ୍ୟରୁ ଏହା ବାରି ହୋଇପଡୁଥିବା ଆଲୋଚନା ହେଉଛିି। ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏନ୍‌ଡିଏରୁ ଓହରିଯିବା ପରେ କେନ୍ଦ୍ର ନେତାମାନେ ଏବେ ନୂଆ ସମୀକରଣ ଦିଗରେ ଚିନ୍ତା କରୁଥିବା ଚର୍ଚ୍ଚା ବଢ଼ିଲାଣି । ଏନ୍‌ଡିଏ ନେତୃତ୍ୱାଧୀନ ଭାଜପା ସରକାର ନୀତୀଶ ସମର୍ଥନ ହଟାଇଦେବା ପରେ ସେହି ସ୍ଥାନରେ ବିଜେଡିକୁ ବସାଇବା ନେଇ ଚିନ୍ତା କରୁଥିବା କୁହାଯାଉଛି। କାରଣ ଆଗରୁ ଚନ୍ଦ୍ରାବାବୁ ନାଇଡୁଙ୍କ ଟିଡିପି(ତେଲୁଗୁ ଦେଶମ ପାର୍ଟି), ଅକାଳୀ ଦଳ ଏବଂ ଶିବସେନା ଏନ୍‌ଡିଏ ଛାଡ଼ିଥିଲେ। ତେଣୁ ଆଗକୁ ରାଜ୍ୟ ସଭା ଉପାଧ୍ୟକ୍ଷ ପଦରେ ବିଜେଡିର ଜଣେ ନେତାଙ୍କୁ ବସାଇ ନବୀନଙ୍କ ସହ ମେଣ୍ଟ କରିପାରେ ବୋଲି ଭାଜପା ଚିନ୍ତା କରୁଥିବା ବିଭିନ୍ନ ମହଲରେ ଆଲୋଚନା ହେଉଛି। ୨୦୧୯ ନିର୍ବାଚନ ପରଠାରୁ ବିଜେଡି ସବୁ ପ୍ରସଙ୍ଗରେ କେନ୍ଦ୍ରକୁ ସମର୍ଥନ କରିଆସିଥିବା ବେଳେ ନିକଟରେ ରାଷ୍ଟ୍ରପତି ଏବଂ ଉପରାଷ୍ଟ୍ରପତି ନିର୍ବାଚନରେ ଏନ୍‌ଡିଏକୁ ମଧ୍ୟ ବିଜେଡି ସମର୍ଥନ ଦେଇଛି।
ବିଜେଡି ବରିଷ୍ଠର ନେତା ତଥା ବିଧାୟକ ଦେବୀପ୍ରସାଦ ମିଶ୍ର କହିଛନ୍ତି, ବିଜେଡିର ମେଣ୍ଟ ବିକାଶ ଲାଗି ବିସର୍ଜନ ପାଇଁ ନୁହେଁ। ଆଞ୍ଚଳିକ ଦଳ ଭାବେ ବିଜେଡି ଜାତୀୟ ଦଳଗୁଡିକଠାରୁ ଦୂରତା ବଜାୟ ରଖି ଆସିଛି। ଅଠଓ୍ବାଲେ ବେଳେ ବେଳେ ମଜାରେ ଅନେକ କିଛି କଥା କହିଦିଅନ୍ତି। ଏହାକୁ ମଧ୍ୟ କହୁ କହୁ କହି ଦେଇଥିବେ। ସଂଘୀୟ ବ୍ୟବସ୍ଥାରେ ରାଜ୍ୟର ହକ୍‌ ପାଇଁ ଉଚିତ ବିଲ୍‌କୁ ସଂସଦରେ ବିଜେଡି ସମର୍ଥନ କରେ। ଏହାର ଅର୍ଥ ନୁହେଁ ବିଜେଡି ଏନ୍‌ଡିଏର ଅଂଶ। ଦଳର ନେତା ଭାବେ ନବୀନ ପଟ୍ଟନାୟକ ସବୁ ନିଷ୍ପତ୍ତି ନିଅନ୍ତି। ସେ ହିଁ ସବୁକିଛି ନିର୍ଦ୍ଧାରଣ କରିବେ ବୋଲି ଦେବୀ କହିଛନ୍ତି।
କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କହିଛନ୍ତି, ସବୁ ସମୟରେ ଏନ୍‌ଡିଏ ବା ଭାଜପାକୁ ବିଜେଡି ସରକାର ସମର୍ଥନ କରିଚାଲିଛି। କେନ୍ଦ୍ର ଓ ରାଜ୍ୟ ସରକାର ହେଉଛନ୍ତି ଗୋଟିଏ ମୁଦ୍ରାର ଦୁଇଟି ପାର୍ଶ୍ୱ। ଏମାନଙ୍କୁ ସିବିଆଇ ବା ଇଡି ଭୟ ଦେଖାଉ କି ନ ଦେଖାଉ ବିଜେଡିକୁ କହିବା ଆଗରୁ ସେ କେନ୍ଦ୍ରକୁ ସମର୍ଥନ ଦେଇଦେବ ବୋଲି ସାଲୁଜା କହିଛନ୍ତି।
ବିରୋଧୀ ଦଳ ନେତା ଜୟନାରାୟଣ ମିଶ୍ର କହିଛନ୍ତି, ରାମଦାସ ଅଠଓ୍ବାଲେ ଭାଜପାର ନୁହନ୍ତି। ସେ ରିପବ୍ଲିକାନ ପାର୍ଟିର ଲୋକ। ରିପବ୍ଲିକାନ ପାର୍ଟି କ’ଣ କହିଲା ତା’ର ଉତ୍ତର ଭାଜପା ଦେବାକୁ ବାଧ୍ୟ ନୁହେଁ। ନବୀନଙ୍କ ସହ ବୁଝାମଣା କରିବାର ପ୍ରଶ୍ନ ଉଠୁନାହିଁ। ତାଙ୍କୁ କାହିଁକି ଭାଜପା ଗ୍ରହଣ କରିବ। ତାଙ୍କ ସହିତ ଆମର କିଛି ନାହିଁ। ଦଳର ଯିଏ ମୁଖପାତ୍ର କିମ୍ବା ଯେଉଁମାନେ ପାର୍ଟି ଚଳାଉଛନ୍ତି ସେମାନେ କିଛି କହିଛନ୍ତି କି? ଅଠଓ୍ବାଲେଙ୍କ ଟିପ୍ପଣୀ ଉପରେ ମତ ରଖିବାକୁ ଉଚିତ ଭାବୁନାହିଁ। କୌଣସି ବୁଝାମଣା ବିଜେଡି ସହ ହେବାର ନାହିଁ। ଯଦି ହେବାର ଥିଲା ତେବେ ତାଙ୍କୁ ବିରୋଧୀ ଦଳ ନେତା କି ନୂଆ ପ୍ରଭାରୀ ବଛାଯାଇ ନ ଥାଆନ୍ତା। ନିକଟ ଭବିଷ୍ୟତରେ ବହୁ ପରିବର୍ତ୍ତନ ସଙ୍ଗଠନ ଭିତରେ ହେବାକୁ ଯାଉଥିବା ଜୟନାରାୟଣ କହିଛନ୍ତି।
ଆମ୍‌ ଆଦମୀ ପାର୍ଟି ପକ୍ଷରୁ କୁହାଯାଇଛି ଓଡ଼ିଶାରେ ଭାଜପା-ବିଜେଡିର ମିଳିତ ରାଜନୀତିକୁ ଲୋକଙ୍କ ସମ୍ମୁଖରେ ଉନ୍ମୋଚିତ କରୁଛୁ। ମାତ୍ର ବିଜେଡି ରାଜନୀତିରେ ସମଦୂରତ୍ୱ କଥା କହି ଲୋକଙ୍କୁ ଠକି ଚାଲିଛି। ସେହିପରି ଭାଜପା ନେତା ଅମିତ ଶାହା ନବୀନ ସରକାରକୁ ପୋଡ଼ା ଟ୍ରାନ୍ସଫର୍ମର କହି ନିଜକୁ ବିରୋଧୀ ଭାବେ ପରିଚୟ ଦେବାର ଉଦ୍ୟମ କରିଛନ୍ତି। ମାତ୍ର ଏହି ପୋଡ଼ା ଟ୍ରାନ୍ସଫର୍ମର ସେମାନଙ୍କ ପାଇଁ କେତେ ଲୋଡ଼ା ତାହା ଅଠୱାଲେଙ୍କ ବକ୍ତବ୍ୟରୁ ସ୍ପଷ୍ଟ ହୋଇଛି। ବିଜେଡି ଏନ୍‌ଡିଏରେ ନ ଥାଇ ମଧ୍ୟ କେନ୍ଦ୍ର ସରକାରଙ୍କ ସବୁଠୁ ବିଶ୍ୱସ୍ତ ଏବଂ ପାର୍ଲାମେଣ୍ଟରେ ସବୁଠାରୁ ଭରସାଯୋଗ୍ୟ ଦଳ ବୋଲି ଦାବି କରିଛନ୍ତି। ଭାଜପା-ବିଜେଡିର ମିଳିତ ସରକାର ଚାଲିଛି ବୋଲି ଯେଉଁ ଦାବି କରୁଛି ତାହା ପ୍ରମାଣିତ ହେଉଛି ବୋଲି ଏଏପି ପକ୍ଷରୁ କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ତ୍ରିରଙ୍ଗା ପ୍ରତି ଅପମାନ ଦେଖି ତୁରନ୍ତ ସୁରକ୍ଷା ଅଧିକାରୀଙ୍କ ନିକଟକୁ ଗଲେ ମହମ୍ମଦ ସିରାଜ; ୫ମ ଦିନିକିଆ ମ୍ୟାଚର ଭିଡିଓ ହେଉଛି ଭାଇରାଲ

ନୂଆଦିଲ୍ଲୀ,୧୬।୧୧: ନ୍ୟୁଜିଲ୍ୟାଣ୍ଡ ବିପକ୍ଷ ପଞ୍ଚମ ଦିନିକିଆ ମ୍ୟାଚରେ ମହମ୍ମଦ ସିରାଜଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରାଯାଇଥିଲା। ଏହି ମ୍ୟାଚରେ ସେ ଦୁଇଟି ୱିକେଟ ନେଇ ଦଳର ବିଜୟରେ…

ଆଜି ଓଡ଼ିଶା ଆସିବେ ଉପରାଷ୍ଟ୍ରପତି

ଭୁବନେଶ୍ୱର,୧୬।୧୧ (ରବିନାରାୟଣ ଜେନା): ଉପରାଷ୍ଟ୍ରପତି ସି. ପି. ରାଧାକ୍ରିଷ୍ଣନ ସୋମବାର ବିଧାନସଭାରେ ଗୃହର ସଦସ୍ୟମାନଙ୍କ ପାଇଁ ହେବାକୁ ଥିବା ଦିନିକିଆ ଓରିଏଣ୍ଟେଶନ କାର୍ଯ୍ୟକ୍ରମକୁ ଉଦ୍‌ଘାଟନ କରିବେ। ଏଥିପାଇଁ…

ଆସିଆନ (ASEAN) ଶିଖର ସମ୍ମିଳନୀ ପାଇଁ ମନିଲାରେ ଏକତ୍ରିତ ହେବେ ବହୁ ନେତା, ଆଜି ଯାତ୍ରା କରିବେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ/ମନିଲା,୧୬।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତିନି ଦିନିଆ ଗସ୍ତରେ ସୋମବାର (ନଭେମ୍ବର ୧୬) ଫିଲିପାଇନ୍ସର ରାଜଧାନୀ ମନିଲାରେ ପହଞ୍ଚିବେ। ନିଜ ଗସ୍ତ ସମୟରେ ସେ ବାର୍ଷିକ ଭାରତ-ଆସିଆନ…

ଏଇ ଭାରତରେ

ରାଜସ୍ଥାନ ଥର୍‌ ମରୁଭୂମିରେ ଓଟମାନେ ଖାଦ୍ୟ ପାଇଁ ଚାରଣ ଭୂମି ଉପରେ ନିର୍ଭର କରିଥାନ୍ତି। ଏହା ହ୍ରାସ ପାଇଲେ ଓଟ ପାଳନ କରିବା କଷ୍ଟକର ହୋଇଯିବ। ଏଣୁ…

ଶିକୁଳିରେ ଗଣମାଧ୍ୟମ

ଭାରତରେ ମୁକ୍ତ ଏବଂ ଉତ୍ତରଦାୟିତ୍ୱସମ୍ପନ୍ନ ଗଣମାଧ୍ୟମର ଭୂମିକା ଅବସରରେ ପ୍ରତିବର୍ଷ ନଭେମ୍ବର ୧୬ ତାରିଖରେ ଜାତୀୟ ପ୍ରେସ୍‌ ଦିବସ ପାଳନ କରାଯାଏ । ଏହି ଦିନଟି ପ୍ରେସ୍‌…

ଡିଜିଟାଲ ମୃଗତୃଷ୍ଣା ନା ପ୍ରଗତିର ଦ୍ବାର

ଭୁବନେଶ୍ୱର ଜଟଣୀଠାରେ ପ୍ରଧାନମନ୍ତ୍ରୀଙ୍କ ଦ୍ୱାରା ଉଦ୍‌ଘାଟିତ ରିଜର୍ଭ ବ୍ୟାଙ୍କର ୧୬୯ କୋଟି ଟଙ୍କାର ଟାୟାର-୪ ଡାଟା ସେଣ୍ଟର ଓ ସାଇବର ପ୍ରଶିକ୍ଷଣ ଅନୁଷ୍ଠାନ ଏବଂ କଟକ ନରାଜର…

ନ୍ୟୁଜିଲ୍ୟାଣ୍ଡରେ ଶେଷଥର ପାଇଁ ନ ଚାହୁଁଥିବା ରେକର୍ଡ କଲେ ରୋହିତ ଶର୍ମା ହେଉଛି ଚର୍ଚ୍ଚା

ନୂଆଦିଲ୍ଲୀ,୧୬।୧୧: ଭାରତ ପାଞ୍ଚ ମ୍ୟାଚ ବିଶିଷ୍ଟ ଦିନିକିଆ ସିରିଜକୁ ୩-୧ରେ ଜିତି ନେଇଛି। ସମ୍ଭବତଃ ଏହା ଥିଲା ଶେଷ ଥର ପାଇଁ, ଯେତେବେଳେ ରୋହିତ ଶର୍ମା ଏବଂ…

ବାତ୍ୟା ଆନ୍ଧ୍ର ଉପକୂଳ ମୁହାଁ ହେଲେ ବି ଓଡ଼ିଶା ଉପରେ ଦେଖାଇବ ପ୍ରଭାବ, ଆଜି ସନ୍ଧ୍ୟା ସୁଦ୍ଧା…

ଭୁବନେଶ୍ୱର, ୧୬ା୧୧ (ବନ୍ଦନା ସେଠୀ): ପୁଣି ଘାରିଲା ବାତ୍ୟା ଭୟ। ଇତିମଧ୍ୟରେ ଦକ୍ଷିଣ-ପୂର୍ବ ବଙ୍ଗୋପସାଗରରେ ସକ୍ରିୟ ଥିବା ସ୍ପଷ୍ଟ ଚିହ୍ନିତ ଲଘୁଚାପ ଅଧିକ ଘନୀଭୂତ ହୋଇ ରବିବାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?