କମର ଭାଙ୍ଗିଦେଲା କଟକଣା

ଅନୁଗୋଳ ଅଫିସ, ୫।୧୧:  କରୋନା କାରଣରୁ ଚଳିତବର୍ଷ ପୂଜା ଉତ୍ସବ ନିରାଡମ୍ବରରେ ପାଳନ କରାଯାଇଛି। ଫଳରେ ପ୍ରତିବର୍ଷ ଏହି ସମୟରେ ହେଉଥିବା କୋଟି କୋଟି ଟଙ୍କାର ବ୍ୟବସାୟ ମାଡ଼ ଖାଇଯାଇଛି। ମହାମାରୀକୁ ଦୃଷ୍ଟିରେ ରଖି ସରକାର ପର୍ବ ପାଳନ ନେଇ ସ୍ବତନ୍ତ୍ର ନିୟମାବଳୀ ଜାରି କରୁଥିବାରୁ ଦୀପାବଳିରେ ମଧ୍ୟ ସେପରି କିଛି ଆଶଙ୍କା କରାଯାଉଥିଲା। କିନ୍ତୁ ବାଣ ବ୍ୟବସାୟ ଓ ଫୁଟାଇବା ସମ୍ପୂର୍ଣ୍ଣ ନିଷେଧ ଘୋଷଣା ଏହି ସିଜିନ୍‌ ବ୍ୟବସାୟୀଙ୍କ କମର ଏକପ୍ରକାର ଭାଙ୍ଗିଦେଇଛି। ସରକାର ଏହି କଟକଣା ଲଗାଇବାର ବହୁ ପୂର୍ବର ଅନେକ ବ୍ୟବସାୟୀ ବାଣ କିଣିସାରିଥିବା ବେଳେ ଆହୁରି କେତେଜଣ ଏଥିପାଇଁ ମହାଜନଙ୍କୁ ବଇନା ମଧ୍ୟ ଦେଇସାରିଛନ୍ତି। ତେଣୁ ସମ୍ପୃକ୍ତ ବ୍ୟବସାୟୀମାନେ ଅର୍ଥ କିପରି ଫେରିପାଇବେ ତାହାକୁ ନେଇ ଚିନ୍ତାରେ ପଡ଼ିଥିବାରୁ ସରକାର କ୍ଷତିପୂରଣ ଦିଅନ୍ତୁ ବୋଲି ଦାବି ହେଉଛି।
ପ୍ରତିବର୍ଷ ଦୀପାବଳିରେ ଅନୁଗୋଳ ସହରରେ ପ୍ରାୟ କୋଟିଏ ଟଙ୍କାର ବାଣ ବ୍ୟବସାୟ ହୋଇଥାଏ। ମାତ୍ର ୩ରୁ ୪ ଦିନ ପାଇଁ ଷ୍ଟାଡିୟମରେ ଏହି କିଣାବିକା ହେଉଥିଲେ ବି ଦାମୀ ବାଣ କିଣିବାକୁ ସହରବାସୀଙ୍କ ମଧ୍ୟରେ ପ୍ରତିଯୋଗିତା ଚାଲେ। ଅଧିକ ବିକ୍ରି ହେଉଥିବା ବାଣର ଚାହିଦାକୁ ଦେଖି ବରାଦ ଦିଆଯାଇଥାଏ। ଏଥିସହ ନୂଆ ପ୍ରକାରର ତିଆରି ପାଇଁ ଆଗୁଆ ଟଙ୍କା ଦିଆଯାଇଥାଏ। ଚଳିତବର୍ଷ ଚାଇନାରୁ ଆସିବାର ନ ଥିଲେ ମଧ୍ୟ ଦେଶର ବିଭିନ୍ନ ରାଜ୍ୟରୁ ବାଣ ଆସିବା ଆରମ୍ଭ ହୋଇଥିଲା। ଅନୁଗୋଳର କାରବାର କରୁଥିବା ମହାଜନ ବା ହୋଲସେଲରମାନେ ଏହାକୁ ଆଣି ଅନ୍ୟ ବ୍ୟବସାୟୀମାନଙ୍କୁ ଯୋଗାଇ ଦେଉଥିବା ଦେଖାଯାଇଥିଲା। ଏହି ବେପାରରୁ ସର୍ବାଧିକ ଲାଭ ମିଳୁଥିବାରୁ କିଛି ବ୍ୟକ୍ତି ଲୋକାଲ ତିଆରି ଉପରେ ଗୁରୁତ୍ୱ ଦେଇଥିଲେ। କିନ୍ତୁ ସରକାର କଟକଣା ସମ୍ପର୍କରେ ହଠାତ୍‌ ଘୋଷଣା କରିବା ପରେ ଗୋଦାମ ମାଲିକଙ୍କ ଠାରୁ ଆରମ୍ଭ କରି ଛୋଟ ବ୍ୟବସାୟୀମାନେ ହରଡ଼ଘଣାରେ ପଡ଼ିଛନ୍ତି। ଅନ୍ୟପକ୍ଷରେ ସଚେତନ ସହରବାସୀ ସରକାରଙ୍କ ଏହି ନିଷ୍ପତ୍ତିକୁ ସ୍ବାଗତ କରିଛନ୍ତି।
୬ ମାସ ଖର୍ଚ୍ଚ ଉଠିଯାଏ
ବାଣ ବ୍ୟବସାୟ ପାଇଁ ବର୍ଷକ ପୂର୍ବରୁ ପ୍ରସ୍ତୁତି ହୋଇଥାଏ। ଷ୍ଟାଡିୟମରେ ମାତ୍ର ୩ ଦିନ ବ୍ୟବସାୟରେ ୩ ଲକ୍ଷ ଟଙ୍କାର ବାଣ ବିକ୍ରି ହୋଇଯାଏ। ଏଥିରୁ ମିଳୁଥିବା ଲାଭ ଅର୍ଥରେ ୬ ମାସର ଖର୍ଚ୍ଚ ଉଠିଯାଏ। କିନ୍ତୁ ଚଳିତ ବର୍ଷ ବିକ୍ରି ଓ ଫୁଟାଇବା ଉପରେ କଟକଣା ଲାଗିବା ପରେ ବ୍ୟବସାୟୀଙ୍କ ଚିନ୍ତା ବଢ଼ିଯାଇଛି।
-ରାହୁଲ କୁମାର ଦାସ, ବ୍ୟବସାୟୀ, ଅନୁଗୋଳ

ଘର ଚଳାଇବା ମୁସ୍କିଲ ହୋଇଯିବ
ବିଭିନ୍ନ ସିଜନ ବ୍ୟବସାୟ ଚଳିତବର୍ଷ ମାଡ଼ ଖାଇଯାଇଛି। ଉତ୍ସବବିହୀନ ପୂଜା ପରି ଦୀପାବଳିରେ ବାଣ ବିକ୍ରି ଓ ଫୁଟାଇବା ଉପରେ କଟକଣା ଏହି ବ୍ୟବସାୟୀମାନଙ୍କ କମର ଭାଙ୍ଗି ଦେଇଛି। ତେଣୁ ପରିବାର ଚଳାଇବା କଷ୍ଟକର ହୋଇପଡ଼ିବ। ୨୦ ବର୍ଷ ବ୍ୟବସାୟରେ ଏହା ପ୍ରଥମ ଘଟଣା।
-ପ୍ରଭୁଦତ୍ତ ସାହୁ, ବ୍ୟବସାୟୀ, ଅନୁଗୋଳ

ଲଗାଯାଇଥିବା ଅର୍ଥ କେମିତି ଫେରିବ
ବାଣ ବ୍ୟବସାୟର ନିଶା ଅଲଗା ଓ ଲାଭ ମଧ୍ୟ ନିଆରା। ବେପାର ପରେ ବଳକା ସବୁକୁ ଫୁଟାଇ ମଜା ନିଆଯାଏ। ହେଲେ ଏବର୍ଷର କଟକଣା କଷ୍ଟଦାୟକ। କେତେଜଣ ବ୍ୟବସାୟୀ ବାଣ କିଣି ସାରିଥିବା ବେଳେ ଆଉ କେତେଜଣ ବଇନା ଦେଇଥିବାରୁ କିପରି ଅର୍ଥ ଫେରିପାଇବେ ସେ ନେଇ ଚିନ୍ତିତ ହୋଇପଡ଼ିଛନ୍ତି।
-ଅଭିନାଶ ଜେନା, ବ୍ୟବସାୟୀ , ଅନୁଗୋଳ

ସବୁ ବେପାର ବୁଡ଼ାଇଲା
କରୋନା ଚଳିତବର୍ଷ ସବୁ ବେପାର ବୁଢ଼ାଇଛି। ବାଣ ବ୍ୟବସାୟରୁ ବାହାରୁଥିବା ଲାଭରୁ ଅନ୍ୟ କ୍ଷତି ଭରଣା ହୋଇଥାଏ। ଏଥର କିନ୍ତୁ ଓଲଟା ହୋଇଗଲା। ପାଖାପାଖି ୮ରୁ ୧୦ ଲକ୍ଷ ଟଙ୍କାର ମାଲ୍‌ ଆସିବାର ଥିଲା। ଏ ନେଇ ମହାଜନଙ୍କୁ ଅଗ୍ରିମ ଦିଆଯାଇଥିଲା। କିନ୍ତୁ ସରକାର କଟକଣା ଲଗାଇବା ପରେ ପାଦ ତଳୁ ମାଟି ଖସି ଯାଇଛି।
–ରଶ୍ମିରଞ୍ଜନ ସାମଲ, ବ୍ୟବସାୟୀ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ଆସିଲା ୨୦୩୫ ପର୍ଯ୍ୟନ୍ତ ପ୍ରମୁଖ ଇଭେଣ୍ଟର କାର୍ଯ୍ୟସୂଚୀ: ଜାଣନ୍ତୁ ଭାରତରେ ହେବ କେଉଁ ସବୁ ବଡ଼ ଇଭେଣ୍ଟ

ନୂଆଦିଲ୍ଲୀ,୧୫।୧୧: ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ୨୦୩୫ ପର୍ଯ୍ୟନ୍ତ ଏହାର ପ୍ରମୁଖ ପୁରୁଷ ଇଭେଣ୍ଟ କାର୍ଯ୍ୟସୂଚୀକୁ ମଞ୍ଜୁରୀ ପ୍ରଦାନ କରିଛି। ଏଥିସହିତ ପରବର୍ତ୍ତୀ ୩ ବୃହତ୍‌ ଇଭେଣ୍ଟ ଯଥା…

୧୦ କୋଟି ଟଙ୍କାରୁ ଅଧିକ ମୂଲ୍ୟ ଥିବା ପାଞ୍ଚ ଜଣ ଖେଳାଳିଙ୍କୁ ଦଳରୁ ମୁକ୍ତ କରାଯାଇପାରେ; ଆସନ୍ତାକାଲି ଆସିବ ଆଇପିଏଲ (IPL) ୨୦୨୭ ପାଇଁ ରିଟେନସନ ତାଲିକା

ନୂଆଦିଲ୍ଲୀ,୧୬।୧୧: IPL 2027 ପାଇଁ ସମସ୍ତ ଦଳର ରିଟେନସନ ତାଲିକା ନଭେମ୍ବର ୧୭ରେ ପ୍ରକାଶ ପାଇବ। ହାର୍ଦ୍ଦିକ ପାଣ୍ଡ୍ୟା ଏବଂ ରିଷଭ ପନ୍ତଙ୍କ ପରି ପ୍ରମୁଖ ଖେଳାଳିମାନେ…

ପୂର୍ବତନ ପ୍ରଧାନ ଶିକ୍ଷକଙ୍କୁ ଝୁରୁଛି ଗାଁ ମାଟି: ଶିକ୍ଷକତା ପରେ କାହଁକି ନେଲେ ଏଭଳି ଚରମ ନିଷ୍ପତ୍ତି

ବରୀ, ୧୬।୧୧ (ମହେନ୍ଦ୍ର ସ୍ୱାଇଁ): ବରୀ ଶିକ୍ଷାମଣ୍ଡଳ ଅନ୍ତର୍ଗତ ଅରଙ୍ଗାବାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରଧାନଙ୍କ ମୃତ୍ୟୁ ଘଟିଛି। ପାରିବାରିକ କଳହକୁ…

୧୩ ଛକା, ୮ଚୌକା ଇତିହାସ ରଚିଲେ ରଜତ ପାଟିଦାର, ୧୩୫ ରନ କରି କଲେ ବଡ଼ ରେକର୍ଡ

ନୂଆଦିଲ୍ଲୀ,୧୬।୧୧: ନିଜର ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା ରଜତ ପାଟିଦାର, ଗତ କିଛି ବର୍ଷ ମଧ୍ୟରେ ଆଇପିଏଲ (IPL) ରେ ନିଜକୁ ଅନ୍ୟତମ ବିପଜ୍ଜନକ ମଧ୍ୟକ୍ରମ ବ୍ୟାଟର…

କିୱି ମାଟିରେ ଭାରତର କଡ଼ା ପରୀକ୍ଷା, ୧୫ ମିମି ଘାସ…

ନୂଆଦିଲ୍ଲୀ,୧୬।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ନଭେମ୍ବର ୧୯ ତାରିଖରୁ ୱେଲିଂଟନ୍‌ର ଐତିହାସିକ ବେସିନ୍‌ ରିଜର୍ଭ ଷ୍ଟାଡିୟମ୍‌ରେ ଆରମ୍ଭ ହେବ ପ୍ରଥମ ଟେଷ୍ଟ ମ୍ୟାଚ୍‌ । ଏହି…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

ନିର୍ବାଚନ ମଇଦାନକୁ ଓହ୍ଲାଇବ CJP? ଅଭିଜିତ ଦୀପକେ ଗଠନ କଲେ ଟିମ୍‌

ନୂଆଦିଲ୍ଲୀ,୧୬।୧୧: ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ, ଯେତେବେଳେ ବିଭିନ୍ନ ରାଜନୈତିକ ଦଳ ନିର୍ବାଚନ ପାଇଁ ପ୍ରସ୍ତୁତି ଚଳାଇଛନ୍ତି, ସେହି ସମୟରେ ଅଭିଜିତ ଦୀପକେଙ୍କ ଦ୍ୱାରା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?