ଓଟାୱା,୧୧ ।୩: କରୋନା ମହାମାରୀକୁ ଦୂରେଇ ଦେବାକୁ ଭାରତ ଅନ୍ୟଦେଶକୁ ଯେଉଁଭଳି ଭାବେ ସାହାଯ୍ୟ କରୁଛି ସାରା ବିଶ୍ୱ ଏବେ ଭାରତର ପ୍ରଶଂସା କରୁଛି । ନିକଟରେ କାନାଡାକୁ ବି କରୋନା ଟିକା ଯୋଗାଇ ପ୍ରଶଂସା ସାଉଁଟିଛି ଭାରତ । ପାକିସ୍ତାନକୁ ମଧ୍ୟ ଭାରତ କରୋନା ଟିକା ମାଗଣାରେ ଯୋଗାଇଦେବ ବୋଲି କହିଛି । ତେବେ ସିରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ ଦ୍ୱାରା ପ୍ରସ୍ତୁତ କୋଭାସିଲ୍ଡ ଭ୍ୟାସିନର ୫ଲକ୍ଷ ଡୋଜ୍ ନିକଟରେ କାନାଡାରେ ପହଞ୍ଚିଛି । ଏଥିପାଇଁ କାନାଡା ଭାରତକୁ ଧନ୍ୟବାଦ ଦେଇଛି । ଏହାକୁ ନେଇ ଟରଣ୍ଟୋରେ ବିଲବୋର୍ଡ ଲଗାଇ ସେଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ଲଗାଇବା ସହ ଧନ୍ୟବାଦ ଦିଆଯାଇଛି । ସୂଚନାଯୋଗ୍ୟ, କାନାଡାକୁ ଭାରତ ପକ୍ଷରୁ ପ୍ରାୟ ୨୦ ଲକ୍ଷ ଭ୍ୟାକ୍ସିନ ଦିଆଯିବ ଯାହା ପାଇଁ କାନାଡା ସରକାର ଖୋଲାଖୋଲି ଭାବେ ଭାରତର ପ୍ରଶଂସା କରିଛନ୍ତି ।
