ଖଲ୍ଲିକୋଟ,୧ା୭(ପ୍ରଶାନ୍ତ କୁମାର ମିଶ୍ର): ଖଲ୍ଲିକୋଟ ପୋଲିସ ବାଇକ ଚୋରି ଗ୍ୟାଙ୍ଗର ମୁଖ୍ୟ ଅଭିଯୁକ୍ତ ସମେତ ୪ଜଣଙ୍କୁ ଗିରଫ କରି ମଙ୍ଗଳବାର କୋର୍ଟ ଚାଲାଣ କରିଛି। ଖଲ୍ଲିକୋଟ ଥାନା ଅଞ୍ଚଳରେ ଗତ ୩ ମାସ ମଧ୍ୟରେ ବାଇକଚୋରି ହେଉଥିଲା। ଜୁନ ୧୯ ରେ ସୁରେଶ ଚନ୍ଦ୍ର ରାଉଳଙ୍କ ବାଇକ ଚୋରି ହୋଇଥିଲା। ଏତାଲା ପ୍ରକାରେ ଥାନା କେଶ୍ ନଂ. ୫୧୩/୨୦୨୫ ମାମଲାରେ ଖଲ୍ଲିକୋଟ ଥାନା ଏସଆଇ କେଶବ ଷଡ଼ଙ୍ଗୀଙ୍କ ନେତୃତ୍ୱରେ ଏକ ସ୍ବତନ୍ତ୍ର ଟିମ ଗଠନ ହୋଇ ବିଭିନ୍ନ ସ୍ଥାନରେ ଚଢ଼ାଉ କରି ୧୯ଟି ବାଇକ ଜବତ କରିବା ସହ ମୁଖ୍ୟ ଅଭିଯୁକ୍ତ ପୁରୁଷୋତ୍ତମ ପୁର ଥାନା ଅନ୍ତର୍ଗତ ବାହାଡାପଲ୍ଲୀ ଗ୍ରାମର ଦିଲ୍ଲୀପ ପଲାଇ (୨୭)ଙ୍କୁ ଗିରଫ କରିଥିଲେ। ପରେ ସହଯୋଗି ଆଉ ୩ଜଣ ଗିରଫ ହୋଇଥିଲେ। ଏହି ବାଇକ ଚୋରି ଗ୍ୟାଙ୍ଗ ଖଲ୍ଲିକୋଟ, ବେଗୁନିଆପଡା, କବିସୂର୍ଯ୍ୟନଗର, ଆସିକା, ଶେରଗଡ଼ ଏ ସବୁ ଅଞ୍ଚଳରୁ ଚୋରି କରି କମ ଦାମରେ ବିକ୍ରି କରନ୍ତି। ଏହି ଚୋରି ଗ୍ୟାଙ୍ଗରେ ଆହୁରି କିଛି ସଦସ୍ୟ ଅଛନ୍ତି, ତଦନ୍ତ ଚାଲୁ ରହିଛି। ଆହୁରି କିଛି ବାଇକ ଉଦ୍ଧାର ହେବ ବୋଲି ଗଞ୍ଜାମ ଏସପି ଶୁଭେନ୍ଦୁ ପାତ୍ର ଖଲ୍ଲିକୋଟ ଥାନା ପରିସରରେ ଅନୁଷ୍ଠିତ ଖବରଦାତା ସମ୍ମିଳନୀରେ କହିଛନ୍ତି। ବାଇକ ମାଲିକଙ୍କୁ ଗାଡ଼ିଗୁଡିକ ହସ୍ତାନ୍ତର କରାଯାଇଥିଲା। ଚୋରୀ ବାଇକ ଫେରି ପାଇବା ପରେ ପୋଲିସକୁ ଧନ୍ୟବାଦ ଜଣାଇଛନ୍ତି ବାଇକ ମାଲିକମାନେ।
