କୋଲକାତା,୩।୫: ପଶ୍ଚିମବଙ୍ଗ ବିଧାନସଭା ନିର୍ବାଚନ ମମତା ବାନାର୍ଜୀଙ୍କ ନେତୃତ୍ୱରେ ତୃଣମୂଳ କଂଗ୍ରେସ ଏକ ବଡ଼ ବିଜୟ ହାସଲ କରିଛି। ଟିଏମ୍ସି ଝଡରେ ଭାରତୀୟ ଜନତା ପାର୍ଟିର ଅନେକ ତାରକା ପ୍ରାର୍ଥୀଙ୍କୁ ପରାଜୟର ସାମ୍ନା କରିବାକୁ ପଡିଥିଲା। ଏଥିରେ କେନ୍ଦ୍ର ମନ୍ତ୍ରୀ ବାବୁଲ ସୁପ୍ରିୟୋ, ପୂର୍ବତନ ରାଜ୍ୟ ସଭା ଏମ୍ପିଙ୍କ ସମେତ ଅନେକ ଚଳଚ୍ଚିତ୍ର ତାରକା ମଧ୍ୟ ଅଛନ୍ତି, କ୍ରିକେଟର୍ ମଧ୍ୟ ପରାଜୟର ସାମ୍ନା କରିଛନ୍ତି।
ସବୁଠୁ ବଡ ପରାଜୟ ହେଉଛି ବାବିଲ ସୁପ୍ରିୟୋଙ୍କ ରହିଛି। କୋଲକାତାର ଟଲିଗଞ୍ଜ ଆସନରୁ ଟିଏମସି ପ୍ରାର୍ଥୀ ଅରୁପ ବିଶ୍ୱାସଙ୍କ ବିପକ୍ଷରେ ସୁପ୍ରିୟୋ ୫୦ ହଜାର ଭୋଟରେ ହାରିଛନ୍ତି। ଏଥି ସହିତ ହୁଗୁଳି ଏମ୍ପି ତଥା ପୂର୍ବତନ ଅଭିନେତ୍ରୀ ଲକେଟ ଚାଟାର୍ଜୀଙ୍କୁ ନିଜ ସଂସଦୀୟ ନିର୍ବାଚନମଣ୍ଡଳୀ ଅନ୍ତର୍ଗତ ଚୁଞ୍ଚୁଡା ଆସନରୁ ପରାଜୟର ସମ୍ମୁଖୀନ ହେବାକୁ ପଡିଛି। ଚାଟାର୍ଜୀ ଟିଏମସି ପ୍ରାର୍ଥୀଙ୍କ ଠାରୁ ୧୮ ହଜାରରୁ ଅଧିକ ଭୋଟରେ ପରାସ୍ତ ହୋଇଛନ୍ତି। ହୁଗୁଳିର ତାରକେଶ୍ୱର ଆସନରୁ ପୂର୍ବତନ ରାଜ୍ୟ ସଭା ସାଂସଦ ସ୍ବପ୍ନ ଦାସଗୁପ୍ତା ୭ ହଜାର ଭୋଟରେ ହାରିଯାଇଛନ୍ତି। ଭାଜପା ପକ୍ଷରୁ ଟିକେଟ ଦିଆଯାଇଥିବା ଏମ୍ପିଙ୍କ ମଧ୍ୟରୁ କେବଳ ଜଗନ୍ନାଥ ସରକାର ଶାନ୍ତିପୁର ଆସନରୁ ଜିତିବାରେ ସକ୍ଷମ ହୋଇଛନ୍ତି। କୋଲକାତାର ରସବିହାରୀ ଆସନରେ ଭାଜପା ଟିକେଟରେ ଛିଡା ହୋଇଥିବା ପୂର୍ବତନ ସେନା ଡେପୁଟି ଚିଫ ଲେଫ୍ଟନାଣ୍ଟ ଜେନେରାଲ ସୁବ୍ରତ ସାହା (ଅବସରପ୍ରାପ୍ତ) ମଧ୍ୟ ୨୧ ହଜାରରୁ ଅଧିକ ଭୋଟ ରେ ହାରିଯାଇଛନ୍ତି।
ଏହା ସହିତ ଟିଏମସିର ପାର୍ଥ ଚାଟାର୍ଜୀ ବେହେଲା ପଶ୍ଚିମ ଆସନରେ ଅଭିନେତ୍ରୀ ଶ୍ରବନ୍ତୀ ଚାଟାର୍ଜୀଙ୍କୁ ୪୧,୬୦୮ ଭୋଟରେ ପରାସ୍ତ କରିଛନ୍ତି। ଅଭିନେତ୍ରୀ ପାୟଲ ସରକାର ମଧ୍ୟ ବେହାଲା ପୂର୍ବ ସିଟରେ ରତ୍ନା ଚାଟାର୍ଜୀଙ୍କୁ ହରାଇଥିଲେ। ଅଭିନେତା ରୁଦ୍ରାନିଲ ମଧ୍ୟ ୨୮ ହଜାରରୁ ଅଧିକ ଭୋଟରେ ହରାଇଛନ୍ତି। ଏହା ସହ ବିଧାନସଭା ନିର୍ବାଚନରେ ବିପୁଳ ବିଜୟ ହାସଲ କରିଥିବା ଶାସକ ତୃଣମୂଳ କଂଗ୍ରେସ ସଭାପତି ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ ନନ୍ଦିଗ୍ରାମରୁ ହାରିଯାଇଛନ୍ତି। ଭାଜପାର ଶୁଭେନ୍ଦୁ ଅଧିକାରୀ ନନ୍ଦିଗ୍ରାମ ଆସନରୁ ୧,୯୫୬ ଭୋଟରେ ଜିତିଛନ୍ତି।
