ମନୋରଞ୍ଜନ ଜଗତର ଡ୍ରାମା କୁଇନ୍ ଭାବରେ ଜଣାଶୁଣା ରାଖୀ ସାୱନ୍ତ ବୟଫ୍ରେଣ୍ଡ୍ ଆଦିଲଙ୍କୁ ବିବାହ କରିଥିବା ଚର୍ଚ୍ଚା ହେଉଛି। ଉଭୟଙ୍କ କିଛି ଫଟୋ ଭାଇରାଲ ହେବାରେ ଲାଗିଛି। ଫଟୋରେ ଉଭୟ କୋର୍ଟରେ ବିବାହର ପ୍ରମାଣପତ୍ର ଧରିଥିବାର ନଜର ଆସିଛନ୍ତି।
ରାଖୀ ଏବଂ ଆଦିଲଙ୍କ ସମ୍ପର୍କ ସର୍ବଦା ଚର୍ଚ୍ଚାରେ ରହିଆସିଛି। ସର୍ବସାଧାରଣରେ, ଉଭୟ ଖୋଲାଖୋଲି ଭାବରେ ପରସ୍ପର ପ୍ରତି ପ୍ରେମ ପ୍ରକାଶ କରୁଥିବା ଦେଖାଯାଏ। କିନ୍ତୁ ଲାଗୁଛି ରାଖୀ ତାଙ୍କ ସମ୍ପର୍କକୁ ଏକ ନୂଆ ନାମ ଦେଇଛନ୍ତି। ଦୁହେଁ ଲୁଚିଛପି କୋର୍ଟରେ ବିବାହ କରିଛନ୍ତି। ଏହାର ୨ଟି ଫଟୋ ଭାଇରାଲ ହୋଇଛି। ଗୋଟିଏ ଫଟୋରେ କୋର୍ଟ ବିବାହ ପରେ ଦୁହିଁଙ୍କ ବେକରେ ଫୁଲମାଳ ଦେଖାଯାଉଛି। ରାଖୀ ଏକ ଧଳା ଏବଂ ଗୋଲାପି ରଙ୍ଗର ଶାରରା ପିନ୍ଧିଛନ୍ତି ଏବଂ ଅନ୍ୟପଟେ ଆଦିଲଙ୍କୁ ସିମ୍ପଲ ଲୁକରେ ଦେଖିବାକୁ ମିଳିଛି। ସେ କଳା ସାର୍ଟ ସହିତ ଡେନିମ ଜିନ୍ସ ପିନ୍ଧିଛନ୍ତି। ଦୁହେଁ ନିଜ ବିବାହ ପ୍ରମାଣପତ୍ର ମଧ୍ୟ ରଖିଛନ୍ତି। ଦ୍ୱିତୀୟ ଫଟୋରେ ଉଭୟ ନିଜ ବିବାହ ପ୍ରମାଣପତ୍ରରେ ଦସ୍ତଖତ କରୁଥିବା ଦେଖାଯାଉଛି। ଆଦିଲ ଖାନ ଦୁରାନୀ ରାଖୀ ସାୱନ୍ତଙ୍କଠାରୁ ୬ ବର୍ଷ ସାନ ଏବଂ ସେ ଜଣେ ବ୍ୟବସାୟୀ।
