ନୂଆଦିଲ୍ଲୀ,୧୯।୧୦: ରୋହିତ ଶର୍ମା ବାଂଲାଦେଶ ବିପକ୍ଷରେ ଭଲ ଆରମ୍ଭ କରିଥିଲେ। ତେବେ ଭାରତୀୟ ଅଧିନାୟକ ଅର୍ଦ୍ଧଶତକ ହାସଲ କରିବାରେ ଅସଫଳ ହୋଇଥିଲେ। ରୋହିତ ଶର୍ମା ୪୦ ବଲରେ ୪୮ ରନର ଇନିଂସ ଖେଳିଥିଲେ। ସେ ତାଙ୍କ ଇନିଂସରେ ୭ ଚୌକା ଓ ୨ ଛକା ମାରିଥିଲେ। ଏଥି ସହିତ, ଏହି ବିଶ୍ୱକପରେ ରୋହିତ ଶର୍ମା ପ୍ରଥମ ବ୍ୟାଟ୍ସମ୍ୟାନ ଭାବେ ୨୫୦ରନ କରିଛନ୍ତି। ବର୍ତ୍ତମାନ ପର୍ଯ୍ୟନ୍ତ ରୋହିତ ଶର୍ମାଙ୍କ ବ୍ୟତୀତ ଅନ୍ୟ କୌଣସି ବ୍ୟାଟ୍ସମ୍ୟାନ ଏହି ବିଶ୍ୱକପ୍ରେପରେ ଏହି ସ୍ଥାନ ହାସଲ କରିପାରି ନାହାଁନ୍ତି।
ଏଥି ସହିତ ଏହି ବିଶ୍ୱକପରେ ସର୍ବାଧିକ ରନ ସଂଗ୍ରହ କରିଥିବା ବ୍ୟାଟ୍ସମ୍ୟାନଙ୍କ ତାଲିକାରେ ରୋହିତ ଶର୍ମାଙ୍କ ପରେ ନ୍ୟୁଜିଲ୍ୟାଣ୍ଡର ଓପନର୍ ଡୱେନ କନୱେ ଦ୍ୱିତୀୟ ସ୍ଥାନରେ ରହିଛନ୍ତି। ଡୱେନ କନୱେ ୨୪୯ ରନ ସ୍କୋର କରିଛନ୍ତି। ରୋହିତ ଶର୍ମା ଏବଂ ଡୱେନ କନୱେଙ୍କ ପରେ ପାକିସ୍ତାନର ୱିକେଟ କିପର ବ୍ୟାଟ୍ସମ୍ୟାନ ମହମ୍ମଦ ରିଜୱାନ ତୃତୀୟ ସ୍ଥାନରେ ଅଛନ୍ତି। ବର୍ତ୍ତମାନ ପର୍ଯ୍ୟନ୍ତ ମହମ୍ମଦ ରିଜୱାନଙ୍କ ବ୍ୟାଟରୁ ୨୪୮ ରନ ସ୍କୋର କରାଯାଇଛି। ଏହା ପରେ ଦକ୍ଷିଣ ଆଫ୍ରିକାର ଓପନର୍ କ୍ୱିଣ୍ଟନ ଡି କକ ଅଛନ୍ତି। କ୍ୱିଣ୍ଟନ ଡି କକ ୨୨୯ ରନ କରିଛନ୍ତି। ଏହି ତାଲିକାରେ ନ୍ୟୁଜିଲ୍ୟାଣ୍ଡର ରଚିନ୍ଦ୍ର ରବିନ୍ଦ୍ର ପଞ୍ଚମ ସ୍ଥାନରେ ଅଛନ୍ତି। ଏହି ଯୁବ ବ୍ୟାଟ୍ସମ୍ୟାନ ୨୧୫ ରନ ସ୍କୋର କରିଛନ୍ତି।
