ମୁମ୍ବାଇ,୬ା୨: ଅଭ୍ୟାସ ମ୍ୟାଚରେ ଆଣ୍ଠୁରେ ଆଘାତ ଲାଗିଥିବାରୁ ଭାରତର ଯୁବ ସ୍ପିଡଷ୍ଟର ହର୍ଷିତ ରାଣା ଟି୨୦ ବିଶ୍ୱକପ୍ରୁ ବାଦ୍ ପଡ଼ିପାରନ୍ତି। ହର୍ଷିତଙ୍କ ଉପରେ କିନ୍ତୁ ଦଳର ଫିଜିଓ ନଜର ରଖିଛନ୍ତି। ତାଙ୍କ ଅବସ୍ଥା ଭଲ ନ ଥିବା ଅଧିନାୟକ ସୂର୍ଯ୍ୟକୁମାର ଯାଦବ ଶୁକ୍ରବାର ଏଠାରେ ଏକ ପ୍ରି-ମ୍ୟାଚ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ହର୍ଷିତ ଦକ୍ଷିଣ ଆଫ୍ରିକା ବିପକ୍ଷ ଓ୍ବାର୍ମଅପ୍ ଗେମ୍ରେ ମାତ୍ର ଗୋଟିଏ ଓଭର ବୋଲିଂ କରିପାରିଥିଲେ ଏବଂ ୧୬ ରନ ଦେଇଥିଲେ। ସେ ଆଣ୍ଠୁରେ ଆଘାତପାଇ ପଡ଼ିଆ ବାହାରକୁ ଚାଲି ଆସିଥିଲେ।
୯ଟି ଅନ୍ତର୍ଜାତୀୟ ଦିନିକିଆରେ ୧୦.୬୦ ଇକୋେନୋମି ରେଟ୍ ରଖିଥିବା ହର୍ଷିତଙ୍କର ଯଦିଓ ପ୍ରଥମ ଏକାଦଶରେ ସ୍ଥାନ ପାଇବା ଗ୍ୟାରେଣ୍ଟି ନାହିଁ କେତେକ ନିର୍ଦ୍ଦିଷ୍ଟ କଣ୍ଡିଶନରେ ତାଙ୍କର ଆବଶ୍ୟକତା ପଡ଼ିପାରେ। ସେ ଲୋୟର ଅର୍ଡର ଉପଯୋଗୀ ହିଟର। ରାଣାଙ୍କ ସ୍ଥାନ ପୂରଣ କରିବା ଲାଗି ଦୌଡ଼ରେ ଥିବା ଅଭିଜ୍ଞ ପେସ୍ ବୋଲରଙ୍କ ମଧ୍ୟରେ ଅଛନ୍ତି ପ୍ରସିଦ୍ଧ କ୍ରିଷ୍ଣା ଓ ମହମ୍ମଦ ସିରାଜ।
