ଓ୍ବାଶିଂଟନ୍,୨୭।୯: ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ କୁକୁର ‘କମାଣ୍ଡର’ ଆଉ ଜଣେ ସିକ୍ରେଟ ସର୍ଭିସ କର୍ମଚାରୀଙ୍କୁ କାମୁଡ଼ି ଦେଇଛି। ଚାରି ମାସ ମଧ୍ୟରେ କମାଣ୍ଡର ଆକ୍ରମଣରେ ୧୦ଜଣ ଆହତ ହୋଇଛନ୍ତି। ହ୍ବାଇଟ ହାଉସରେ ସିକ୍ରେଟ ଏଜେଣ୍ଟଙ୍କ ଉପରେ ଏହି ଆକ୍ରମଣ ହୋଇଛି। ଏନେଇ ୟୁଏସର ସୂଚନା ମୁଖ୍ୟ ଆନ୍ଥୋନୀ ଗୁଗଲିମି କହିଛନ୍ତ, ଚିକିତ୍ସକମାନେ କର୍ମଚାରୀଙ୍କୁ ତୁରନ୍ତ ଚିକିତ୍ସା କରିଥିଲେ, ବର୍ତ୍ତମାନ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି। ସିକ୍ରେଟ ସର୍ଭିସ ରାଷ୍ଟ୍ରପତି ଏବଂ ତାଙ୍କ ପରିବାରକୁ ସୁରକ୍ଷା ଯୋଗାଇଥାଏ। ସେମାନେ ହ୍ବାଇଟ ହାଉସରେ ନିୟୋଜିତ ହୋଇଥାନ୍ତି।
ହୋମଲ୍ୟାଣ୍ଡ ସୁରକ୍ଷା ବିଭାଗର ରେକର୍ଡ ଅନୁଯାୟୀ, କମାଣ୍ଡର ଜର୍ମାନ ଶେଫଡ ଏକ ଭଲ ପ୍ରଜାତିର କୁକୁର ଅଟେ। ସେ ଅକ୍ଟୋବର ୨୦୨୨ରୁ ଜାନୁୟାରୀ ମଧ୍ୟରେ ୧୧ଥର ସିକ୍ରେଟ ସର୍ଭିସ କର୍ମଚାରୀଙ୍କୁ ଆକ୍ରମଣ କରିଛି।
କମାଣ୍ଡର ବାଇଡେଙ୍କର ଦ୍ୱିତୀୟ କୁକୁର। ତାଙ୍କର ପ୍ରଥମ କୁକୁର ଜର୍ମାନ ଶେଫଡ୍ ‘ମେଜର’। ଅନେକ ସିକ୍ରେଟ ସର୍ଭିସ କର୍ମଚାରୀ ଓ ହ୍ବାଇଟ ହାଉସର କର୍ମଚାରୀଙ୍କୁ କାମୁଡିବା ଯୋଗୁ ତାକୁ ଡେଲାୱେରକୁ ପଠାଯାଇଥିଲା। ଡିସେମ୍ବର ୨୦୨୧ରେ ବାଇଡେନ ତାଙ୍କ ଭାଇ ଜେମ୍ସଙ୍କ ଠାରୁ ଉପହାର ସ୍ବରୂପ କମାଣ୍ଡରଙ୍କୁ ଗ୍ରହଣ କରିଥିଲେ। ବାଇଡେନଙ୍କ ପାଖରେ ‘ଓ୍ବିଲୋ’ ନାମକ ଏକ ବିଲେଇ ବି ଅଛି।
