କହିବା ଆଗରୁ…

କହିବାର କଳା ତ ପ୍ରାୟ ସମସ୍ତେ ଜାଣନ୍ତି କିନ୍ତୁ ନ କହିବା ବି ଏକ ସୁନ୍ଦର କଳା ଏକଥାକୁ ହୁଏତ କେତେଜଣ ଜାଣନ୍ତି। ଆଉ ଥରେ ଏଇ କଳା ଜାଣିଗଲେ ପରିବାରରେ ସୁଖଶାନ୍ତି ଆସିବା ସହିତ ଢେର୍‌ ମଧୁର ହୋଇଥାଏ ସମ୍ପର୍କ। ପଦିଏ କଥାରେ ଝରିଯାଏ ପ୍ରେମର ମଧୁର ମୂର୍ଚ୍ଛନା ଆଉ ପଦେ କଥାରେ ବି ଭୁଶୁଡି ଯାଏ ସମ୍ପର୍କର ମଜଭୁତ ନିଅଁ। କେଉଁ ସମୟରେ କଥାର ପ୍ରଭାବ କ’ଣ ହୁଏ ସେ ଅନୁଭବ ତ ଅଳ୍ପେ ବହୁତେ ଥାଏ ଗୃହିଣୀଙ୍କର। ତେଣୁ ହଠାତ୍‌ କିଛି କହିବା ଆଗରୁ ଥରେ ଭାବିବା ଉଚିତ…

ପରିବାର ଭିତରେ ସମସ୍ତଙ୍କ ମନ ନେଇ ଚଳିବାକୁ ହେଲେ ପ୍ରଥମେ ନିଜ ଉପରେ ନିୟନ୍ତ୍ରଣ ରଖିବାକୁ ହୁଏ। କେଉଁ ସମୟରେ କଥା କହିଲେ ତା’ର ସକାରାତ୍ମକ ପ୍ରଭାବ ପଡିବ ସେକଥା ବିଚାର କରିବା ଦରକାର। ନଚେତ୍‌ ବିରକ୍ତି ଭାବରେ ପ୍ରତିକ୍ରିୟାରେ ପଦେ କଥା କହିଦେଲେ ନିମିଷକେ ହୁଏତ ସୁନା ସଂସାର ଭାଙ୍ଗି ଯାଇପାରେ। ତେଣୁ ସଙ୍ଗେ ସଙ୍ଗେ ସବୁ କଥା ନ କହି ସମୟକୁ ଅପେକ୍ଷା କରି ନିଜ କଥା ଉପସ୍ଥାପନ କରିବା ଉଚିତ।
ହଠାତ୍‌ ଡରାନ୍ତୁ ନାହିଁ: ପିଲାମାନେ କିଛି ଭୁଲ୍‌ କରିଲେ ସେମାନଙ୍କୁ ସଙ୍ଗେ ସଙ୍ଗେ ଗାଳି ଦିଅନ୍ତୁ ନାହିଁ। ଆପଣଙ୍କ ଦୃଷ୍ଟିରେ ହୁଏତ ସେମାନେ କିଛି ଭୁଲ୍‌ କରିଥାଇ ପାରନ୍ତି କିନ୍ତୁ ସଙ୍ଗେ ସଙ୍ଗେ ପିଲାଙ୍କୁ ଗାଳି କିମ୍ବା ମାଡ ଦେଲେ ସେମାନେ ହୁଏତ ପ୍ରତିକ୍ରିୟାଶୀଳ ହୋଇପାରନ୍ତି। ଫଳରେ ସେମାନଙ୍କ କଅଁଳ ମନକୁ ଢେର୍‌ ଆଘାତ ଲାଗିବ। ହୁଏତ ସବୁଦିନ ପାଇଁ ସେମାନେ ଭୟରେ କିମ୍ବା କ୍ରୋଧରେ ଲୁଚାଇ ଲୁଚାଇ ଭୁଲ କାମ କରିପାରନ୍ତି। ତେଣୁ ପିଲାଙ୍କୁ ସବୁବେଳେ ବୁଝାଇ ଶୁଝାଇ ପ୍ରତି କଥା କୁହନ୍ତୁ। ଏମିତିକି ସେମାନଙ୍କ ଭୁଲ୍‌ କାମକୁ ବି ପ୍ରଥମେ ଭୁଲ୍‌ କୁହନ୍ତୁ ନାହିଁ। ପରେ ସମୟ ଦେଖି ସେମାନଙ୍କୁ ବୁଝାଇବାକୁ ଚେଷ୍ଟା କରନ୍ତୁ।
ଉତ୍ତର ଦେବାକୁ ହେଲେ: ପରିବାରରେ ଥିବା ଗୁରୁଜନମାନେ ଆପଣଙ୍କୁ କିଛି କହିଲେ ତାଙ୍କୁ କିଛି ଉତ୍ତର ଦେବା ପୂର୍ବରୁ ସେ କଥାର କ’ଣ ପ୍ରଭାବ ହେବ ଚିନ୍ତା କରିବା ଉଚିତ। କାହିଁକି ନା ସେମାନଙ୍କ ମନରେ ସାମାନ୍ୟ ଟିକିଏ ବି ଆଘାତ ଲାଗିଲେ ତାହା ପରିବାରରେ ଏକ ବିରାଟ ଝଡ଼ ସୃଷ୍ଟି କରିଥାଏ। ତେଣୁ ଶାଶୁ, ଶ୍ୱଶୁର କିମ୍ବା ଅନ୍ୟ ଗୁରୁଜନଙ୍କୁ କିଛି କହିବା ସମୟରେ ପ୍ରଥମେ ଭାବିବା ଉଚିତ। ହୁଏତ ଅନେକ ସମୟରେ ଠିକ୍‌ କିମ୍ବା ସତ କଥା ବି ସେମାନଙ୍କୁ ଠିକ୍‌ ଲାଗି ନ ଥାଏ। ତେଣୁ ସେଭଳି ସତ ବି କହିବା ଉଚିତ ନୁହେଁ। ଅବଶ୍ୟ ସମୟ ସୁବିଧା ଦେଖି ପର ମୁହୂର୍ତ୍ତରେ କେବେ ସେହି କଥାକୁ କହିଲେ କଥାର ଗୁରୁତ୍ୱ ରହିଥାଏ। ତା’ ଛଡ଼ା ସେମିତି କିଛି କଥା ପରେ କହିବା ଫଳରେ ପରିବାରରେ ବୋହୂ ପ୍ରତି ସମସ୍ତଙ୍କର ଭଲପାଇବା ବି ଅତୁଟ ରହିଥାଏ।
ମନକୁ ବୁଝି : ସାଥୀଙ୍କ ଆଗରେ ମନଖୋଲି ସବୁ କିଛି କହିଦେବାକୁ ଇଚ୍ଛା ହୋଇଥାଏ। ହେଲେ କହିବା ପାଇଁ ଉପଯୁକ୍ତ ସମୟ ସୁଯୋଗକୁ ଅପେକ୍ଷା କରିବା ଉଚିତ। ନଚେତ୍‌ ଆପଣଙ୍କ କଥାର ବିପରୀତ ପ୍ରଭାବ ପଡ଼ିପାରେ। ହୁଏତ ସାଥୀଙ୍କ ସହ ସମ୍ପର୍କରେ ଫାଟ ବି ସୃଷ୍ଟି ହୋଇପାରେ। ପରିବେଶ ଓ ପରିସ୍ଥିତିକୁ ଦୃଷ୍ଟିରେ ରଖି କଥା କହିଲେ ସହଜରେ ସ୍ବାମୀଙ୍କ ମନକୁ କିଣିହୁଏ। ଆଉ କିଛି ବିଚାର ନ କରି କ୍ରୋଧରେ ପ୍ରତିକ୍ରିୟାଶୀଳ ହୋଇ ସବୁକିଛି କହିଦେଲେ କଥା ସରିଯାଏ। କିନ୍ତୁ ବୁଦ୍ଧିମତୀ ମହିଳା ଏମିତି ଭୁଲ୍‌ କେବେ କରନ୍ତି ନାହିଁ। ସ୍ବାମୀଙ୍କ ମନକୁ ବୁଝି ସମୟ ନେଇ କଥା କହିଲେ ଆପତ୍ତି ଅଭିଯୋଗ ଅବା ଅଭିମାନ ସବୁର ମୂଲ୍ୟ ରହିଥାଏ।
ଏମାନେ କ’ଣ କରନ୍ତି…
ସମସ୍ତେ ଭଲ ପାନ୍ତି: ଶାଶୁ ଘରେ ଆଜିପର୍ଯ୍ୟନ୍ତ କେବେ କାହାକୁ ରାଗରେ ମୁଁ କିଛି କହିନି। ସେମିତି ବି ନୁହଁ ଯେ ମୁଁ ସବୁ କଥା ଲୁଚାଇ ରଖେ। କିନ୍ତୁ କୌଣସି କଥାକୁ ନେଇ ଯୁକ୍ତି ହେଉଥିବା ସମୟରେ ମୁଁ କାହାକୁ କିଛି ନ କହି ପରେ ସମସ୍ତେ ଭଲ ମୁଡରେ ଥିବାବେଳେ ମୋର ପରାମର୍ଶ କିମ୍ବା ମତ ଦେଇଥାଏ। ଏମିତି କରିବା ଫଳରେ ଅନେକ ସମୟରେ ସହଜରେ ସମସ୍ୟା ସମାଧାନ ହୋଇଯାଏ। ତେଣୁ ଶାଶୁ ଘରେ କୌଣସି ସଦସ୍ୟ ମୋ ଉପରେ କେବେ ରାଗନ୍ତି ନାହିଁ। ବରଂ ଭଲ ବୋହୂ କହି ମତେ ସମସ୍ତେ ବହୁତ ଭଲ ପାଆନ୍ତି।
-ସୁରଭି ମିଶ୍ର, ଗୃହିଣୀ, ଭୁବନେଶ୍ୱର
ଉଦାହରଣ ଦେଇ ବୁଝାଏ: ମୋ ପିଲା ପାଇଁ ମୁଁ ବହୁତ ଭାବପ୍ରବଣ। ତେଣୁ ଘରେ ଆମ ଭିତରେ କେବେ ଯଦି କୌଣସି କଥାରେ ଛୋଟମୋଟ ଝଗଡା ହୁଏ ତେବେ ପିଲାମାନଙ୍କୁ ଅଲଗା ଘରେ ରଖିଥାଏ। ସେମାନଙ୍କର ପ୍ରତିଟି ଭାବନାକୁ ମୁଁ ଗୁରୁତ୍ୱ ଦିଏ। ସେଥିପାଇଁ କୌଣସି କଥାରେ ମୁଁ ତାଙ୍କୁ ରାଗିକି କିଛି କହେନି। ବରଂ ବୁଝାଇବା ସହ ଅନ୍ୟମାନଙ୍କର ଉଦାହରଣ ଦେଖାଇ ସବୁ କଥା କହିଥାଏ। ତେଣୁ ପ୍ରଥମେ ରାଗିଲେ ବି ସାଙ୍ଗେ ସାଙ୍ଗେ ସେ ତା’ ଭୁଲ୍‌ ବୁଝିଯାଏ।
-କବିତା ପାତ୍ର, ଗୃହିଣୀ, ଫେଜ୍‌-୩, ବଡମାଲ, ବଲାଙ୍ଗୀର
ମୁଡ୍‌ ଦେଖି କହେ: ଘରକୁ ଫେରିବା ମାତ୍ରେ ସାଙ୍ଗେ ସାଙ୍ଗେ ମୁଁ କାହାକୁ କିଛି କହେନି। ଏମିତି କି ସ୍ବାମୀ ଘରକୁ ଆସିବାର କିଛି ସମୟ ପରେ ତାଙ୍କ ମୁଡ୍‌ ଦେଖି ମୁଁ କଥା କହେ। ଖିଆପିଆ ସରିବା ପରେ ଏକୁଟିଆ ସମୟରେ ମୁଁ ଯାହା କହିଲେ ସେ ସହଜରେ ବୁଝିପାରନ୍ତି। ଏମିତି କି ମୁଁ ବିରକ୍ତ ହୋଇଥିବା କୌଣସି କଥା କହିଲେ ବି ସେ ମତେ ବୁଝାଇବାକୁ ଚେଷ୍ଟା କରନ୍ତି। ତେଣୁ ଆମ ଭିତରେ କେବେ କୌଣସି ମତପାର୍ଥକ୍ୟ ହୁଏନି ଓ ଭଲ ବୁଝାମଣା ରହିଥାଏ। ମୋର ଏଇ ସ୍ବଭାବ ପାଇଁ ଆମ ପରିବାର ସୁଖ ଶାନ୍ତିରେ ଚାଲିଛି ବୋଲି କହି ଶାଶୁ ଘରେ ସମସ୍ତେ ମତେ ପ୍ରଶଂସା କରନ୍ତି।
-ସସ୍ମିତା ବ୍ରହ୍ମା, ସାଉଥ୍‌ ସିଟି, ବାନର ଘାଟ ରୋଡ୍‌, ବେଙ୍ଗାଲୁରୁ


Enter your email to get our daily news in your inbox.

All Right Reserved By Dharitri.Com

କିପରି ଦେଖାଯିବେ ଷ୍ଟାଇଲିଶ୍‌

ଆଉ ଦିନ କେଇଟା ପରେ ଶୀତଦିନ ଆସିବ । ଏହି ଦିନରେ କିପରି ଷ୍ଟାଇଲିଶ୍‌ ଦେଖାଯିବେ ଜାଣନ୍ତୁ ସେ ସମ୍ପର୍କରେ… – ଆପଣ ଜିନ୍ସ ବଦଳରେ...

ସ୍କର୍ଟ କିଣିବା ବେଳେ…

ସ୍କର୍ଟ ପିନ୍ଧିବା ଯେମିତି ଆରାମଦାୟକ ସେମିତି ମଧ୍ୟ ଫ୍ୟାଶନେବୁଲ। କିନ୍ତୁ ପରଫେକ୍ଟ ଲୁକ୍‌ ପାଇବା ପାଇଁ ସ୍କର୍ଟ କିଣିବା ସମୟରେ କେଉଁ ସବୁ ଦିଗ ପ୍ରତି...

ଚକଟା ଅଟା ଫ୍ରିଜ୍‌ରେ ରଖୁଛନ୍ତି କି? ଏଥିରେ ପ୍ରସ୍ତୁତ ରୁଟି ଖାଇବା ସ୍ବାସ୍ଥ୍ୟ ପାଇଁ ହାନିକାରକ…

ପ୍ରାୟତଃ ଅଧିକାଂଶ ମହିଳା ସମୟ ବଞ୍ଚାଇବା ପାଇଁ ସକାଳ ଓ ରାତି ପାଇଁ ଏକା ସାଥିରେ ଅଟା ଚକଟି ଦେଇଥାନ୍ତି। ଏହି ଚକଟା ଅଟାକୁ ଫ୍ରିଜ୍‌ରେ...

ସାଧାରଣ ଲୋକ ବି ହୋଇଯିବେ ମାଲାମାଲ୍‌ : କେବଳ ଚାଣକ୍ୟଙ୍କ ଏହି କଥାକୁ ଦେଲେ ଧ୍ୟାନ

ମନୁଷ୍ୟ ସର୍ବଦା ଧନୀ ହେବାକୁ ଚେଷ୍ଟା କରେ। ଏକ ସୁଖମୟ ଜୀବନ ବଞ୍ଚିବାକୁ ଚାହେଁ। ଏ ନେଇ ଅର୍ଥ ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏପରି ପରିସ୍ଥିତିରେ...

ସକାଳେ ଏଥିରୁ ଖାଆନ୍ତୁ ଫାଳେ, ମିଳିବ ବହୁ ଫାଇଦା…

ସେଓ ଖାଇବା ଦ୍ୱାରା ଅନେକ ରୋଗ ଦୂର ହୋଇଥାଏ । ଏହା ବିଭିନ୍ନ ପ୍ରକାର ପୋଷକତତ୍ତ୍ୱରେ ଭରପୂର। ସେଓ ସ୍ବାସ୍ଥ୍ୟ ପାଇଁ ହିତକର ହୋଇଥାଏ ଏବଂ...

ସକାଳେ ଖାଆନ୍ତୁ ବାସି ରୁଟି

ବାସି ରୁଟିକୁ ଅନେକେ ଅଦରକାରୀ ଭାବି ଫୋପାଡି ଦେଇଥାଆନ୍ତି। ହେଲେ ଏଥିରେ ଥିବା ପୋଷକତତ୍ତ୍ୱ ଓ ପ୍ରୋଟିନ୍‌ ଆମ ଶରୀର ପାଇଁ ବେଶ ଲାଭଦାୟକ। ବିଭିନ୍ନ...

ଏହି ପତ୍ରର ରହିଛି ଅନେକ ଔଷଧୀୟ ଗୁଣ

ସାରୁ ଖାଇବାକୁ ଅଧିକାଂଶ ଲୋକ ପସନ୍ଦ କରି ନ ଥାଆନ୍ତି। ହେଲେ ସାରୁ ଶରୀର ପାଇଁ ଯେତିକି ଉପକାରୀ ଏହାର ପତ୍ର ମଧ୍ୟ ସେତିକି ଉପକାରୀ...

କୋଷ୍ଠକାଠିନ୍ୟର ମୁକ୍ତିଦାତା କିସ୍‌ମିସ୍‌

ଆୟୁର୍ବେଦ ଶାସ୍ତ୍ରାନୁଯାୟୀ ଦୈନିକ ଖାଦ୍ୟପେୟ ଉପରେ ଧ୍ୟାନ ଦେଲେ ଅନେକ ରୋଗ ଲାଗି ମେଡିକାଲ ଯିବାକୁ ପଡ଼ି ନ ଥାଏ। କାରଣ ପ୍ରାଥମିକ ଅବସ୍ଥାରେ ଅନେକ...

Advertisement
Archives

Model This Week