ଥକ୍କା ଲାଗିଲେ ସମସ୍ତେ ଆରାମ କରିବା ପାଇଁ ବେଡ୍ରୁମ୍କୁ ଆସନ୍ତି। ବେଡ୍ରୁମ୍କୁ ସୁନ୍ଦରଭାବେ ସଜାଇ ରଖିଲେ ହିଁ ମନ ଖୁସି ରହିବା ସହିତ ତାଜାପଣର ଅନୁଭବ ହୋଇପାରିବ। ବେଡ୍ରୁମ୍କୁ କିପରି ବିଭିନ୍ନ ଲୁକ୍ରେ ସଜାଇବେ ସେ ସମ୍ପର୍କରେ ଜାଣି ରଖନ୍ତୁ…
ବେଡ୍ରୁମ୍କୁ ସବୁବେଳେ ହାଲ୍କା ରଙ୍ଗ ଦିଅନ୍ତୁ। ଏହା ଫଳରେ ବେଡ୍ରୁମ୍ ଭିତରେ ରହିବା ପାଇଁ ଭଲ ଲାଗିବ। କ୍ରିମ୍ ହ୍ବାଇଟ୍ କିମ୍ବା ପାଉଡର ବ୍ଲୁ କଲର, ବେଡ୍ରୁମ୍ର ଲୁକ୍ ପାଇଁ ବହୁତ ଭଲ।
ବେଡ୍ ପାଖରେ ଛୋଟ ସାଇଡ୍ ଟେବୁଲ୍ ରଖନ୍ତୁ। ଏହା ସହିତ ହ୍ୟାଙ୍ଗିଙ୍ଗ୍ ଲ୍ୟାମ୍ପ ବି ଘରକୁ ଭିନ୍ନ ଲୁକ୍ ଦେବ।
ବେଡ୍ରୁମ୍କୁ ଆରାମଦାୟକ କରିବାକୁ ଚାହୁଁଥିଲେ ବେଡ୍ ଉପରେ ଧଳା ରଙ୍ଗର ଚଦର ବିଛାନ୍ତୁ। ବେଡ୍ ପାଖରେ ଅନ୍ୟ ଯେକୌଣସି ରଙ୍ଗର ଜିନିଷ ରଖିଲେ ହିଁ ଭଲ ଲାଗିବ।
ବେଡ୍ ପାଖରେ ଫୁଲ ସଜାଇ ରଖିଲେ ବି ବହୁତ ସୁନ୍ଦର ଦିଶିବ। ଏହା ସହିତ ଏକ ଆରାମ ଚେୟାର ବି ଘରେ ରଖିପାରିବେ। ବିଭିନ୍ନ ଡିଜାଇନର ଲାଇଟ୍ ବି ଆଜିକାଲି ବେଡ୍ରୁମ୍କୁ ଭିନ୍ନ ଲୁକ୍ ଦେଉଛି।
ଘରର ସାଇଜ୍ ଅନୁସାରେ ଘର ସଜାନ୍ତୁ। ଯଦି ଘର ଛୋଟ ହୋଇଥାଏ ତେବେ ଲାଲ୍ ରଙ୍ଗ ବ୍ୟବହାର କରନ୍ତୁ ଏବଂ ଘର ବଡ଼ ହୋଇଥିଲେ କାନ୍ଥର ଗୋଟିଏ କଡ଼ରେ ୱାଲ୍ ପେଣ୍ଟିଂ କରନ୍ତୁ।
ଯେତିକି ଆବଶ୍ୟକ ସେତିକି ଫର୍ନିଚର ହିଁ ରଖନ୍ତୁ।
ଘରେ ଅଧିକ ହ୍ୟାଙ୍ଗିଙ୍ଗ୍ ଜିନିଷ ରଖନ୍ତୁ। ଫଳରେ ଘରେ ଅଧିକ ସ୍ପେଶ୍ ରହିବ ଓ ଲୁକ୍ ମଧ୍ୟ ଭଲ ଲାଗିବ।
ଘରେ କବାଟ ଓ ଝରକାର ପରଦା ହିଁ ଘରକୁ ପୂରା ଅଲଗା ଲୁକ୍ ଦେଇଥାଏ। ତେଣୁ ଫର୍ନିଚରକୁ ଦୃଷ୍ଟିରେ ରଖି ସେହି ଅନୁସାରେ ପରଦା ଚୟନ କରନ୍ତୁ।
ଘରର ଆକାର ଅନୁସାରେ ସେହି ସାଇଜ୍ର ବେଡ୍ ରଖନ୍ତୁ। ବାହାରେ କୌଣସି ଜିନିଷ ନ ରଖି ବକ୍ସ ଥିବା ବେଡ୍ ରଖନ୍ତୁ। ଅଧିକ ଜିନିଷ ସେଥିରେ ରହିଯିବ।
ବେଡ୍ ସଜାଇବା ପାଇଁ ଭଲ କ୍ୱାଲିଟିର ଚଦର ଏବଂ ଡିଜାଇନ୍ ତକିଆ ବ୍ୟବହାର କରନ୍ତୁ।
