ନୂଆଦିଲ୍ଲୀ,୧୭।୧୨: ଅଷ୍ଟ୍ରେଲିଆରେ ଖେଳାଯାଉଥିବା ବିଗ୍ ବ୍ୟାଶ୍ ଲିଗ୍ ୨୦୨୪-୨୫ରେ ରୋମାଞ୍ଚକର ମୁକାବିଲା ଦେଖିବାକୁ ମିଳିଛି। ସିଜନର ତୃତୀୟ ମ୍ୟାଚ୍ ସିଡନୀ ଥଣ୍ଡର୍ସ ଏବଂ ଆଡିଲେଡ୍ ଷ୍ଟାଇକର୍ସ ମଧ୍ୟରେ ଖେଳାଯାଇଛି। ଏହି ମ୍ୟାଚ୍ ସିଡନୀ ଥଣ୍ଡର୍ସ ୨ ଉଇକେଟରେ ଜିତି ନେଇଛି। ମ୍ୟାଚ୍ରେ ଦଳର ହିରୋ ଡେନିଏଲ ସାମ୍ସ ପାଲଟିଥିଲେ, ତାଙ୍କର ବିସ୍ଫୋରକ ଇନିଂସ ମୁକାବିଲାର ଦିଗ ବଦଳାଇ ଦେଇଛି। ସେ ୨୩୩ ଷ୍ଟ୍ରାଇକ୍ ରେଟ୍ ସହ ରନ୍ କରି ଦଳକୁ ବିଜେତା କରାଇଥିଲେ।
ଆଡିଲେଡ୍ ଷ୍ଟ୍ରାଇକର୍ସ ପ୍ରଥମେ ବ୍ୟାଟିଂ କରି ୨୦ ଓଭରରେ ୮ ଉଇଟେ ହରା ୧୮୨ ରନ୍ କରିଥିଲା। ଏହାର ଜବାବରେ ସିଡନୀ ଥଣ୍ଡର୍ସ ୧୪୯ ରନ୍ରେ ୭ ଉଇକେଟ ହରାଇଥିଲେ। ସେତେବେଳେ ଦଳକୁ ୧୨ ବଲ୍ରେ ୩୪ ରନ୍ର ଆବଶ୍ୟକତା ଥିଲା। ବିଜୟ ଅସମ୍ଭବ ଲାଗୁଥିବା ବେଳେ ଡେନିଏଲ ୬ ବଲ୍ରେ ମ୍ୟାଚ୍କୁ ଜିତି ନେଇଥିଲେ।
୧୯ତମ ଓଭରରେ ପ୍ରଥମ ଦୁଇ ବଲ୍ରେ ଛକା, ପରର ୪ ବଲ୍ରେ ୩ ଚୌକା ଏବଂ ଗୋଟିଏ ଛକା ମାରିଥିଲେ। ମ୍ୟାଚ୍ରେ ଦଳ ଏକ ଓଭରରେ ୩୧ ରନ୍ କରିଥିଲେ। ଏମିତିରେ ଶେଷ ଓଭରରେ ୩ ରନ୍ର ଆବଶ୍ୟକତା ଥିଲା। ଏହାକୁ ୨ ବଲ୍ ଥାଇ ସିଡନୀ ଜିତି ନେଇଛି।
ସିଜନରେ ସିଡନୀ ଥଣ୍ଡର୍ସର ପ୍ରଥମ ମୁକାବିଲା ଥିଲା। ମ୍ୟାଚ୍ରେ ଡେନିଏଲ ୧୮ ବଲ୍ରେ ଅପରାଜିତ ୪୨ ରନ୍ର ଇନିଂସ ଖେଳିଥିଲେ।
