ଶୀତରେ ଶିଶୁଙ୍କ ଯତ୍ନ

ଧୀରେ ଧୀରେ ଅନୁଭୂତ ହେଲାଣି ଶୀତ। ଆଉ ମା’ମାନଙ୍କଠାରେ ବଢୁଛି ପିଲାଙ୍କ ସ୍ବାସ୍ଥ୍ୟ ଚିନ୍ତା। କାରଣ ବର୍ଷର ଅନ୍ୟଦିନ ତୁଳନାରେ ଏଦିନେ ଶିଶୁଙ୍କଠାରେ ଦେଖାଦେଇଥାଏ ବିଭିନ୍ନ ଥଣ୍ଡାଜନିତ ସ୍ବାସ୍ଥ୍ୟ ସମସ୍ୟା। ଯେଉଁଥିରୁ ଶିଶୁଙ୍କୁ ରକ୍ଷା କରିବା ଲାଗି ଆବଶ୍ୟକ ବିଭିନ୍ନ ପ୍ରତିଷେଧକ ବ୍ୟବସ୍ଥା…

ଶୀତଋତୁର ସ୍ଥାନ ବର୍ଷର ୬ ଋତୁ ମଧ୍ୟରୁ ସ୍ବତନ୍ତ୍ର ା ଏହି ଋତୁ ଆଣେ ଅନେକ ପର୍ବପର୍ବାଣି ଓ ଆନନ୍ଦ ଉଲ୍ଲାସର ଦିନ, ପାଚିଲା ଧାନକ୍ଷେତ, ଅନେକ ଫଳ ପୁଷ୍ପର ସମ୍ଭାର ସମସ୍ତଙ୍କୁ ଆତ୍ମହରା କରିଥାଏ ା
ଏହିଦିନେ ଭଳିକି ଭଳି ଶୀତବସ୍ତ୍ର ପିନ୍ଧି ସଭିଏଁ ଏହାର ବେଶ୍‌ ଆନନ୍ଦ ଉଠାନ୍ତି। ହେଲେ ଏହି ଥଣ୍ଡା ପାଗ ଶିଶୁଙ୍କ ସ୍ବାସ୍ଥ୍ୟକୁ ପ୍ରଭାବିତ କରିଥାଏ। କାରଣ ଏହିଦିନେ ପୃଥିବୀ ଦଣିକ୍ଷାୟନ ହେବା ଫଳରେ ସୂର୍ଯ୍ୟଙ୍କ ନିକଟରୁ ଆସୁଥିବା କିରଣ ପୃଥିବୀରେ ତୀର୍ଯ୍ୟକ ଭାବରେ ପଡ଼ିଥାଏ ା ଫଳରେ ଭୂପୃଷ୍ଠର ଉତ୍ତାପ କମ୍‌ ହୋଇଥାଏ ା ଉଷ୍ମ ବାୟୁରେ ଅଧିକ ଜଳୀୟ ବାଷ୍ପ ଥିବା ବେଳେ ବାୟୁ ଶୀତଳ ହେଲେ ଜଳୀୟ ବାଷ୍ପ ହ୍ରାସ ପାଏ। ଏହା ତ୍ୱଚାକୁ ଶୁଷ୍କ କରିଦିଏ ା ଶୀତଳ ବାୟୁ ଭୂପୃଷ୍ଠରୁ ଊର୍ଦ୍ଧ୍ୱକୁ ଯାଏ ନାହିଁ । ତେଣୁ ଧୂଳିକଣା, ଧୂଆଁ, ଅଙ୍ଗାରକାମ୍ଳ ଭୂପୃଷ୍ଠରେ ରହିଯାଏ ା କୁହୁଡ଼ି ସହ ମିଶି ଏହା ସ୍ମଗ୍‌ ସୃଷ୍ଟିକରେ, ଯାହାକି ଶ୍ୱାସକ୍ରିୟା ପାଇଁ ହାନିକାରକ। ବିଶେଷକରି ଏହା ଶିଶୁର ଛାତି ଭିତରକୁ ଯାଇ ଥଣ୍ଡା ଓ ଶ୍ୱାସଜନିତ ରୋଗ ସୃଷ୍ଟି କରିଥାଏ ା
ଶୀତରେ ଶିଶୁଙ୍କଠାରେ ଦେଖାଦେଉ ଥିବା ମୁଖ୍ୟ ସମସ୍ୟା: ଶୀତରେ ସାଧାରଣ ଶିଶୁଙ୍କ ଠାରେ ଥଣ୍ଡାଜ୍ୱର ଦେଖାଦେଇଥାଏ। ଏହା ବ୍ୟତୀତ ଇନ୍‌ଫ୍ଲୁଏଞ୍ଜା, ବ୍ରୋଙ୍କିଓଲାଇଟିସ୍‌, କ୍ରୁପ୍‌, ନିମୋନିଆ, ଟନ୍‌ସିଲାଇଟିସ୍‌ ଓ ଫାରିଞ୍ଜାଇଟିସ୍‌, ଷ୍ଟୋମାକ୍‌ ଫ୍ଲୁ ଏବଂ କୋଭିଡ୍‌-୧୯, କାନପଚା, ଆଜ୍‌ମା, ଚର୍ମରୋଗ, ଡେଙ୍ଗୁ, ମ୍ୟାଲେରିଆ, ଜିଭ ଘା’, ତରଳଝାଡ଼ା(ରୋଟା ଓ ନରୋଭାଇରସ୍‌ ଡାଇରିଆ) ଭଳି ସମସ୍ୟା ବି କେତେକଙ୍କ ଠାରେ ଦେଖିବାକୁ ମିଳିଥାଏ।
ତେବେ ଶୀତରେ ଶିଶୁମାନଙ୍କରଠାରେ ଦେଖାଦେଉଥିବା ପ୍ରଧାନ ରୋଗ ହେଲା ଥଣ୍ଡା। ପ୍ରାୟ ୨୦୦ ପ୍ରକାର ଭୂତାଣୁ ଦ୍ୱାରା ଥଣ୍ଡାରୋଗ ହୋଇଥାଏ ା ଏମାନଙ୍କ ମଧ୍ୟରୁ ରାଇନୋ(Rhino) ରେସ୍ପିରେଟନ ସିନ୍‌ସିଟିଆଇ ଭାଇରସ୍‌(R.S.V), କରୋନା ଭୂତାଣୁ, ମିଳିମିଳା ଭୂତାଣୁ ପ୍ରଧାନ। ଥଣ୍ଡା ପ୍ରଥମ ଦିନ ଜ୍ୱର ହୁଏ ଓ ନାକରୁ ତରଳ ଜଳୀୟ ପଦାର୍ଥ ନିର୍ଗତ ହୁଏ ା ୩ ଦିନ ପରେ ବହଳିଆ ହୋଇଥାଏ ା କମ୍‌ ରୋଗ ପ୍ରତିରୋଧକ ଥିବା ଶିଶୁମାନଙ୍କର ଅଧିକ ଦିନ ଦେହରେ କାଶ ଥଣ୍ଡା ଲାଗିରହେ ା
– ଇନ୍‌ଫ୍ଲୁଏଞ୍ଜା ରୋଗ ଓ କୋଭିଡ୍‌-୧୯ ଅଧିକ ମାରାତ୍ମକ ହୋଇଥାନ୍ତି ା ଲାରିଙ୍ଗୋ ଟାକିଓ ବ୍ରୋଙ୍କାଇଟିସ୍‌ (Laryngo teacheo Bronchitis)ରେ ଶିଶୁର ସ୍ବର ବଦଳିଯାଏ ା କାଶ ଲାଗି ରହେ, ଅଣନିଃଶ୍ୱାସୀ ହୁଏ ା ବ୍ରୋଙ୍କିଓଲାଇଟିସ୍‌ ହେଲେ ଶିଶୁଟି ମା’ଠାରୁ ଟାଣି କ୍ଷୀର ଖାଇପାରେ ନାହିଁ ା ଅଣନିଃଶ୍ୱାସୀ ହୁଏ ା ଏକ୍ଷେତ୍ରରେ ତୁରନ୍ତ ଶିଶୁକୁ ଡାକ୍ତରଖାନାରେ ରଖି ଚିକିତ୍ସା କରିବା ଜରୁରୀ ା
-ନିମୋନିଆ ରୋଗ ଷ୍ଟ୍ରେପ୍ଟୋକୋକ୍‌ସ ନିଉମୋନି ବା ନିଉମୋ କୋକସ୍‌ ଜୀବାଣୁ ଦ୍ୱାରା ହୋଇଥାଏ ା ଏଥିରେ ନିଃଶ୍ୱାସର ଗତି ବୃଦ୍ଧି ପାଏ। ନିଷ୍କାସନର ଗତି(ଜନ୍ମରୁ-୨ ମାସ ପର୍ଯ୍ୟନ୍ତ ଶିଶୁଙ୍କ ନିଃଶ୍ୱାସର ଗତି ପ୍ରତି ମିନିଟକୁ ୬୦ କିମ୍ବା ୬୦ରୁ ଊର୍ଦ୍ଧ୍ୱ, ୨ମାସରୁ-୧ବର୍ଷ ମଧ୍ୟରେ ଶିଶୁଙ୍କର ୫୦କିମ୍ବା ଊର୍ଦ୍ଧ୍ୱ, ୧ବର୍ଷରୁ -୫ ବର୍ଷ ଶିଶୁଙ୍କର ୪୦କିମ୍ବା ଊର୍ଦ୍ଧ୍ୱ ଏବଂ ୫ରୁ ଅଧିକ ବର୍ଷର ଶିଶୁଙ୍କର ୩୦ କିମ୍ବା ଊର୍ଦ୍ଧ୍ୱ)କୁ ମାପି ସେଥିରୁ ନିମୋନିଆ ଅଛି କି ନାହିଁ ଜାଣିହୁଏ । ନିମୋନିଆ ରୋଗ ହୋଇଥିଲେ ଶୀଘ୍ର ଡାକ୍ତରଙ୍କ ପରାମର୍ଶ ନେଇ ଡାକ୍ତରଖାନାରେ ରଖିବା ଆବଶ୍ୟକ ା
ପ୍ରତିଷେଧକ: – ଶୀତଦିନ ଆରମ୍ଭରୁ ଶିଶୁଙ୍କୁ ବିଭିନ୍ନ ସ୍ବାସ୍ଥ୍ୟ ସମସ୍ୟାରୁ ରକ୍ଷାକରିବା ଲାଗି ବହୁ ପ୍ରତିଷେଧକ ବ୍ୟବସ୍ଥା ଆପଣେଇବା ଆବଶ୍ୟକ। ନିମୋନିଆ ନ ହେବା ପାଇଁ ପିସିଭି ବା ନିଉମୋକୋକାଲ ଭାକ୍ସିନ ମିଳୁଛି ା ସରକାରୀ ଡାକ୍ତରଖାନା କିମ୍ବା କୌଣସି ଶିଶୁରୋଗ ବିଶେଷଜ୍ଞଙ୍କ ନିକଟରେ ଦେଢ଼ମାସ, ଅଢ଼େଇମାସ ଓ ସାଢ଼େ ୩ ମାସ ବୟସର ଶିଶୁଙ୍କୁ ଏହି ଭାକ୍ସିନ ଦିଅନ୍ତୁ। ଏହାର ବୁଷ୍ଟର ଡୋଜ୍‌ ୧୫ ମାସ ବୟସରେ ଦିଆଯାଏ ା ଏହା ବ୍ୟତୀତ ଫ୍ଲୁ ଏବଂ କରୋନା ପାଇଁ ମିଳୁଥିବା ପ୍ରତିଷେଧକ ଟିକା ଦିଅନ୍ତୁ ା
– ଶିଶୁମାନଙ୍କର ରୋଗ ପ୍ରତିରୋଧକ ଶକ୍ତି ଶୀତଦିନରେ କମ୍‌ ରହେ। ଏହାକୁ ବୃଦ୍ଧି କରିବା ଲାଗି ଲେମ୍ବୁ, କମଳା ଇତ୍ୟାଦି ଭିଟାମିନ-ସି ଯୁକ୍ତ ଖାଦ୍ୟ ଖାଇବାକୁ ଦିଅନ୍ତୁ। ଏଦିନେ ତ୍ୱଚା ଶୁଷ୍କ ନ ହେବା ଲାଗି ଅଧିକ ପାଣି ପିଇବାକୁ ଦିଅନ୍ତୁ ଏବଂ ଜୁସ୍‌, ସୁପ୍‌ ଆଦି ମଧ୍ୟ ପିଇବାକୁ ଦିଅନ୍ତୁ।
– ଏହିଦିନେ ଶୀତ ଯୋଗୁ ଶୀତବସ୍ତ୍ର ପିନ୍ଧିବା ହେତୁ ପିଲାଙ୍କ ଚର୍ମ ଉପରେ ଆଦୌ ଖରା ପଡ଼େ ନାହିଁ। ଏହାଦ୍ୱାରା ଭିଟାମିନ୍‌-ଡି କମ୍‌ ହୋଇଥାଏ। ତେଣୁ ପିଲାଙ୍କୁ ସକାଳୁ କିଛି ସମୟ ସୂର୍ଯ୍ୟାଲୋକରେ ବୁଲାବୁଲି କରାଇବା ଦରକାର।
– ତା’ଛଡ଼ା ଅନେକ ଶିଶୁ ଥଣ୍ଡା ଲାଗୁଥିବାରୁ ଏହିଦିନେ ଗାଧେଇ ନ ଥାନ୍ତି। ଏହାଦ୍ୱାରା ମଧ୍ୟ ଶିଶୁଙ୍କଠାରେ ସ୍ବାସ୍ଥ୍ୟ ସମସ୍ୟା ବଢ଼ିଥାଏ। ତେଣୁ ସେମାନଙ୍କୁ ପ୍ରତିଦିନ ଗାଧୋବାକୁ କୁହନ୍ତୁ। ବାହାରକୁ ଗଲେ ଫେରିବା ମାତ୍ରେ ହ୍ୟାଣ୍ଡଓ୍ବାଶ୍‌ କରନ୍ତୁ। ଥଣ୍ଡା, କାଶ, ଜ୍ୱର ହୋଇଥିବା କୌଣସି ବ୍ୟକ୍ତିଙ୍କ ନିକଟକୁ ପିଲାଙ୍କୁ ଛାଡ଼ନ୍ତୁ ନାହିଁ।
– ଅନେକ ଅଭିଭାବକ ଥଣ୍ଡା ପବନ ବାଜିଲେ ପିଲାଙ୍କ ଦେହ ଖରାପ ହେବା ଡରରେ ଆଦୌ ବାହାରକୁ ଛାଡି ନ ଥାନ୍ତି। ହେଲେ ଏହାଦ୍ୱାରା ଅଧିକ ସ୍ବାସ୍ଥ୍ୟ ସମସ୍ୟା ଦେଖାଦେବାର ଆଶଙ୍କା ରହିଛି। ତେଣୁ ପିଲାଙ୍କ ରୋଗ ପ୍ରତିରୋଧକ ଶକ୍ତି ବଢାଇବା ଲାଗି କିଛି ସମୟ ଖରାରେ ଖେଳକୁଦ କରିବାକୁ ଛାଡନ୍ତୁ।
– ତା’ଛଡା ସମ୍ପୂର୍ଣ୍ଣ ଘରେ ରହିବା ଅବା ସ୍କୁଲରେ କୋଠରି ଭିତରେ ଅନେକ ପିଲା ଏକାଠି ରହିବା ଫଳରେ ରୋଗ ସଂକ୍ରମଣର ଅଧିକ ଭୟ ଥାଏ। କାରଣ ଶୀତରେ ଭୂତାଣୁମାନଙ୍କର ସୃଷ୍ଟି ଅଧିକ ହୁଏ ା ଏମାନେ ଅଧିକ ଦିନ ବଞ୍ଚତ୍ଥାନ୍ତି। ଭୂତାଣୁ ଉପରେ ଆଣ୍ଟିବାୟୋଟିକ୍‌ର ପ୍ରଭାବ ନାହିଁ ା ତେଣୁ ଭୂତାଣୁ ଜ୍ୱରରେ ଆଣ୍ଟିବାଓଟିକ୍‌ ଖାଇବା ଠିକ୍‌ ନୁହେଁ ା ପ୍ରତିଷେଧକ ଟିକା ହିଁ ପ୍ରକୃତ ରକ୍ଷକ ା

– ଡା. ନରେଶ ଚନ୍ଦ୍ର ଆଚାର୍ଯ୍ୟ
– ଶିଶୁରୋଗ ବିଶେଷଜ୍ଞ, ଲିଙ୍ଗରାଜ ବିହାର, ପୋଖରୀପୁଟ,ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଅନୁରାଧା ନକ୍ଷତ୍ରରେ ସୂର୍ଯ୍ୟଙ୍କ ପ୍ରବେଶ: ୫ ରାଶିର ଭାଗ୍ୟରେ ଲାଗିଲା ଚାରିଚାନ୍ଦ, ଧନଲାଭ ସହ ଚାକିରିରେ ବଡ଼ ପ୍ରମୋଶନ

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ଯୋଗୁ ମେଷ, ମିଥୁନ, କନ୍ୟା, ଧନୁ ଓ ମୀନ ରାଶିର ବ୍ୟକ୍ତିଙ୍କୁ ଭାଗ୍ୟର ସାଥ୍‌ ମିଳିବ। ଏହି ୫ଟି ରାଶିର ଲୋକଙ୍କ ପାଇଁ…

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

ଶୁକ୍ରଙ୍କ ମାର୍ଗୀ ଚଳନରେ ଜବରଦସ୍ତ ଫାଇଦା: ୨୨ ନଭେମ୍ବର ପୂର୍ବରୁ ମାଲାମାଲ ହେବେ ଏହି ୩ ରାଶି! ଜାଣନ୍ତୁ ସେହି ଭାଗ୍ୟଶାଳୀ ରାଶି କିଏ…

ଜ୍ୟୋତିଷ ଶାସ୍ତ୍ର ଅନୁସାରେ, ଶୁକ୍ର ଗ୍ରହ ୧୪ ନଭେମ୍ବର ୨୦୨୬ରେ କନ୍ୟା ରାଶିରେ ମାର୍ଗୀ ହୋଇଛନ୍ତି। ଏହାପରେ ୨୨ ନଭେମ୍ବରରେ ଶୁକ୍ର ତୁଳା ରାଶିକୁ ଚଳନ କରିବେ।…

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?