ନୂଆଦିଲ୍ଲୀ,୨୫।୩: ସୋମବାର ଦେଶ ସମେତ ସମଗ୍ର ବିଶ୍ୱରେ ହୋଲିର ପର୍ବ ଆନନ୍ଦ ଏବଂ ଉତ୍ସାହରେ ପାଳନ କରାଯାଉଛି। ଏହି ଅବସରରେ, ବିଦେଶର ଲୋକମାନେ ହୋଲି ରଙ୍ଗ ଏବଂ ଗୁଲାଲ ସହିତ ଖେଳୁଛନ୍ତି।
ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଆନ୍ଥୋନି ଆଲବାନିଜ ହୋଲି ପର୍ବରେ ଭାରତୀୟଙ୍କୁ ଶୁଭେଚ୍ଛା ଜଣାଇଛନ୍ତି। ରଙ୍ଗ, ପ୍ରେମ ଏବଂ ନୂତନ ଜୀବନର ଏକ ଆନନ୍ଦ ଉତ୍ସବ ବୋଲି ଆଲବାନିଜ କହିଛନ୍ତି। ମନ୍ଦ ଉପରେ ଭଲର ବିଜୟ ମାଧ୍ୟମରେ ନୂତନତାର ବାର୍ତ୍ତା ଅଷ୍ଟ୍ରେଲିଆବାସୀଙ୍କ ପାଇଁ ପ୍ରେରଣା ବୋଲି ସେ କହିଛନ୍ତି।
ଆମେରିକାର ରାଜଧାନୀ ୱାଶିଂଟନ ଡିସିର ଡୁପଣ୍ଟ ସର୍କଲରେ ହୋଲିର ପର୍ବ ପାଳନ କରାଯାଇଛି। ଏହି ପର୍ବ ପାଳନ କରି ଲୋକମାନେ ସଂଗୀତର ତାଳେ ତାଳେ ନାଚି ନାଚି ଏହାକୁ ଉପଭୋଗ କରିଥିଲେ। ଭାରତରେ ନରୱେର ରାଷ୍ଟ୍ରଦୂତ ମେ-ଏଲିନ ଷ୍ଟେନର୍ ହୋଲି ଅବସରରେ ଲୋକଙ୍କୁ ଅଭିବାଦନ ଜଣାଇଛନ୍ତି। ଷ୍ଟେନର୍ ହିନ୍ଦୀରେ ପୋଷ୍ଟ କରି ଲେଖିଛନ୍ତି, ’ହୋଲି ହୈ ଭୋଇ ହୋଲି ହୈ! ବୁରା ମତ ମାନୋ, ହୋଲି ହୈ!
ଭାରତରେ ଇସ୍ରାଏଲର ରାଷ୍ଟ୍ରଦୂତ ନାଓର ଗିଲୋନ ହାପି ହୋଲି କାମନା କରୁଥିବାବେଳେ ଭାରତୀୟମାନଙ୍କୁ ତାଙ୍କ ପରିବାର ବୋଲି କହିଛନ୍ତି। ଗିଲନ କହିଛନ୍ତି, ଆସନ୍ତୁ ଏହି ଦିନକୁ ମନ୍ଦ ଉପରେ ଭଲର ବିଜୟ ପାଇଁ ପ୍ରାର୍ଥନା କରି ପାଳନ କରିବା।
ତେବେ ଇସ୍ରାଏଲର ରାଷ୍ଟ୍ରଦୂତ କହିଛନ୍ତି ଯେ ଚଳିତ ବର୍ଷ ହୋଲିର ଆନନ୍ଦ ଉତ୍ସବରେ ଯୋଗଦେବା କଷ୍ଟକର ହୋଇପଡିଛି, କାରଣ ଜାଣିଛନ୍ତି ଯେ ଗାଜାର ଅନ୍ଧକାର ଟନେଲରେ ଇସ୍ରାଏଲର ଶିଶୁ, ମହିଳା ଏବଂ ପୁରୁଷମାନେ ବନ୍ଦୀ ହୋଇ ରହିଛନ୍ତି।’
#WATCH | Norwegian Ambassador to India May-Elin Stener extends greetings to people on the occasion of #Holi
(Video: Ambassador May-Elin Stener/X) pic.twitter.com/DRUJymWUrE
— ANI (@ANI) March 25, 2024
