ପରଜଙ୍ଗ,୭।୧୦(ଡି.ଏନ୍.ଏ.): ଢେଙ୍କାନାଳ ଜିଲା ପରଜଙ୍ଗ ଥାନା ନିକଟରେ ଥିବା ଗ୍ରୋସରି ବ୍ୟବସାୟୀ ବିନୟ କୁମାର ସାହୁଙ୍କ ଘରୁ ଏକ ବଡ଼ଧରଣର ଡକାୟତି ହୋଇଛି।
ଦୁର୍ବୃତ୍ତମାନେ ଘର ପାଚେରି ଡେଇଁ ଛାତ ଉପରେ ଚଢ଼ି ଶିଡ଼ି ଘର ଦେଇ ଭିତରକୁ ପଶିଥିଲେ। ସେତେବେଳେ ଘରେ ବିନୟଙ୍କ ସ୍ତ୍ରୀ ଅନୁପମା ସାହୁ, ଝିଅ ସୁଶ୍ରୀପ୍ରଣିତା ସାହୁ ଲାପଟପ୍ ଦେଖୁଥିଲେ। ଦୁବୃର୍ତ୍ତମାନେ ତାଙ୍କୁ ମାରଣାସ୍ତ୍ର ସହ ବନ୍ଧୁକ ଦେଖାଇ ଭୟଭିତ କରିଥିଲେ। ଏପରିକି ମା’ ଝିଅଙ୍କୁ ଏକ କୋଠରିରେ ଅଟକ ରଖି ବନ୍ଧୁକ ଲଗାଇ ପାଟି ନ କରିବାକୁ ଧମକ ଦେଇଥିଲେ। ପରେ ଘରେ ଥିବା ୫ ଲକ୍ଷରୁ ଊର୍ଦ୍ଧ୍ୱ ଟଙ୍କାର ସୁନା ଅଳଙ୍କାର ସହ ନଗଦ ଲକ୍ଷାଧିକ ଟଙ୍କା ଏକ ଏୟାର ବ୍ୟାଗ୍ରେ ପୂରାଇ ବାହାର ପଟୁ କବାଟ ଦେଇ ଫେରାର ହୋଇଯାଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
