ସେଞ୍ଚୁରିଅନ୍,୨୫।୧୨: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ୨୬ ଡିସେମ୍ବରରୁ ଆରମ୍ଭ ହେବାକୁ ଯାଉଛି। ଏହି ଟେଷ୍ଟ ସିରିଜ ଟିମ ଇଣ୍ଡିଆର କିମ୍ବଦନ୍ତୀ ସ୍ପିନର ଆର ଅଶ୍ୱିନଙ୍କ ପାଇଁ ଅତ୍ୟନ୍ତ ସ୍ବତନ୍ତ୍ର ହେବାକୁ ଯାଉଛି। ଟେଷ୍ଟ ଇତିହାସରେ ତାଙ୍କ ନାମ ସୁବର୍ଣ୍ଣ ଅକ୍ଷରରେ ଲେଖିବା ପାଇଁ ଆର ଅଶ୍ୱିନଙ୍କ ନିକଟରେ ଏକ ବଡ଼ ସୁଯୋଗ ଅଛି। ସେ ଏକ ବଡ ରେକର୍ଡର ଅତି ନିକଟତର ଅଛନ୍ତି।
ରବିଚନ୍ଦ୍ରନ ଅଶ୍ୱିନ ଟିମ ଇଣ୍ଡିଆ ପାଇଁ ଏପର୍ଯ୍ୟନ୍ତ ୯୪ଟି ଟେଷ୍ଟ ମ୍ୟାଚ ଖେଳିଛନ୍ତି। ୯୪ ମ୍ୟାଚର ୧୭୮ ଇନିଂସରେ ବୋଲିଂ କରି ଅଶ୍ୱିନ ହାରାହାରି ୨୩.୬୬ରେ ୪୮୯ ଉଇକେଟ ନେଇଛନ୍ତି। ଟେଷ୍ଟରେ ୫୦୦ ଉଇକେଟ ପୂରଣ କରିବା ଠାରୁ ଆର ଅଶ୍ୱିନ ମାତ୍ର ୧୧ ଉଇକେଟ ଦୂରରେ ଅଛନ୍ତି। ବର୍ତ୍ତମାନ ପର୍ଯ୍ୟନ୍ତ କେବଳ ଜଣେ ବୋଲର ଭାରତ ପାଇଁ ଟେଷ୍ଟରେ ୫୦୦ ଟେଷ୍ଟ ଉଇକେଟ ନେବାରେ ସକ୍ଷମ ହୋଇଛନ୍ତି। ସେ ହେଉଛନ୍ତି ଅନିଲ କୁମ୍ବଲେ। କୁମ୍ବଲେ ଭାରତ ପାଇଁ ୬୧୯ ଟେଷ୍ଟ ଉଇକେଟ ନେଇଛନ୍ତି। ଏଥି ସହିତ କ୍ରିକେଟ ଇତିହାସରେ କେବଳ ୮ ବୋଲର ୫୦୦ ଟେଷ୍ଟ ଉଇକେଟ ଅଙ୍କ ଛୁଇଁ ପାରିଛନ୍ତି।
ଟେଷ୍ଟରେ ସର୍ବାଧିକ ଉଇକେଟ ନେଉଥିବା ବୋଲର
ମୁଥିୟା ମୁରଲୀଧରନ ୮୦୦ ଉଇକେଟ
ସେନ୍ ୱାର୍ନ ୭୦୮ ଉଇକେଟ
ଜେମ୍ସ ଆଣ୍ଡରସନ ୬୯୦ ଉଇକେଟ
ଅନିଲ କୁମ୍ବଲେ ୬୧୯ ଉଇକେଟ
ଷ୍ଟୁଆର୍ଟ ବ୍ରଡ ୬୦୪ ଉଇକେଟ
