ମୁମ୍ବାଇ: ବଲିଉଡ୍ରେ ବେଶ୍ କିଛିଦିନ ହେବ ବ୍ରେକ୍ଅପ-ପ୍ୟାଚ୍ଅପ୍କୁ ନେଇ ଖବର ଶୁଣିବାକୁ ମିଳୁଛି। ସେଲିବ୍ରିଟିମାନଙ୍କୁ ଏକାଠି ଦେଖିବା ପରେ ସେମାନଙ୍କ ସମ୍ପକକୁ ନେଇ ପ୍ରାୟତଃ ଗୁଜବ ସୃଷ୍ଟି ହୁଏ। ତେବେ ଏହି ଲିଷ୍ଟରେ ଏବେ ଅଭିନେତ୍ରୀ ନୋରା ଫତେହି ଏବଂ ଆର୍ଯ୍ୟନ୍ ଖାନ୍ ନାଁ ଯୋଡି ହୋଇଯାଇଛି। ଦୁହେଁ ଦୁହିଁଙ୍କୁ ଡେଟ୍ କରୁଥିବା ନେଇ ଚର୍ଚ୍ଚା ଆରମ୍ଭ ହୋଇଛି। ବାସ୍ତବରେ କିଛି ଲୋକଙ୍କ ସହ ନୋରା ଫତେହି ଏବଂ ଆର୍ଯ୍ୟନ୍ ଖାନ୍ଙ୍କ ଫଟୋ ଭାଇରାଲ ହେବାରେ ଲାଗିଛି। ଫଟୋରେ ଏହା ମଧ୍ୟ ଦେଖିବାକୁ ମିଳିଛି ଯେ, ଉଭୟ ସମାନ ପ୍ରଶଂସକଙ୍କ ସହିତ ଅଲଗା ଅଲଗା ଫଟୋ ଉଠାଇଛନ୍ତି। ଏହି କାରଣରୁ ପ୍ରଶଂସକ ଅନୁମାନ କରୁଛନ୍ତି ଯେ ନୋରା-ଆର୍ଯ୍ୟନ୍ ଏକାଠି ପାର୍ଟି କରୁଛନ୍ତି। ହେଲେ ଏହି ଖବରକୁ ନେଇ କିଛି ସ୍ପଷ୍ଟ ସୂଚନା ମିଳି ନ ଥିବା ବେଳେ ସେଲିବ୍ରିଟିଙ୍କଠାରୁ ମଧ୍ୟ ଏହାକୁ ନେଇ କୌଣସି ଖବର ସାମ୍ନାକୁ ଆସିନାହିଁ।
ଏଭଳି ପରିସ୍ଥିତିରେ ଆର୍ଯ୍ୟନ୍ ଏବଂ ନୋରାଙ୍କ ଏପରି ଖବର କେବଳ ଗୁଜବ ବୋଲି କହିବା ଭୁଲ ହେବ ନାହିଁ। କାରଣ ନୋରା ଖୁବ୍ଶୀଘ୍ର ଫିଲ୍ମ ‘୧୦୦ ପରସେଣ୍ଟ’ ରେ ନଜର ଆସିବେ। ଏଥିରେ ଆର୍ଯ୍ୟନ୍ ଖାନ୍ ନିର୍ଦ୍ଦେଶକ ଭାବରେ ଡେବ୍ୟୁ କରିବାକୁ ଯାଉଛନ୍ତି।
