ବାଉଁଶୁଣୀ,୧୩।୮(ଡି.ଏନ୍.ଏ.): ବୌଦ୍ଧ ଜିଲା କଣ୍ଟାମାଳରେ କିଛିଦିନ ହେଲା ଚାଲିଥିଲା ସେକ୍ସ ର଼୍ୟାକେଟ। ଗୁରୁବାର ରାତିରେ ପୋଲିସ ପାଟ୍ରୋଲିଂ ବେଳେ ରୁଣ୍ଡିମହୁଲ ଛକ ନିକଟ ରାସ୍ତା ପାର୍ଶ୍ୱ ପଡ଼ିଆରେ ଆପତ୍ତିଜନକ ଅବସ୍ଥାରେ ଜଣେ ଯୁବତୀ ଓ ଜଣେ ଯୁବକଙ୍କୁ ପାଇଥିଲା।
ସେଠାରେ ୪ଜଣ ଯୁବକ ଥିଲେ । ପୋଲିସ ଗାଡିକୁ ଦେଖି ୩ ଜଣ ଦୌଡ଼ି ପଳାଇଥିଲେ। ପଚରାଉଚୁରା ବେଳେ ୪ଜଣ ଯୁବକ ମିଶି ସୁବର୍ଣ୍ଣପୁର ଜିଲା ବୀରମହାରାଜପୁର ଅଞ୍ଚଳର ଜନୈକା ଯୁବତୀଙ୍କୁ ଆଣି ସେକ୍ସ ର଼୍ୟାକେଟ ଚଳାଉଥିବା ଜଣାପଡ଼ିଛି।
ଯୁବତୀଙ୍କ ସହିତ ଆପତ୍ତିଜନକ ଅବସ୍ଥାରେ ଧରାପଡିଥିବା ଯୁବକ ହେଲେ ଜଗୁ ସାହୁ(୨୯)। ତାଙ୍କ ଘର ରୁଣ୍ଡିମହୁଲ ଗ୍ରାମରେ। ଏ ସଂକ୍ରାନ୍ତରେ କଣ୍ଟାମାଳ ଥାନା ପୋଲିସ ଏକ ମାମଲା (ନଂ.୧୦୧/୨୦୨୧) ରୁଜୁକରି ତଦନ୍ତ ଆରମ୍ଭ କରିଛି। ଜଗୁଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଖୁବ୍ଶୀଘ୍ର ଅନ୍ୟ ୩ଜଣ ଗ୍ରାହକଙ୍କୁ ମଧ୍ୟ ଗିରଫ କରାଯିବ ବୋଲି କଣ୍ଟାମାଳ ଥାନା ଆଇଆଇସି ଅଶ୍ୱିନୀ ଭିତିରିଆ କହିଛନ୍ତି। କଣ୍ଟାମାଳ ସହ ବାଉଁଶୁଣୀ, ମନମୁଣ୍ଡା, ଜହ୍ନାପଙ୍କ ଅଞ୍ଚଳରେ ମଧ୍ୟ ସେକ୍ସ ର଼୍ୟାକେଟ ଚାଲିଥିବା ଅଭିଯୋଗ ହେଉଛି।
